شم النسيم ما بين الاحتفال و الحرية

شم النسيم و الاحتفال به هو من اكتر الايام الي بشيل همها كل سنة هو و العيد الكبير

  شم النسيم في مصر ميبفاش شم نسيم عند المصرين الا لو كلت 3 كيلو رنجة و فسيخ و ملوحة و لونت البيض .. طيب 

انا معنديش مشكلة خاااااالص انك تحتفل بشم النسيم بالطريقة الي تريحك و الي تحبها .. بس بدون ان يتعارض مع حرية الاخرين .. مهي اصل هي دي الحرية الي كلناااا عايزنها مش اي حد يعمل اي حاجة و طظ في الباقين و الا نقدر نعتبر ان المكروباص الي بيحمل في نص الشارع حرية , الكلاكسات الي عمال على بطال حرية , انك لمؤخذة تفك ماية في نص الشارع حرية و الخ الخ بقى

يا جدعان مش معني اننا مبناكلش فسيخ نبقى فرافير لا و الله الموضوع مختلف .. منا ممكن اكل سمين من عربية تحت الكوبري بس بجي عند الفسيخ و معدتي ما بطاوعنيش و عقلي بيعمل اضطرابات هلع من شكله .. اعمل اية يعني ؟! اتعالج ! اسبلوكو البلد و امشي !! ياخونا حسو بينا شوية .. دنا مش عارف اطلع من اوضتي ولا انزل الشارع الفسيخ بيطاردنا اينما ذهبت ؛ اغيثوناااا

لا و عايز اتكلم عن حاجة كمان و النبي ؛ الا و هي الاحتفال في الجناين و الخروج بقى و لبس الي على الحبل 

انا ساكن في منطقة شعبية فبقدر ارصد الحاجات اللطيفة دي كلها .. ياخونا عايزين تروحو الجناين - لو افترضنا يعني ان ميدان الحرية جنينة - اوكي يا اوختشي ؛ روحي الجونينة بس مش لازم ترمي فضلات الفسيخ - الي هو لو فضل فيه فضلات يعني - في الجونينه حواليكي و تزبلوووو بقى و سيد يا سيد و الكلام الحلو دة .. اية لزمته يعني ؟! البلد ياخونا بتبقى ريحتها وحشة اووووووي - بالادق منتنه لان هي الريدي ريحتها وحشة - فيعني العملية مش مستحملة 

سؤال استغربته امبارح : كنت بقيس ضغط في الصيدلية - اصلي صاحب مرض بعيد عنكو - لاقيت اقبااااااال رهيب على ماية الاكسجين بتاع 3 بنات مختلفين جاين يشترو .. فاقلت عادي تلاقي انا الي بقالي كتير مبخشش صيدليات ؛ اذ افوووجئ ان الستات كلهااااااا النهاردة ضاربه شعرها اوكسجين !! طب لية ؟؟ و ما الداعي !! و كله قلع العبايات و لبس لبس الفرنجة!! و هبئو على الجناين !! اية يا خونا االي حصل

اكيد انا مبسخرش منكو لان الريدي انا ساكن و متربي معاكو .. بس عادي يعني شايف ان في عادات غلط و ممكن تتغير مش

 معجزة يعني : لو مزبلوتش الجناين مش هتموتو .. لو كلتو فسيخ بس مش لازم تليطووو البيت و الشوارع بريحته, لو احتفلتو بصورة مش ملفته اوووي كدة تبين ان ( لا انت مش انت يا عصام ) و كل واحدة تضرب شعرها اوكسجين و المحجبة تلف 

الطرحة لفت هدايا و الشباب تلبس سلاسل كتير فشخ  .. ياخونا الفرحة و الاحتفال مش كدة ؛ انتو فاهمين الموضوع غلط