باب التوبة اتقفل !

كل واحد اختار طريق و مشي فيه من 25 يناير ؛
* واحد اختار يبقى مع الثورة و هيكمل للاخر حتى لو لوحده لانه طول عمره لوحده
* واحد اختار يبقى مع مبارك و هيدور لحد ميلاقي 100 مبارك حواليه يمشي وراهم
* واحد اختار يخون الثورة ويبقى سبب فرقتها و تشتتها و يخون و يكفر في الناس 
* واحد اختار يقول نعم لكل نظام قدامه , لكل استفتاء بيخشه , لغي مخه , بيسمع كل كلام الاعلام و يقول عليه امين , اختار ميتعبش نفسه و يفوض الي يجبله حقه ( بس هو عارف انه هيضحك عليه ) بس مكسل يتحرك او خايف ينطق .. 

من الاخر كلنا اخترنا طريقنا من 3 سنين فاتو , و معتقدش ان حد هيرجع عن طريقة و لكل واحد ( خان - زهق - عجبه المنصب - خاف ) : مش هتقف عليك 

.....................................................

* الي اختار طريق الثورة يتحمل انه يكمل الطريق لاخره مهما زاد القهر القمع القتل و الاعتقال , يتحمل فقدان الصحاب و الاحباب , يتحمل التعذيب في المعتقلات , يتحمل الي ميتحملوش الا الانبياء و ميعدش ينوّح و يعيط .. يصبر و يصمد و يستنى النصر !
* الي اختار زمان يخون الثورة ( بقصد او بغباء ) و انحاز لجماعته و ترك الثورة و رفقاء الميدان للموت , يتحمل نتيجة خيانته , يستحمل كل الي تم ذكره في النقطة السابقة و ياريت يكون الي بيحصله دلوقتى درس يتعلم منه مستقبلا - و لو اني شخصياً اشك -  و ربنا يصبره و يهديه الي الصواب

* الي اختار يكون مع مبارك يتحمل انه هيعيش السنة الي اتزل فيها 2011 و 2012 و مقدرش يمشي في الشارع , كان بيخاف ينطق اسم مبارك ! كان يخاف يقول انه كان معاه كارنيه الحزب الوطني , كان عامل زي رأفت الهجان في 67 و هو في اسرائيل  , يعرف ان دة هيتكرر تاني بس المرة دي مش هتبقى مجرد زل فقط ! !

* الي اختار يقعد عالكنبة , يقول نعم في كل حاجة و يقبل باي نظام و اي قانون يتحطله و يتفرج على التوكشوز ليل نهار و يصدق كلام الاعلام , يتحمل الفقر و الجوع و المرض و الارهاب و عدم الامن و الغلاء و البطالة و العنوسة و قطع الكهرباء و عدم توافر البنزين .. يستحمل نتيجة قراره علشان ملقلش في يوم (لا ) و وافق على المنّة الي بيديهاله اي نظام

اين ذهب الثوار ؟

في البداية المقال على سبيل المثال لا الحصر ..

واجه الثوار انقسامات عديدة خلال السنوات الثلاث المنصرمة من تاريخ اندلاع الثورة المصرية المجيدة في الخامس و العشرين من يناير عام 2011 , انقسمو سياسيا و ايدلوجيا و دينيا و لكن بات اخطر انقسام مرت به الثورة المصرية و الثوار – الحقيقين او ما تبقى من الثوار بعد كل هذة الانقسامات او بطريقة ابسط الثوار ما دون المنتمين للتيار الاسلامي – الانقسام التالي للموجة الثورية في 30 يونيه 2013 .. و انقسم الثوار الي قسمين :
1- ثائر اصبح مؤيد للنظام الحالي تأيد اعمي حتى وان رأي من النظام العديد من الجرائم و الخروقات التى ثار عليها من وقت ليس بالبعيد ولكنه اختار ان ينضم اخيرا الي الكنبة المصرية او بمعنى اصح الي معسكر النظام ! ولهذا اسباب سنسردها فيما بعد

2-  ثائر صار اثير الثورة و الشارع و لا يستطيع ان يتخلي عن نزعته القتالية و تحويل الثورة من فعل و هتاف الي سياسة ملموسة في الشارع المصري فلا ضير من قليل من البراجماتية و لكن اتضح مع مرور الوقت ان الثورة لم تنتهي بعد و اننا امام اكبر منحنى يهدد الثورة و انه لا بديل عن الشارع و ان الثورة مازالت في مرحلة التجمهر و التظاهر و لم تؤتي ثمارها بعد و لم تقضي على اعدائها .

