ما حققته ثورة يناير المجيدة ( لماذا لم تفشل الثورة ؟ )

لماذا لم تفشل ثورة يناير المجيدة ؟ و اهم النتائج التى حققتها الثورة على ارض الواقع

ان حالة الجزر الثوري التى تشهدها البلاد بعد الموجة الثورية في 30 يونيه قد تُخيل الي البعض ان هذة هي آخر ايام الثورة .. و ما يزيد هذا الشعور عند البعض هو حالة الارتداد التى تشهدها البلاد لاوضاع كنا قد ثورنا عليها طيلة 3 سنوات ماضية , عودة الوجوه المباركية القبيحة الي الصورة مجدداً , القبضة الامنية الحديدة على كل المعارضين و التنكيل بكل الاصوات المعارضة للنظام , عودة الاعلام المباركي بكل رجالاته ... هي اسباب كفيلة بان تحبط كل رفاقنا الثوار و تعيدهم الي المربع صفر .. و لكن:

• هل كنت ستصدق قولي ان قلت لك في 2010 ان مصر ستشهد انتخابات رئاسية نزيه ( ضمنياً , لا يوجد فيها تزوير خشن ) يتنافس فيها رئيس غير مبارك !! بل يوجد فيها رئيس غير عسكري بالمرة ؟؟ ( كنت ستتهمني بالجنون او انني اكثر المتفائلين على وجه الارض )
• هل كنت ستصدق قولي ان قلت لك في 2010 ان عدد الحركات الثورية و الاحزاب السياسية سيتضاعف بكم غير مسبوق و ان هذة الحركات الوليدة ستشكل برلمان و تكتب دستور جديد للبلاد و تمثل مصدر قلق دائم لكل الحكومات المتتابعة و صوت قوي في الشارع المصري
• هل كنت ستصدق قولي ان قلت لك في 2010 ان الناس ستتهم محمد حسان و محمد حسين يعقوب بانهم منافقين ؟ و انهم يطوعون الدين لاغراضهم الشخصية ؟
• هل كنت ستصدق قولي ان قلت لك في 2010 اننا سنجمع الملاين في الشوارع تحت هتاف " الشعب يريد اسقاط النظام " مرتين في سنتين متتالين ضد رئيسين مختلفين من ضمنهم مبارك  ؟
• هل كنت ستصدق قولي اننا سنحصل على حد ادني للاجور 1200 جنية و ان الشعب اصبح يطالب بحقوقه بكل الطرق  ؟
• هل كنت ستصدق قولي ان قلت لك في 2010 ان داخلية مبارك و شبح امن الدولة الذي طالما رسمه لنا النظام انه الوحش الكاسر الذي يعلم ما تسرون و ما تعلنون سينكسر في 6 ساعات فقط و ستهرب الداخلية المباركية و ستحرق كل الاقسام و يٌقتحم مقرات امن الدولة ؟ ( كنت ستتهمني بالجنون لا محالة )
• هل كنت ستصدق قولي ان كل النقاشات على المقاهي و في المواصلات العامة ستكون في السياسة و ان نسب المشاركين في الانتخابات ستتجاوز ال20 مليون ,
• هل كنت ستصدق قولي ان قلت لك في 2010 ان الاخوان المسلمون سيصلو الي سدة الحكم بالانتخابات النزيه و ان الشعب المصري سيثور ضدهم بعد سنة واحدة من حكمهم ؟
• هل كنت ستصدق قولي في 2010 ان قلت لك ان الشعب المصري سينتخب رئيسين مختلفين في سنتين متتابعين ؟
• هل كنت ستصدق قولي في 2010 ان قلت لك اننا سننص في الدستور ان الرئيس بالانتخاب و لا يجوز انتخابة لاكثر من مدتتين , و ان الشرطة في خدمة الشعب ؟
• هل كنت ستصدق قولي ان قلت لك في 2010 اننا سنودع مبارك خلف القضبان , و ستذاع محاكمته في التلفزيون على الهواء مباشرةً ؟
• هل كنت ستصدقني ان قلت لك في 2010 ان المظاهرات اصبحت تُقاس بالملاين المشاركين فيها ؟ و انها اصبحت شئ اساسي و جوهري في الحياة المصرية و اصبح حق التظاهر حق يطالب به الكثيرو يشارك في المظاهرات جميع الفئات العمرية و الطبقات الاجتماعية

اعلم انك لم تكن تصدق كل هذا و غيره الكثير ان قلته لك و انت تعيش فساد عهد مبارك و ترى اعلامه الكاذب يسيطر على عقول العامة – التى ضجرت منه في يوم وليله – و انت ترى الشرطة تنكل بكل من يقول لا .. 

كنت ستعتبرني مجنون او اكثر اهل الارض تفائل

و لكن هذا قد حدث ولكنك لا تشعر بهذة المكاسب الان و لكن يجب ان تقارن 2014 بسنة 2010 حتى و ان شعرت بالظلمة و بانها اسوء حالات الجزر الثوري التى مرت بها الثورة و لكنها مازلت ثورة , ثورة مستمرة تؤتي ثمارها و لكن انظر لما سبق و تعلّم و ستتيقن انك على الطريق الصحيح و ان الثورة مستمرة في طريقها الصحيح وانها ستحقق جميع اهدافها كاملةً في يوم من الايام ..

الثورة مستمرة . قولاً و حقاً و صدقاً و ليس شعار بل هو إيمان و قناعة و دين لكل الدماء الطاهرة المبذوله التى روت شجرة الثورة .. مهما طالت حالة الجزر الثوري فالثورة مستمرة , الله يرعهاها لانها الحق و تحميها سواعد الثوار و ايمانهم بها

فوز السيسي هو إنتصار للثورة !

