و مين و مين و مين ؟؟ و الاجابة واحدة !! يسقط يسقط حكم العسكر

ميــــــــــــــــــــــــــــــــــــــــــــــــــــــــــــن

• مين ؟؟ الي نزل  و وصل امدادات للأمن المركزي يوم 28 يناير و اتحرقتله مدرعة في وسط ميدان التحرير

• مين  ؟؟ الي فتح الطريق للجمال في موقعة الجمل و لما الطوب اشتغل و الملتوف اتحدف قفل برج دبابته على نفسة و سحب قواته مع انه كان الاول مأمن الميدان كويس اوي

• مين ؟؟ الي فض اول اعتصام بعد جمعة التنحي و اعتقل في الثوار

• مين ؟؟ الي عمل كشف عزرية للبنات المعتقلة من الميدان بعد فض الاعتصام

• مين ؟؟ الي اقتحم الميدان يوم 8 ابريل و افرط في استخدام القوى و اعتقل الظباط الي كانو مشاركين في المليونية و معاهم كل واحد كان واقف جنبهم و الله اعلم بمصير الظباط اما بالنسبة للنشطاء فهما في السجون الحربية دلوقتى

• مين ؟؟ الي ساب شفيق الي  كل رجال الاعمال ورجال المخلوع هربو فلوسهم في وقته و شلناه بمليونية

• مين ؟؟ الي ساب زكريا عزمي جوة القصر الجمهوري شهرين بعد الثورة لحد ما رتب كل الاوراق

• مين ؟؟ الي قعد حسنى في شرم و مكنش عايزنا نحاكمة ؟ و قعد يماطل شهووووور لحد مقرر انه يرجعة القاهرة بعد ضغط المليونيات

• مين ؟؟  الي عمل استفتاء على تعديلات دستورية لدستور سقط بسقوط النظام , فقط لشق الصف الوطنى , و طلع علينا باعلان دستوري اعطاه صلاحيات مكنتش موجودة للمخلوع

• مين ؟؟ الي الي كان بيكهرب في الثوار المعتصمين و يوديهم على سلخانة المتحف المصري

• مين ؟؟ الي كان مانع التصوير الاعلامي في محاكمة رجال النظام السابق و بردو مستجبش الا بمليونية و اعتصام قعد اكتر من 23 يوم

• مين ؟؟ المتسسب عن احداث العباسية و استشهاد واحد من صفوف الثوار بسبب بلطجية كانو واقفين مع العسكر

• مين ؟؟ الي قال ان على الثوار حماية ممتلكات مصر في مليونية تصحيح المسار و بعدها ساب الشباب تطلع السفارة و ترمي ورق و بعد كدة ضربهم عن طريق الامن المركزي بإفراط و حدث ما حدث يوم 9-9 امام السفارة الصهيونيه , مع انه قبلها بأسبوع كان مأمن المبنى تأمين شامل

• مين ؟؟ الي قتل برصاص حي و دهس بمدرعات حربيه 27 من اخوتنا الاقباط في ماسبيرو بطريقه وحشيه مشفنهاش حتى في عهد مبارك

• مين ؟؟ الي اقتحم الفضائيات و قفل مكتب الجزيرة و منع تراخيص القنوات  و كمم الافواه الاعلامية لكل من يقول لا

• مين ؟؟ الي بيعتقل في الثوار و النشطاء المعروفين و الغير معروفين من اول حسام حملاوي و استدعائة لحد علاء عبد الفتاح مرورا بالمئات من النشطاء

• مين ؟؟ الي اعتقل 12000 سجين مدني و حاكمهم محاكمات عسكرية  و افقدهم حقهم من المثول امام قاضيهم الطبيعي رغم انه اعطى كااااامل الحقوق المدنية
•  القانونية للمخلوع و رجال النظام السابق

• مين ؟؟ الي مطلعش قانون للغدر و سابلنا الفلول تعبث بالبرلمان القادم

 يتبــــــــــــــــــــــــع ! لانهم لسه قاعدلنا شوية فأكيد هيبقى في مين و مين و مين تاني و ربنا يستر