الاسباب المتعلقة بتحول العديد من الثوار الي معسكر النظام :

·                                       الاسلاموفوبيا و هو الخوف من عودة التيار الاصولي الذي عانينا من خيانته على مدار سنين الثورة الثلاث متغولاً اكثر مما كان , فبات هذا الثورجي - سابقا - على استعداد لاستبدال حريته و مبادئه و مدنية الدولة التى هتف بها و ضحى من اجلها بالكثير ؛ بالدبابة العسكرية نظير عدم سيطرة التيار الاصولي على البلاد خوفا من فاشيته 

·                                       اليأس ! الاحباط ! الملل ! الزهق ! الارهاق ! كلها من الاسباب التى ادت الي تحول هؤلاء الشباب الي معسكر النظام , فهم بشر يريدون ان يحيو حياة طبيعية بدون تعقيدات السياسة و تضحيات الثورة ..
 احسو باليأس , او اُرهقو من تحمل المسؤلية

·                                       التقدم في السن ؛ معظم من شارك في الثورة منذ بدايتها او من كان مهتم بالحراك السياسي المصري قبل الثورة اصبحو شباب يعولون اسرهم , متزوجين و يحلمون بمستقبل اولادهم , يسعون في هذة الحياة من اجل رزق اولادهم و اسرتهم و راحتهم مثلهم كمثل اي مواطن مصري يعاني الظروف الاقتصادية الصعبة , للاسف استطاع حزب الكنبة ان يجذبهم الي صفوفه

·                                       القليل منهم من ضعاف النفوس ؛ ابهرته الشهرة و الضجيج الاعلامي و الكراسي و المناصب و مستعدين للتضحية بما تبقى لهم من كرامة في سبيل الحفاظ علي مكتسبات الثورة ( او بمعني اصح بما سرقوه من الثورة )

من اجل الحيادية :
كلاهم على خطأ , ولكن من تخلي عن الثورة و مبادئه من الصعب ان يكون مرحب به من جديد في معسكر الثورة التى اصبحنا جميعا على يقين انها مازلت مستمرة و انها في اصعب لحظاتها , نعم الثورة ليست حكرا على احد ولكن من تخلى عن الثورة في اشد لحظات احتياج الثورة له لا يصلح ان يكون في صفوفها من جديد , وان ما يحدث لثورة يناير و مكتسابتها الان ليس وجهة نظر و انما حقائق يراها الجميع ممن يريد ان يرى ..
مشكلة الفصيل الثاني تكمن اذا ما تخلصت الثورة من اعدائها و بدئت في ترجمة شعارتها الي سياسات حقيقة عن طريق هيكل الدولة التنفيذي , و لكني اراها – و رأي يحتمل الخطأ – مشكلة سابقه لاوانها و ان لها العديد من الحلول السهلة و لكن بعد ان تسيطر الثورة على زمام الامور و تطمئن قلوب الثوار الي الاوضاع في البلاد ..

ملاحظة : من يرى ان النظام الحالي هو نظام يرسخ للديموقراطية او يدير المرحلة الانتقالية بنزاهه و انه لا يعادي ثورة 25 يناير او انه لا يستخدم العنف و القمع المفرط و انه يذهب بالبلاد الي ما قبل 25 يناير .. ليس موجهه له المقال فهو لم يكن يوماً منّا و لكنه اندس بيننا على سبيل الخطأ 

عن الاولتراس ( اهلاوي و وايت نايتس ) و الكورة مش مع عفيفي و التربص للعقلية

بعيدا عن الفتي الكروي ( الي احنا بنحبه علشان بيضحكنا مش اكتر ) بس 

اظاهر انه صدق نفسه و افتكر انه بيفهم كورة و عملي فيها خالد بيومي , بس ما علينا .. كل عيش يابنى ربنا يوفقك بس متعكش بقى و تخبط في الي ملكش فيه !