لا تتعجب من عنوان التدوينة فانا لم اتخلى عن مبادئي ولكني اثق ان فوز السيسي بهذة الطريقة هو انتصار
للثورة و سأوضح :

·        لا اعتقد ان هناك شخص عاقل بالغ لا يدرك ان كمية الاحجام عن هذة الانتخابات فاقت كل التصورات و نسب المقاطعة هي الاعلى منذ بداية ثورة يناير المجيدة , و لكن من يقنعون انفسهم بالعكس الان بشتى الطرق لن يستطيعو المواصلة في استمرار هذة الكذبة البلهاء , ففي اليوم الاول للانتخابات انتفض اعلام النظام باكيا و مناديا على جموع الشعب للمشاركة في الانتخابات لان كاميراتهم لم تلتقط طابور انتخابي واحد يقارن باي انتخابات سابقه .. اعطو اجازة لموظفي الدولة للمشاركة في اليوم الثاني للانتخابات و لكن بقى الوضع كما هو عليه بل تقلصت الاعداد اكثر من اليوم السابق , مدو الانتخابات الي اليوم الثالث في تعدي صارخ من اللجنة العليا للانتخابات , هددو المواطنين بالغرامة بل بالتحويل الي النيابة و الحبس لمن لم يدلي بصوته .. و لكن هذا لم يجدي نفعاً بشهادة ابواق النظام و اعيون كل المواطنين في جميع اللجان في شتى بقاع الجمهورية

·        التزوير كان فجاً و صارخاً في اللجان .. صناديق في احضان النظام لثلاث ايام متتالية , انسحاب مندوبي حملة حمدين بعد التعدي على معظمهم بالضرب و السب و الحبس لانهم سجلو الاف الانتهاكات التى تهدد نزاهة العملية الانتخابية

·        الفرز يتم في وجود القضاه و مندوبي حملة السيسي فقط

·        رئيس بدء حياته الرئاسية بالتزوير .. هو رئيس بالقطع سيقع في وقت قصير

كيف تنتصر الثورة بفوز مرشح الدولة العسكرية و رجالات النظام المباركي ؟؟

1.     الان هو الرئيس المنتخب ( بالتزوير ) و الجميع يدرك ذلك , الجميع يدرك تناقص شعبيته , الجميع يدرك ان من وقف في صفه هم رجال الحزب الوطني

2.     الاعلام يستطيع ان يكذب كل الوقت و لكن لن يصدقه الناس طول الوقت , هذا رأي بناء على تجربة 3 سنين من الثورة .. يستطيع ان يقنع الناس ببعض الاشياء بعض الوقت ولكن مع الوقت سيلفظ الناس هذا الاعلام لانهم في قرارة نفسهم يدركون تمام الادراك انه اعلام منافق ( طبال )

3.     المحن لن يجدي نفعاً مع الجياع !! و الافراط في الشئ دائما ينقلب لضده , لن يأكل الشعب محناً و لن يصرف علاجه حب

دور الثوار في المرحلة القادمة ؟

1.     التكتل تحت جبهة واحدة ضد السيسي و تتشكل من ( المقاطعون – من دون الاخوان-  , حملة حمدين , المبطلون ) و ان ننسى اي خلافات ثانوية بيننا , و النزوح الي الشارع و مع الوقت سيكبر حجمنا و علينا ان نبعد كل البعد عن الاحتكاك بامن النظام و الحفاظ على ارواح الرفاق

2.     التركيز على كل رفاق المعركة السابقون .. رفاق ال 18 يوم ؛ منهم من اصيب بالاحباط و منهم من ضل الطريق , علينا استرجاعه الي الصف الثوري بكل الطرق , لا تستجدوهم و استخدمو معهم الرفق تارة و الشده تاره , حملوهم دمائكم .. ارجعو اليهم الشعور بالخطر على انفسهم او على من يحبون , ذكروهم بدماء الشهداء و اخبروهم ان دمائكم في رقبتهم .. حملوهم المسؤلية

3.     التركيز على السلبيات الاجتماعية و الاقتصادية و اظهار حجم القمع و الفقر في عهد السيسي امام المواطن المصري ,, لا تستخدم الاعلام بل افضح الاعلام .. ابدء بدائرة قليلة من المعارف و الاصدقاء و الزملاء .. اظهر عيوب النظام و بين حقيقته و انزع عنه الغطاء الشعبي .. منثم وسع دائرة استقطابك لتصبح حلمة شعبية لاظهار الحقيقة مثل " كاذبون " سيتم مهاجمتها في البداية و لكن مع الوقت ستكتسب ظهير شعبي و ستتلقى تأيد لاننا نعول على غباء النظام وفشله

4.     اهم شئ في المرحلة المقبلة ان تبعد عن الاخوان .. لا ضير في ان تصف رابعة بالمجزرة لانها بالفعل مجزرة ولكن مرسي كان رئيس فاسد فاشل حتى و ان كان شرعيا ولكن 30 يونيه ليست ثورة الفلول بل تم سرقتها من قبل الفلول

5.     اصنع قيادة حقيقية تقود المرحلة و انا ارى على الجانب الشخصي ان اعضاء حملة حمدين بعضهم و ليس كلهم يستطيعون تكوين قيادة قوية تتبلور فيها المعارضة في المرحلة المقبلة ولكن في المقابل عليها ان تكون عند حسن ظن الثوار بها .. عليهم ان يكونو خير من يمثل الثورة .. لا تحالفات مع العسكر او الاخوان

6.     علينا ان نتبع تلك القيادة طالما لم تخالف ما اتفقنا عليه اننا ضد العسكر و الاخوان و الفلول .. و ان الاخوان قد خانو الثورة ولكن رابعة مجزرة تمت بتدبير من السيسي و وزير داخليته و الوزارة المشكلة في ذلك الوقت و ان الفلول هم من افسدو مصر و لا تصالح معهم .. علينا ان نتبع تلك القيادة التى ستكون مجرد واجهة او ممثل للمعارضة في ذلك الوقت حتى و ان اختلفنا معها في بعض الاليات و لكن علينا ان نكون متفقين على الاهداف منذ البداية و الاهداف واضحة و تم ذكرها

7.      علينا تذكير الناس بان الثورة لم تجلب الخراب بل جلبه العسكر و الاخوان , علينا تذكيرهم ان الثورة لم تحكم بعد , علينا تذكيرهم اننا لم نحصل على فرصة حتى الان , علينا استخدام ممثلي جبهتنا كي نطبع عند المواطن العادي فكرة ان الثورة اصبح لها ممثلين و ان هناك تيار تالت ظهر في الافق و هذا التيار هو المنقذ لانهم بالفعل قد جربو الاخوان و فشلو و ان العسكر فشل لمدة 60 سنة و خير مثال على فشله السيسي حاليا .. سيقتنع المواطن ولكن اعطوه فترة كي يهضم هذة الافكار و يعطيك الظهير الشعبي المنتظر

8.     علينا فضح الاعلام و الحمد لله العديد من رفاقنا الثوار هم متحدثون مفوهون لا يشق لهم غبار في المناظرات و يستطيعو ان يظهرو حجم الفساد و النفاق في الاعلام داخل الاعلام نفسه .. لا توصل رسالتك عبر الاعلام ولكن وصلها عبر الشارع و لكن افضح الاعلام في الاعلام نفسه و في الشارع .. بهذا تكتسب ثقة الشارع و يفقد الاعلام مصداقيته داخل الشارع

9.     علينا تحديد مطالبنا و علينا الا نحيد عنها ولا نتنازل عنها و مع الوقت سيرتفع سقف مطالبنا الي حين الوصول الي نقطة اسقاط النظام و الدعوة الي انتخابات بعد سنتين على الاقل

10.                        علينا ان نقنع ان الفترة الانتقالية لا تضر بمصالح البلد اكثر من رئيس فاشل يسير بالبلد الي الهاوية و ان الفترة الانتقالية اكثر رخاء من فترة مرسي و السيسي , سيواجه الشعب صعوبة في تصديق هذا و لكن مع الوقت سيصدق بعض منه و هذا انتصار للثورة

11.                        اهدافك تتلخص في " لقمة العيش , الظلم الواقع على الجميع  من قبل الشرطة الفاسدة التى مازالت تقمع , الدماء التى سالت في رقبة النظام , الاخوان مسؤلون عن الدماء ولكن المسؤل الاول هو السيسي نفسه , اظهار حجم القمع و الفاشية للمجتمع , اسقاط قانون التظاهر و الافراج عن المعتقلين و تقديم المسؤلين عن ادارة المرحلة الانتقالية للمحاكمة جميعا و اولهم السيسي , تطهير القضاء و الداخلية من الفساد المستشري فيهم , ازمات الطاقة و النظافة و المرور و الارهاب كلهاااااااا يسأل عنها النظام الذي فشل في حلها جميعا

نقطة نظام و سنصل الي القصر .. اراها قريبة 

باب التوبة اتقفل !

كل واحد اختار طريق و مشي فيه من 25 يناير ؛
* واحد اختار يبقى مع الثورة و هيكمل للاخر حتى لو لوحده لانه طول عمره لوحده
* واحد اختار يبقى مع مبارك و هيدور لحد ميلاقي 100 مبارك حواليه يمشي وراهم
* واحد اختار يخون الثورة ويبقى سبب فرقتها و تشتتها و يخون و يكفر في الناس 
* واحد اختار يقول نعم لكل نظام قدامه , لكل استفتاء بيخشه , لغي مخه , بيسمع كل كلام الاعلام و يقول عليه امين , اختار ميتعبش نفسه و يفوض الي يجبله حقه ( بس هو عارف انه هيضحك عليه ) بس مكسل يتحرك او خايف ينطق .. 

من الاخر كلنا اخترنا طريقنا من 3 سنين فاتو , و معتقدش ان حد هيرجع عن طريقة و لكل واحد ( خان - زهق - عجبه المنصب - خاف ) : مش هتقف عليك 

.....................................................

* الي اختار طريق الثورة يتحمل انه يكمل الطريق لاخره مهما زاد القهر القمع القتل و الاعتقال , يتحمل فقدان الصحاب و الاحباب , يتحمل التعذيب في المعتقلات , يتحمل الي ميتحملوش الا الانبياء و ميعدش ينوّح و يعيط .. يصبر و يصمد و يستنى النصر !
* الي اختار زمان يخون الثورة ( بقصد او بغباء ) و انحاز لجماعته و ترك الثورة و رفقاء الميدان للموت , يتحمل نتيجة خيانته , يستحمل كل الي تم ذكره في النقطة السابقة و ياريت يكون الي بيحصله دلوقتى درس يتعلم منه مستقبلا - و لو اني شخصياً اشك -  و ربنا يصبره و يهديه الي الصواب

* الي اختار يكون مع مبارك يتحمل انه هيعيش السنة الي اتزل فيها 2011 و 2012 و مقدرش يمشي في الشارع , كان بيخاف ينطق اسم مبارك ! كان يخاف يقول انه كان معاه كارنيه الحزب الوطني , كان عامل زي رأفت الهجان في 67 و هو في اسرائيل  , يعرف ان دة هيتكرر تاني بس المرة دي مش هتبقى مجرد زل فقط ! !

* الي اختار يقعد عالكنبة , يقول نعم في كل حاجة و يقبل باي نظام و اي قانون يتحطله و يتفرج على التوكشوز ليل نهار و يصدق كلام الاعلام , يتحمل الفقر و الجوع و المرض و الارهاب و عدم الامن و الغلاء و البطالة و العنوسة و قطع الكهرباء و عدم توافر البنزين .. يستحمل نتيجة قراره علشان ملقلش في يوم (لا ) و وافق على المنّة الي بيديهاله اي نظام

اين ذهب الثوار ؟

في البداية المقال على سبيل المثال لا الحصر ..