لو شوبير فكر يعمل حلقة يهاجم فيها اولتراس اهلاوي ( الاولتراس عمتا ) مش هيععملها احسن منت عملتها يا عفيفي .. 

فكرة تصفية حسابتنا القديمة مع الاهلاوية .. فكرة متنتجش الا من شوية حمير و بهايم عملو بالظبط لما اتخنقنا و الثورة ضاعت مننا .. الاولتراس فكرة بغض النظر عن الالوان و القضاء على لون دة معناه اندثار اللون التاني و الفكرة كلهااا في المستقبل ... 

نفس السياسة الي استخدمها العسكر في القضاء على الثورة ضرب الثوار ببعض , زرع خونة في وسطيهم بيقلول على نفسهم انهم بينضمو لمعسكر ما .. ترديد كلام النظام .. شق الصف .. انتصار طرف بعد ان تحالف مع النظام على طرف ... تحول النظام و تغولة على حليف الامس .. اندثار الفكرة و قمعها .. 

الكلام للناس الي مازالت شايفة ان الاولتراس فرسان المدرجات و رجالة الميدان بغض النظر على الالون .. 

الكلام للناس المنتمين لناديهم بس مبيصتادوش في المياه العكرة و فعلا بيتحلو بروح الفرسان 

الكلام للناس الحقانية و الحيادية و الي ميرضوش بالظلم حتى لو الظلم دة للمنافس 

الكلام للناس الي مازالت اصلا مؤمنة بالشباب و الثورة

الكلام للناس الي تعرفني و تعرف انا زملكاوي قد اية , و قد اية منتمي للنادي وللوايت نايتس و حاربت عليهم اكتر من اي كيبوردجي

المثل المصري الاصيل ( العاهرة تبليك و الي فيها تجيبه فيك )

المثال المصري الاصيل ( العاهرة تبليك و الي فيها تجيبه فيك ) /: 
* تقلك انتو ( على الثوار ) فاشين زيكو زي الاخوان مبتحترموش الرأي الاخر ( الي هو الرأي بتاع معرصي السيسي ) 
* تقلها يعني المفروض احترم الرأي بتاع بتوع مبارك ؟ و الفلول ؟ و الفاسدين ؟ و المؤسسات الفاسدة الي مازالت فاسدة ؟ 
* تقلك اه طالما رأي و بعدين الموضوع مختلف ( المؤسسة العسكري مفهاش فساد , و السيسي ايدو مش متلطخة بالدم ) ‫#‏ضحكة_رقيعة‬ 
* تقولها طب ما برضو نفس الكلام على الاخوان ! انتو يعني بتحترمو رأيهم مهم بينزلو الشارع ( بسلمية ) و الرد عليهم بيكون بالرصاص و الاعتقال و انتو بتبررو دة 
* تقولك لاااااااااااااااااااا دي مسيرتهم مش سلمية , دول ارهااااااابين , انت مبتشفش الظباط الي بتموت مبتشفش السلاح في مسيرتهم و ( الملتوف ) - الي هو كان حلو ايام مرسي لما كنا احنا الي بنضربه كانت هي بتقف تصقف !! 
* اقولها طيب مع ان في خلط رهيب بين الي بيموت في عمليات ارهابية و بين المتظاهر السلمي و احنا بندين الاتنين و الاتنين ارهاب  .. بس ما علينا ؛ اية رأيك في مظاهرات الثوار ؟ احنا مجرد منزلنا يادوب نعارض كام قانون على كام اجراء ؛ اتضرب علينا رصاص و قتلونا و اعتقلو مننا الاف !!
* تقلك هو دة و قت تنزلو فية ؟ مهو انتو نازلين مع الاخوان و اي حد ينزل دلوقتى خاين و البلد مش مستحملة و اسطوانة الاستقرار  !!
لسة شايفين اننا بننزل مع الاخوان !! الاخوان الي مكنش كلب يجرأ ينزل قدامهم الي لما احنا نزلنا و وقفنالهم و المعرصين دول كلهم كانو مستخبين في ضهري , الاخوان الي كنا احنا اول صوت ضدهم , كنا او من هتف , كنا اول ناس اشتغلت على تمرد 