واجه الثوار انقسامات عديدة خلال السنوات الثلاث المنصرمة من تاريخ اندلاع الثورة المصرية المجيدة في الخامس و العشرين من يناير عام 2011 , انقسمو سياسيا و ايدلوجيا و دينيا و لكن بات اخطر انقسام مرت به الثورة المصرية و الثوار – الحقيقين او ما تبقى من الثوار بعد كل هذة الانقسامات او بطريقة ابسط الثوار ما دون المنتمين للتيار الاسلامي – الانقسام التالي للموجة الثورية في 30 يونيه 2013 .. و انقسم الثوار الي قسمين :
1- ثائر اصبح مؤيد للنظام الحالي تأيد اعمي حتى وان رأي من النظام العديد من الجرائم و الخروقات التى ثار عليها من وقت ليس بالبعيد ولكنه اختار ان ينضم اخيرا الي الكنبة المصرية او بمعنى اصح الي معسكر النظام ! ولهذا اسباب سنسردها فيما بعد

2-  ثائر صار اثير الثورة و الشارع و لا يستطيع ان يتخلي عن نزعته القتالية و تحويل الثورة من فعل و هتاف الي سياسة ملموسة في الشارع المصري فلا ضير من قليل من البراجماتية و لكن اتضح مع مرور الوقت ان الثورة لم تنتهي بعد و اننا امام اكبر منحنى يهدد الثورة و انه لا بديل عن الشارع و ان الثورة مازالت في مرحلة التجمهر و التظاهر و لم تؤتي ثمارها بعد و لم تقضي على اعدائها .

الاسباب المتعلقة بتحول العديد من الثوار الي معسكر النظام :

·                                       الاسلاموفوبيا و هو الخوف من عودة التيار الاصولي الذي عانينا من خيانته على مدار سنين الثورة الثلاث متغولاً اكثر مما كان , فبات هذا الثورجي - سابقا - على استعداد لاستبدال حريته و مبادئه و مدنية الدولة التى هتف بها و ضحى من اجلها بالكثير ؛ بالدبابة العسكرية نظير عدم سيطرة التيار الاصولي على البلاد خوفا من فاشيته 

·                                       اليأس ! الاحباط ! الملل ! الزهق ! الارهاق ! كلها من الاسباب التى ادت الي تحول هؤلاء الشباب الي معسكر النظام , فهم بشر يريدون ان يحيو حياة طبيعية بدون تعقيدات السياسة و تضحيات الثورة ..
 احسو باليأس , او اُرهقو من تحمل المسؤلية

·                                       التقدم في السن ؛ معظم من شارك في الثورة منذ بدايتها او من كان مهتم بالحراك السياسي المصري قبل الثورة اصبحو شباب يعولون اسرهم , متزوجين و يحلمون بمستقبل اولادهم , يسعون في هذة الحياة من اجل رزق اولادهم و اسرتهم و راحتهم مثلهم كمثل اي مواطن مصري يعاني الظروف الاقتصادية الصعبة , للاسف استطاع حزب الكنبة ان يجذبهم الي صفوفه

·                                       القليل منهم من ضعاف النفوس ؛ ابهرته الشهرة و الضجيج الاعلامي و الكراسي و المناصب و مستعدين للتضحية بما تبقى لهم من كرامة في سبيل الحفاظ علي مكتسبات الثورة ( او بمعني اصح بما سرقوه من الثورة )

من اجل الحيادية :
كلاهم على خطأ , ولكن من تخلي عن الثورة و مبادئه من الصعب ان يكون مرحب به من جديد في معسكر الثورة التى اصبحنا جميعا على يقين انها مازلت مستمرة و انها في اصعب لحظاتها , نعم الثورة ليست حكرا على احد ولكن من تخلى عن الثورة في اشد لحظات احتياج الثورة له لا يصلح ان يكون في صفوفها من جديد , وان ما يحدث لثورة يناير و مكتسابتها الان ليس وجهة نظر و انما حقائق يراها الجميع ممن يريد ان يرى ..
مشكلة الفصيل الثاني تكمن اذا ما تخلصت الثورة من اعدائها و بدئت في ترجمة شعارتها الي سياسات حقيقة عن طريق هيكل الدولة التنفيذي , و لكني اراها – و رأي يحتمل الخطأ – مشكلة سابقه لاوانها و ان لها العديد من الحلول السهلة و لكن بعد ان تسيطر الثورة على زمام الامور و تطمئن قلوب الثوار الي الاوضاع في البلاد ..

ملاحظة : من يرى ان النظام الحالي هو نظام يرسخ للديموقراطية او يدير المرحلة الانتقالية بنزاهه و انه لا يعادي ثورة 25 يناير او انه لا يستخدم العنف و القمع المفرط و انه يذهب بالبلاد الي ما قبل 25 يناير .. ليس موجهه له المقال فهو لم يكن يوماً منّا و لكنه اندس بيننا على سبيل الخطأ 

عن الاولتراس ( اهلاوي و وايت نايتس ) و الكورة مش مع عفيفي و التربص للعقلية

بعيدا عن الفتي الكروي ( الي احنا بنحبه علشان بيضحكنا مش اكتر ) بس 

اظاهر انه صدق نفسه و افتكر انه بيفهم كورة و عملي فيها خالد بيومي , بس ما علينا .. كل عيش يابنى ربنا يوفقك بس متعكش بقى و تخبط في الي ملكش فيه !

لو شوبير فكر يعمل حلقة يهاجم فيها اولتراس اهلاوي ( الاولتراس عمتا ) مش هيععملها احسن منت عملتها يا عفيفي .. 

فكرة تصفية حسابتنا القديمة مع الاهلاوية .. فكرة متنتجش الا من شوية حمير و بهايم عملو بالظبط لما اتخنقنا و الثورة ضاعت مننا .. الاولتراس فكرة بغض النظر عن الالوان و القضاء على لون دة معناه اندثار اللون التاني و الفكرة كلهااا في المستقبل ... 

نفس السياسة الي استخدمها العسكر في القضاء على الثورة ضرب الثوار ببعض , زرع خونة في وسطيهم بيقلول على نفسهم انهم بينضمو لمعسكر ما .. ترديد كلام النظام .. شق الصف .. انتصار طرف بعد ان تحالف مع النظام على طرف ... تحول النظام و تغولة على حليف الامس .. اندثار الفكرة و قمعها .. 