رسم جرافيتي في مدينة المنصورة عن الراقصة سما المصري المحسوبة على نظام مبارك التى امتهنت الاعلام في الفترة السابقة 

و دايما بيكون الرد , مش انتى شفتي ؟! طب خلاص خليكي في رأبك ( المع رص ) بس متبلنيش بعهرك و تقولي علينا احنا ( فاشين ) ؛ احنا الي بنحلم بوطن بيضم  الجميع و بعدالة حقيقية و بمحاسبة من قتل و من فسد بلا استثنائات ( مبارك و رجاله - طنطاوي و مجلسة بما فيهم السيسي ) - مرسي و رجاله ..
 مش وطن بيضم شعبين بيكرههو بعض و شعب معندوش اي مشكلة في قتل التاني باي شكل في حرقة في اعتقال النساء و هتك عرض البنات مبررا دة بالحرب على الارهاب و بيستعين بالقوة النظامية الفاسدة ( الي هو عارف انها فاسده و قمعية ) بس طالما بتفشخ عدوي فانتو حلوين و انا مستمتع  , و شعب ان محكمش هو البلد يبقى البلد دي كخة و كافرة و شعبها شعب  طبال ( و ان صح نسبياً ) بس هو دة الشعب الي اختارك قبل كدة و انت قلت عليهم شعب متدين بطبعة ( فاكر يا مع رص ولا ناسي ) ؟؟ 
خلاصة القول اننا في آخر الزمان اما العاهرات تقول علينا احنا فاشين !! لاننا انقى و اطهر من فيكو يا بلد 

الوجيز في تلخيص شعب التهيس - مصر سابقاً

انا اكتر ناس بشفق عليهم و بمقتهم في نفس الوقت , هم : 

* الي يقلك اصلا روسيا هي الي بتجري ورانا علشان نعمل معاها علاقات و احنا الي بنتأمر و بنتشرط عليهم 

* المخابرات المصرية 2 اقوى مخابرات بعد ال CIA 

* الجيش المصري عندة سلاح انت متعرفش عنه حاجة ممكن يوصل لامريكاااا يا جدع 

* الطيار المصري افضل طيار في العالم 

* الطفل المصري اذكي طفل في العالم 

* شعب متدين بطبعة ( الا لو يقصدو قشور التدين الظاهري ) 

* الرجل المصري اكتر راجل دكر في العالم في اوضة النوم وبراها

* الست المصرية اجدع انثى في العالم و بتصبر و بتستحمل 

* مصر عندها سلاح نووي بس انت متعرفش مكانه فين 

* الاخوان دول اصلا ماسونين 

* مصر مفيهاش فتنه طائفية 

* احنا شعب مبيهموش و لا يخشي في الحق لومة لائم ( و هو 7000 سنة ماشي جوه الحيط ) 

انا مش قصدي اتريق على الشعب المصري الي هو انا منه برضوو لكن انا لازم اشوف الحاجات على طبيعتها ,, اول خطوة علشان اطلع لقدام اني ااعترف بالاخطاء الي عندي علشان اصلحها لكن طول منا بنكر وجودها اصلا هفضل متخلف و هيطلعلي ديل في المستقبل !! و بيتهيئلي كتير بدئو يخشو في مرحلة الديل و القرون دي حاليا و اهم مالين الفضائيات

السيسي راح روسيا يجيب فرد خرطوش

السياسة و ساخة - دائرة مفرغة !!.. 

1- السيسي بيدور على حليف غير الامريكان مش علشان ناوي يعاديهم لا ابسلولتلي علشان ناوي يتفاوض على شروط التبعية بطريقة اكثر تظبيطا لاوضاع المؤسسة العسكري

2 - راح روسيا علشان يوجد بديل للسلاح , عمل صفقة ممولة من ( السعودية و الامارات ) مش من فلوسنا برضو  .. روسيا هتوافق و هتديلة السلاح 

3- روسيا دي الي بتدعم بشار و معاها ايران و ممكن تلاخظ تغير الموقف المصري من القضية السورية 180 درجة دلوقتى حالة الاستهجان للثورة السورية - الي هي برضو مش ثورة - بس برضو بشار مش ملاك بروح امه !! 