الكلام للناس الي مازالت شايفة ان الاولتراس فرسان المدرجات و رجالة الميدان بغض النظر على الالون .. 

الكلام للناس المنتمين لناديهم بس مبيصتادوش في المياه العكرة و فعلا بيتحلو بروح الفرسان 

الكلام للناس الحقانية و الحيادية و الي ميرضوش بالظلم حتى لو الظلم دة للمنافس 

الكلام للناس الي مازالت اصلا مؤمنة بالشباب و الثورة

الكلام للناس الي تعرفني و تعرف انا زملكاوي قد اية , و قد اية منتمي للنادي وللوايت نايتس و حاربت عليهم اكتر من اي كيبوردجي

المثل المصري الاصيل ( العاهرة تبليك و الي فيها تجيبه فيك )

المثال المصري الاصيل ( العاهرة تبليك و الي فيها تجيبه فيك ) /: 
* تقلك انتو ( على الثوار ) فاشين زيكو زي الاخوان مبتحترموش الرأي الاخر ( الي هو الرأي بتاع معرصي السيسي ) 
* تقلها يعني المفروض احترم الرأي بتاع بتوع مبارك ؟ و الفلول ؟ و الفاسدين ؟ و المؤسسات الفاسدة الي مازالت فاسدة ؟ 
* تقلك اه طالما رأي و بعدين الموضوع مختلف ( المؤسسة العسكري مفهاش فساد , و السيسي ايدو مش متلطخة بالدم ) ‫#‏ضحكة_رقيعة‬ 
* تقولها طب ما برضو نفس الكلام على الاخوان ! انتو يعني بتحترمو رأيهم مهم بينزلو الشارع ( بسلمية ) و الرد عليهم بيكون بالرصاص و الاعتقال و انتو بتبررو دة 
* تقولك لاااااااااااااااااااا دي مسيرتهم مش سلمية , دول ارهااااااابين , انت مبتشفش الظباط الي بتموت مبتشفش السلاح في مسيرتهم و ( الملتوف ) - الي هو كان حلو ايام مرسي لما كنا احنا الي بنضربه كانت هي بتقف تصقف !! 
* اقولها طيب مع ان في خلط رهيب بين الي بيموت في عمليات ارهابية و بين المتظاهر السلمي و احنا بندين الاتنين و الاتنين ارهاب  .. بس ما علينا ؛ اية رأيك في مظاهرات الثوار ؟ احنا مجرد منزلنا يادوب نعارض كام قانون على كام اجراء ؛ اتضرب علينا رصاص و قتلونا و اعتقلو مننا الاف !!
* تقلك هو دة و قت تنزلو فية ؟ مهو انتو نازلين مع الاخوان و اي حد ينزل دلوقتى خاين و البلد مش مستحملة و اسطوانة الاستقرار  !!
لسة شايفين اننا بننزل مع الاخوان !! الاخوان الي مكنش كلب يجرأ ينزل قدامهم الي لما احنا نزلنا و وقفنالهم و المعرصين دول كلهم كانو مستخبين في ضهري , الاخوان الي كنا احنا اول صوت ضدهم , كنا او من هتف , كنا اول ناس اشتغلت على تمرد 

رسم جرافيتي في مدينة المنصورة عن الراقصة سما المصري المحسوبة على نظام مبارك التى امتهنت الاعلام في الفترة السابقة 

و دايما بيكون الرد , مش انتى شفتي ؟! طب خلاص خليكي في رأبك ( المع رص ) بس متبلنيش بعهرك و تقولي علينا احنا ( فاشين ) ؛ احنا الي بنحلم بوطن بيضم  الجميع و بعدالة حقيقية و بمحاسبة من قتل و من فسد بلا استثنائات ( مبارك و رجاله - طنطاوي و مجلسة بما فيهم السيسي ) - مرسي و رجاله ..
 مش وطن بيضم شعبين بيكرههو بعض و شعب معندوش اي مشكلة في قتل التاني باي شكل في حرقة في اعتقال النساء و هتك عرض البنات مبررا دة بالحرب على الارهاب و بيستعين بالقوة النظامية الفاسدة ( الي هو عارف انها فاسده و قمعية ) بس طالما بتفشخ عدوي فانتو حلوين و انا مستمتع  , و شعب ان محكمش هو البلد يبقى البلد دي كخة و كافرة و شعبها شعب  طبال ( و ان صح نسبياً ) بس هو دة الشعب الي اختارك قبل كدة و انت قلت عليهم شعب متدين بطبعة ( فاكر يا مع رص ولا ناسي ) ؟؟ 
خلاصة القول اننا في آخر الزمان اما العاهرات تقول علينا احنا فاشين !! لاننا انقى و اطهر من فيكو يا بلد 

كيف يتحول الثورجي الي رجل دولة - الكتالوج

على فكرة دي مشكلة كبيرة , احنا ثورين و مخلصين جدا للقضية لكن هل احنا ننفع نبقى رجال دولة ؟

الاجابة اه طبعا لان مفيش اسوء من الموجودين و الي كانو موجودين و دة قولاً واحداً , حاجة اكيدة بالنسبالي .. احنا اكيد فينا امل و عندنا كوادر شابة ممكن تصنع الفرق او على الاقل ممكن نتعلــــــــــــــم يا سيدي , مش رجلنا و القبر ,, على الاقل في مننا كتير مخلصين

 :نصائح بقى او طلبات يا سيدي بلاش نصايح ؛ لشبابنا و لكوادرنا و لاخوتنا الكبار لما يتقلدو المناصب

 

1. اعرف انك بقيت مسؤل و علشان كدة هتُسأل على كل حاجة و يمكن هنيجي عليك اكتر من الغريب علشان انت محسوب علينا
2. اه هيحصلك حملة تشويه من اعدائك ( الي هم المفروض يبقو اعداء الثورة ) ومكدبش عليك ممكن تأثر على الثوار نفسهم و يتأثرو بيها و يصدقوها بالذات لو انت بتساعدهم على دة عن طريق انك تبعد عن صحابك و تترمي في احضان النظام , فيارت تكون زكي و تقرب اكتر من رفاق الكفاح و متديش حد فرصة يتكلم على شغلك طول منت شغال صح و اتأكد انه عادي طالما انت في السلطة لازم تتهم و تتشوه ولازم تستحمل و تكمل في طريقك .. انت بقيت مسؤل 
3. اعرف ان احنا الي باقين لك و اعرف انك لو اترميت في حضن حد غيرنا هيبيعك زي ما باع الي قبلك , بس مش هينفع ترجعلنا تاني لاننا هنكون فقدنا ثقتنا فيك و بنستحقرك و هتبقى خسرت كل حاجة حتى احترامك لنفسك الي مكنش حيلتك غيره قبل متبقى مسؤل
4. اوعى تنسى الي ماتو علشان هم السبب انك تكون في المكان دة , و انت مسؤل عن تحقيق حلمهم الي ضحو بحياتهم علشانو ؛ فاشتغل كويس 
5. ابعد عن صحبة السوء 
6. اوعى الفلوس و الكرسي يغروك ,, افتكر الي قعدو عالكرسي قبلك و اية كانت نهايتهم 
7. اوعى تبعد عن رفاق الميدان لان دول هم ترمومتر الشارع و هم دول الي مش هينافقوك و هم دول الي هيقفو جنبك لما الفلول يفقعو فيك الاسافين 
8. اوعى تستسلم طول منت ماشي صح ,, اعرف ان في كتير وراك حتى لو مش باينين دلوقتى في الصورة بس وقت الجد هتلاقينا كلنا جنبك 
9. لو حسيت انك مش قد المنصب , او مش هتقدر تنفذ الي وعدت بيه , او دورك في الشارع احسن بكتير من دورك في السلطة ؛ استقيل و هتكسب احترمنا و احترام نفسك اكتر و اكتر .. بس اوعى يكون استسلام او هروب من المسؤلية , لازم تعرف تظبط المعادلة دي كويس 
10. لو حسيت ان الشارع محتاجك اكتر من السلطة , او السلطة ماشية ضد الثورة و ضد مبادئها .. سيبها و تعالي الشارع لانه هو دة القوة الحقيقية و هو دة الطريق المستقيم 
11. اما تلاقي الفلوس كترت في ايدك ؛ افتكر نومتك على الاسفلت و كوباية الشاي على القهوه وسطنا هتلاقي ان السعادة كانت وسطينا مش وسط الحرس و المكاتب حتى لو كانت مكاتب من الدهب 
12. خليك دايما محدد ؛ يعني متوعدش بحاجة انت مش قدها , اوعد بالي تقدر عليه , و لو قابلتك اي مشاكل او خيانة او صعوبات اوعى تخبي علينا و اطلع افضح النظام و قولنا بصراحة واحنا هنقف نواجه معاك , اوعى تستسلم لتهديدتهم احنا عارفين انك نضيف بس لو انت استسلمت لابتزازهم و لتهدديهم هتفقد ثقتنا فيك و هيبقى سهل ساعتها اننا نصدق  كلامهم عنك و هيبقى دة الوقت المناسب الي اعدائك يتخلصو فيه منك و يمكن عن طريقنا احنا كمان ! 

انا بقول الكلام دة و انا اكتر واحد ممكن لو اتحطيت في المسؤلية اتهرب منها ( و الحمد لله اني متحطتش و مش هتحط فيها ) بس دة الكلام الي نفسي يوصل لكل واحد مننا , و نفسي يوصل لكل الناس الي اتغيرو لما قعدو على الكراسي , لكل الناس الي بااعو سنين نضالهم بكرسي و لا بشوية فلوس , لكل الناس الي غيرو كلامهم و اترمو في حضن اعدائهم علشان ما صدقو انهم بقو نخبة و بقو يطلعو في تلفزيونات الفلول 

هو في عسكري غلبان ؟

للاسف الموقف الوحيد الي بتعاطف مع العساكر او بيصعبو عليا و بشفق عليهم - للاسف دي عاطفة انسانية غير ارادية - لما بكون في الاستاد و يعد جنبي عسكري منهم غلبان ولا شوية قاعدين جنب بعض بيتكلمو كلام ( يبدو انه عربي بس يصعب فهمه ) , 

*  تلاقي الواحد منهم وزنة ميزدش عن 60 او 65 كيلو واقع جوة اللبس الكتير فشخ الي ملبسنهوله و مفيش اختراع المقاسات دة لسة موصلهمش ,
* وشه مبتسم و هو اتعس خلق الله بس هو وشة الي شكله كدة ,
* بيصقف علشان عايز يفرح و هو غالبا مبيكونش عارف مين الي بيلعب بس عاجبة جو التصقيف و التطبيل و نفسه يفرح ,
* عينه تحسها تايها مش عارفة اية الي بيحصل حواليها و مين الناس دول !! الشباب الي مطول شعرة زي البنات و البنات الي واقفة بتتنطط و تشجع زي الشباب و الموبيلات الي شكلها مش صيني دي و اختراع مربع كدة شوية يتفرجو فيه و شوية يتكلمو منه و بيقولو عليه اي باد !!
* لما بيشوفو الدخلة او الشماريخ بيبقو حاسين كانهم شافو سيدنا موسى بيشق البحر و بيعدي وسطة ؛ حالة من الازبهلال متحصلش الا لما حد يشوف معجزة قدامه
* لما ظابط يعدي او امين شرطة معفن تلاقيه خاف منه و كش و اتعدل في قعدته - ان متنفضش و قام ادي التحية - كانه شاف نبي ماشي على الارض ممكن يصخطه صرصار !!
* اما عنيك تيجي في عنية تلاقي علطول بيحاول يبص النحية التانية او يتوهه علشان متحسش انه كان متنحلك