4 - روسيا طول عمرها معروفة بالوقاحة السياسية , بمعني انها ممكن تدعم سفاحين علناً او تطبل لانظمة ديكتاتورية علنا .. عكس الامريكان ؛ الامريكان يعملوها في الدراا , يتاجرو بالديموقراطية و الحريات و ياكلو من وراها عيش و يعملو منها حروب يبيعو فيها احسن سلاح 

5 - فكرة العالم القديم و القوتين الرئيسيتين في العالم دي اتلغت بعد الحرب الباردة بس اظاهر لسة المؤسسة العسكرية متعرفش !! , العالم دلوقتى فية قطب واحد هو الي مسيطر على مجلس الامن هو الي مسيطر على الامم المتحدة و القوة الوحيدة الي بتنافسه هي القوة الاقتصادية المتمثلة في الصين مش روسيا !! 

6 - الي بيفكر يتحرر من التبعية لقوى العظمي ا ب كدة لازم يتحرر من التبعية الاقتصادية اولاً , الموضوع مش سلاح احنا مش في الستينات دلوقتى , الزمن اتغير بس العقول لسة متغيرتش 

7 - اتنين مليار دولار صفقة لتطوير اسلحة الجيش , اليس اولى من المؤسسة العسكرية انها تدعم اقتصاد البلد ( المفشوخ المديون المزلول المهتوك عرضه ) !! تعليم , بحث علمي , صحة , مواصلاات , امن , الخ الخ !! احنا اصلا معندناش حاجة نافعة .. معتقدش ان دة وقت ( لا صوت يعلو فوق صوت المعركة ابداً ) - و طبعا الناس هتفهم النقطة دي اني ضد الجيش و تسليحة و تطويرة , بس يلا معلش - 

الفرق بين الانتماء و التطبيل

بعد حوار ميدو مع عمرو اديب انقسم الزمالكوية على موقفه من السيسي و الاخوان و القضايا المتعلقة بالسياسة في مصر ( لك ان تتخيل ان الزمالكوية انقسمو علشان - العالمي - ميدو قرر يدعم فصيل بعينه .. تعالى بقى نفرد الموضوع  و نرد على المبرارتية الي للاسف المرة دي زمالكوية زي بس الحق احق ان يتبع :

 قالو : ميدو لو كان قال انه ضد السيسي كنا فرحنا و قعدنا نمجد فيه ( الجملة الي كله حفظها وكتبها كوبي & بست ) اه والله حتى منغير ميفهو

الرد : اولا كدة حضرتكو بتطبقو المثل المصري الشهير " العاهرة تبليك و الي فيها تجيبو فيك " و هي في المثل مش عاهرة طبعا هي بالعامية .. ابو تريكة لما اتكلم في السياسة و دعم فصيل بعينه كلنا هاجمناه !! بس للاسف كان في ناس بتهاجمه علشان دة ابو تريكة اللاعب الاحمر مش علشان هو بيتكلم في السياسة و بيحشد الرأي العام لفصيل معين مستغل شهرته في قلوب كتير من المصرين !! لو تلاحظو تعليقتنا على ابو تريكة ساعة الاخوان كان كلها " ياعم متخليك في الكورة و انت مالك و انت هتعملي فيها خبير استراتيجي ", لكن لما قلنا الكلام دة على ميدو يبقى ازاااااي !؟ انت مش زملكاوي ولا اية ؟؟

قالو : ميدو مواطن مصري مكفول له حرية الرأي !

الرد : الناس تقريبا مش قادرة تميز او قاصدة انها تغض الطرف ما بين المواطن المصري الي رأيه بيمثل نفسه و بين المواطن المصري الي بيمثل عدد كبير من الناس زي رئيس او مدرب او لاعب في نادي جماهيري كبير زي الاهلي و الزمالك , و بعدين مسمعتش صوت الناس دي لما الهام شاهين اتكلمت في السياسة هي و سماح انور و غيرهم ؛ بالعكس كانو بيشتموهم و يجبولهم افلامهم المسفة !! بس برضو احنا بنحفظ قشور الحريات و نعد نرددها عن ظهر قلب .. رأيه الشخصي على عيني و راسي يطلع يقوله بعيد عن منصبة الاداري او الجماهيري ؛ الراجل قاعد في البرنامج بصفته المدير الفني لنادي الزمالك ( مش بصفته احد شباب الثورة مثلا ولا احد اعضاء حملة كمل جميلك ) يعني زمالك , يعني كورة ؛ يعني اية الي يدخلك في صراع بيقسم مبيوحدش و تقسم الجمهور الي فيه اكتر من فصيل ! لية !! 