انا بستحرم ان دول يبقو اداه في ايد ولاد الوسخة , بستحرم انكو تبقو انتو الايد الي بيبطشو بيها و يقمعونا و يقتلونا بيكو , بستحرم لانكو دايما بتبقو الضحية و الضربة بتيجي فيكو انتو و الكبار لما بيعوزو يقدمو ضحية بيقدموكو انتو , بستحرم علشان انتو بني ادمين بس للاسف ظباطكو عايزنكو تفضلو حيوانات كدة علطول علشان يعرفو يشرسوكو و يطلقكو على الي يضايقوهم ...
اتقو الله في انفسكم و ادونا فرصة نحاول نعملكو اعادة تأهيل و نعمل لنفسنا معاكو اعادة تأهيل و مصالحة , نحاول نعدل المايلة الي بقالها قرووون  مايلة

دولة تقتل شبابها

تعالو اكلمكو عن اجهزة الدولة الي بتحارب شوية شباب صغير : 

1- الداخلية الي مبتبخلش على الشباب باي رصاص في القلب الصراحة و لو اعتقلتهم بيبقى الضرب و حوادث هتك العرض في المعتقلات عادة روتينية يومية و برضو نشكر المباحث و مباحث الامن الوطني بالتحديد لجهدها المضاعف في تلفيق القضايا للشباب

2- الجيش الي انضم للداخلية و شاركها كل جرائمها و فوق كل دة و دة بيدير البلد و بيحط ايده على اقتصادها و بيثبت جزورة اكتر في الحياة السياسية و الاقتصادية 

3- القضاء الشامخ الي يبقى قدامة الواد برئ و الورق بيقول انه برئ و القاضي متاكد انه برئ و الواد طالع دين امه ضرب و يحكم عليه حكم يضيع بيه مستقبله و حياته , لا و الجديد انه بقى بيقبل باجرائات غير قانونية اصلاااا لمجرد انه يقدر يفشخ العيال دي باي شكل بتوصيات طبعا من العسكر و الداخلية 

4 - الاعلام المصري كله بلا استثناء الا من رحم ربي من مزيع او اتنين بيرسخوووو لقواعد الديكتاتورية و القمع و بيقنعو الناس بان القضاء شامخ و عادل و ان الداخلية بتحميهم مش بتفشخ ولادهم ولا تقتلهم و كل الي بيعمله الجيش دة في صالح البلد ,, و ان الولاد دول اصلاااا ارهابين !! اه و الله بتقنع الناس ان شوية الولاد الدكاترة و المهندسين دول اراهابين ..

انت عارف احنا بنحارب في كام جبهة !! انت عارف كم الجرائم الي ضد الانسانية الي بتحصل فينا عاملة ازاي !! انت عارف حجم الدولة العميقة الي احنا وقفنا قدامها عامل ازاي ؟؟! 

المجد للاحرار الثابتين على الافكار # مكملين

رُسل آخر الزمان

لا تتعجب من العنوان .. فهو ليس مقال يدعو الي الالحاد بل على العكس تماماً هو مقال يدعو الي الايمان بالله و نصره القريب الذي وعده لعباده المُخلصين الصابرين المؤمنين بالانسان و حرمة دمه في شتى الرسالات 

من هم رُسل آخر الزمان ؟ 

انهم شباب لا تتجاوز اعمارهم ال 35 عام , ولدو من رحم الثورة المصرية في الخامس و العشرين من يناير , حملو رسالات كل انبياء الله ؛ رسالات السلام و العدل لكل البشر دون النظر الي الوانهم او اشكالهم او انسابهم ... آمنو بالانسان و بقدرته على التغير و بقدرته على تحطيم كل اصنام العبودية مهما عَظُمُت .. آمنو ان الصمود هو مفتاح النجاح مهما تحالفت عليه قوى الشر و الظلام , مهما كثر عددهم و فجرهم في البلاد و تحكمهم في أمصار العباد .. صمود الانسان و ايمانه بقدرته على التغير وحده يكفي الي صناعة المستحيل 

رُسل آخر الزمان لم يهبطو من السماء ! لم يصنعو المعجزات الخارقة للطبيعة ! لم يحملو ديناً جديداً !..

 بل طالبو الجميع بالايمان بفحوى كل الاديان السماويه التى تقدس روح الانسان و تحرّم دمه على اخيه الانسان , طالبهم بالعدل , بالحرية , بحب الانسان لأخيه الانسان .. رسالات جميع الاديان

هناك من حولنا من لا يستطيع ان يستوعب وجود هؤلاء الاشخاص بيننا !! يجد صعوبة في الاقتناع عندما تحدثه عن شاب في ريعان شبابه ضحى بحياته من اجل ان يحيا هو ( نفسه ) في مجتمع يسوده العدل و الحق !!
لم يكن يعرفك و لم يراك من قبل و لكنه آثر ان يضحى بحياته من اجل ان تعيش انت !! .. يجد الكثير ممن حولنا صعوبة في ان يصدق ان هناك من يحيا بيننا يحمل هذة المبادئ !! و يسأل نفسه كثيراً ؛ كيف ؟!! كيف أنتج هذا المجتمع المُتعفن هذا الشاب !؟ كيف ؟! مجتمع ملئ بالجهل و الفساد بالجوع و الفقر و المرض , ملئ بالقمع و الفاشية و منزوع منه الرحمة !! كيــــــــــــــــف ؟! 

و لكن .. يجد اخيرا الاجابة !! أن دائما على مر التاريخ عندما يستشري الفساد و الفجور و الظلم ؛ يظهر المُخلّصِ الذي يُنير الطريق وسط ظلمة الفساد .. 

ظهر المُخلّصِ .. شاب جميل في ريعان شبابه ضحى بحياته كي تحيو انتم حياة كريمة فيها الحرية و العدل و المساواة .. 