قالو : من حقه يتكلم في السياسة و يظهر موقفة السياسي !

الرد : همشي وراك للاخر و هقلك ماشي حاضر علشان انت مش حافظ غير البند دة من الحريات . يتفضل يقول رأيه و احنا كمان هنقول رأينا في زيه زي احمد موسى و سبايدر و اي حد تاني بيتكلم في السياسة !! مش هو رضي انه يتكلم زيهم يبقى من حقنا نتكلم عليه زي مبنتكلم عليهم .. او على العكس برضو ( علشان الي بيرددو لو كان يسقط حكم العسكر كان بقى حلو ) لو طلع ضد بتوع السيسي كان بتوع السيسي حقهم يقولو طابور خامس و ممول و عضو في خلية اخوانية نائمة .. مهي دي السياسة يا باشا !! بتفرق مبتجمعش و احنا مش ناقصين .. و بعدين رضيت تتكلم في السياسة فاستحمل تبعاتها

اخيرا بقى : فقه الاولويات ؛

مبدأيا كدة مفيش حاجة في الدنيا مقدمة على الوطن لان الوطن حبه من حب الدين , فمينفعش اقول الزمالك اولا ( و انا اسف اني كنت بقولها قبل 25 يناير ) في وطن بيضم الجميع دة له الاولوية القصوى و بعديه ابتدي فكر في انتمائك الحزبي و انتمائك الكروي و انتمائك الجغرافي  و كل دول بتتبنى فيهم وجهة نظر تخدم بيها الوطن من منظورك .. و للاسف دة الي احنا اشرنا اليه في اول نقطة ؛ فكرة تجيش الرأي العام مستغل منصبك او مكانتك عند جموع من المصرين الي اكتسبتها مش بسبب السياسة ولا الحريات بل بالكورة !! كتير من الناس هتتأثر بكلامك لحبهم الشديد و تعصبهم المفرط للنادي .. و علشان كدة دايما الاجهزة الامنية و التنظيمات الحزبية الكبيرة ( زي امن الدولة و تنظيم الاخوان ) بيبقى في اول تطلعاتهم هو استقطاب المشاهير اعلاميا و جماهيريا علشان قدرتهم على التأثير على قطاع عريض من الناس .. 

الي مزعلنى اننا بعد 3 سنين من الثورة ؛ متعلمناش اي حاجة ! لسه بنقيس السياسة و الدم باهلي و زمالك , لسة الكورة بتنسي الناس حاجات كتير , لسة النظام بيستخدم الكورة كاساتر يطبخ تحتيه اقذر الالعاب السياسية و لسة الناس بتلبسها !!

الي مزعلني جو المزايدات الرخيص الي بمجرد ما بتتبنى موقف ضد ناس معينه محسوبة بشكل او بأخر عليك ؛ يبتدو يقولو عنك انك مش زمالكاوي ( و هم لحد الوقتى ميعرفوش طريق الاستاد ) بس مش مهم ؛زي ما في حزب كنبة في البلد في حزب كنبة في كل نادي و فصيل

اهم سطر في التدوينة : 

انا كنت متأكد ان ميدو هيعتذر عن الي هو قاله بحكم معرفتنا عنه و انه زكي مش غبي و مش هيستدرج للفخ دة .. تحية و شكر مني لميدو الي اتمنى نص المسؤلين بس يبقو زيه و يسمعو للناس و يحاولو يجمعو ميفرقوش .. يركزو في مواقعهم الادارية .. شكرا يابن النادي و ابن المدرج انك سمعت صوتنا و موقف تحترم عليه و هنقلك اسفين لو كان هجومنا عليك شديد بس كان لازم لاننا عارفين مصلحة النادي و مصلحتك كويس !!