و مازالو نجوم تتلألأ وسط سماء الفساد و الظلام التى تكسى بسوادها بلادنا , مازلو نجوم ينيرو طريق الحق و الثورة وسط هذة الظلمة الكاحلة .. و مازل تلاميذهم يلبون النداء و يسيرون على دروبهم فمن سار على دربهم هو الناجي الوحيد وسط عتمة هذا الفساد و لا يوجد طريق آخر للنجاه الا طريق ؛ الشهدااااااااااء و الثورة 

اللهم إرزقنا منزلة الشهداء و القديسين 

رسالة للثوار

رسالة 1 :

 

 : لاصدقائي و رفقاء الميدان الجيل الاول للثورة ( جيل الانتفاضة الفلسطينيه و تنظيمات الاولتراس و الحركات الشبابية

في جيل بيتكون دلوقتى هيبقى اقوى و اشرس مننا , دة غير ان الحمد لله الي مكنش ليه في السياسة من 3 سنين بقى لية و بيتكلم و ثوري يمكن اكتر مننا ... المد الثوري قادم بيهم , حتى لو مات مننا كتير او اعتقل ... الي جاي اقوى و اشرس و الثورة مستمرة بيهم و مش هيقعو في نفس الاخطاء الي احنا وقعنا فيها 

 رسالة 2 :

لاصدقائي و اخواتي الثوار من الجيل التاني ( جيل 25 يناير ) : 

سيبكو من الاحزاب و انزلو الشارع , نامو على الارصفة و انضمو للحركات الشبابية و الطلابية , ضُمو على بعض و خليكو في ضهر بعض , انا عارف انكو مبتخافوش من الموت , سيبكو من السياسين انتو بتفهمو اكتر منهم , قدسو الافكار و لا تهتمو بالاشخاص , انتو الجيل الي هيحل المعادلة و هيجيب النصر

جيل اشعل فتيل الثورة , و جيل سيضع كلمة النهاية السعيدة في تاريخ الثورة 

العبث الثوري ج 1

العبث في سنوات الثورة الثلاث 

في احداث كتير اوي حصلت على مدار ال 3 سنين الي فاتو من اول يوم في ثورة 25 يناير حبيت اسرد بعضها ؛ 

28 يناير 2011 الجيش مع مين ؟ الجيش و الشعب ايد واحدة ! طب هو الجيش فعلا معانا ولا علشان سمحلنا نطلع فوق المدرعات نقول الجيش و الشعب ايد واحدة ؟! 

موقعة الجمل 2011 البلطجية بيهاجمو ميدان التحرير و الي كان مأمن الطريق عساكر الحرس الجمهوري من ماسبيرو و اول مبدئ ضرب الملتوف برج الدبابة اتقفل و لا كان في ناس جاية بتهجم عالثوار ( الي هو المفروض بيحميهم ) إعمالاً لمبدأ " ونا عاملة نفسي نايمة " 

11 فبراير 2011 مبارك اتنحى ( هييييييييييه الشعب خلاص اسقط النظام ) يلا نروح , طب مين الي هيحكم #صوت_رقيع_بيقول_ميحكوووووومشـــــــي 

9 مارس 2011 الجيش يفض اعتصام في ميدان التحرير مطالب بتشكيل مجلس رئاسي و في الاخر قالك سورري رصيدي يسمح و عمل كشف عزرية للبنات , و الثوار بدئو يحسو بوجع الخازوق بتاع يوم 11 #لقد-وقعنا_في_الفخ

شفيق رئيس وزراء مبارك لسة في الحكومة و زكريا عزمي لسة في القصر و احنا بنعمل مليونية كل جمعة علشان نشلهم و في الاخر علاء الاسواني شال شفيق في البرنامج بتاع يسري فوده ! مش المليونية بس بعد ما كل الاوراق إتسنجفت ( لفظ باللغة العامية معناه إترنجشت )

استفتاء مارس المشؤوم , قااااااال اية الشعب المصري واقف طوابير علشان يقول نعم او لا , و الفلول اتحدو مع الاسلامين مع العسكر مع الاعلام على قولة نعم , و في الاخر لا( نعم ) ولا ( لا ) هتتنفذ . بس نعم هتكتسح بنسبة 77% لدرجة اني حسيت ان انا و امي بس الي قلنا لا في اللجنة ! 

8 ابريل 2011 ؛ ظباط كتير فشخ من الجيش واقفين على الاستيدج بتتكلم عن فساد طنطاوي ( الي هو معروف للكل ) و بتتكلم عن تطهير المؤسسة العسكرية (#موسيقى_تصويرية_رتمها_سريع , اللعب مع الكبار ) بليل ال 777 و ال 999 و لو في ال 555 كانو بيغربلووو الميدان و اعتقلو كل الظباط و في ظابط مات , و النوشتاااء انقسمو ناس مع الجيش في الي عمله و ناس مع الظباط الي نزلو الميدان ( و في الاخر كله هيبقى مع ظباط 8 ابريل بما فيهم بلال فضل و نوارة نجم ) الي كانو مع فض الجيش للاعتصام و قعدو يولولوو يتهمو النشتاء الي بيدافعو عن 8 ابريل بالغباء ( و نوارة عملالي بلوك على تويتر من ساعتها ) #حملة_فكي_البلوك_يا_نوارة

اة صحيح و في النص عصام شرف يخش ميدان التحرير محمولاً على الاعناق و هيييييييييييه , دنت اجدع من ابويااااااااااااااااا , رئيس وزراء في الميدان ( اتصور معاة و النبي  ) #مشهد_من_مسرحية_تخاريف ( انت تقف امام خدااااااامك لا حُكامك , الكلام دة بس قداااااااااامك )  ؛ 

اعتصام 8 يوليو ؛ الي الجيش كشف وجهه الحقيقي فيه و قالك لا رصيد ولا بتااع بقى و الداخلية كل يوم تقريبا كانت بتمسي علينا و الجيش حط علينا في العباسية و مات واحد من شباب 6 ابريل و هوب يلا اقلب على عصام شرف ( لقد وقعنا في الفخ تاني ) 

29 يوليو جمعة قندهاااااااار , مرة واحدة خير اللهم اجعله خير تلاقي الميدان كله بقى ابيض في ابيض و دقوووون و كروووش  و مكبرات صوووت فيها راجل شيخ كُبارة بيهتف " يا مشير يا مشير من النهاردة انت الامير !! " - للتنوية هو هو نفس الشيخ بتاع الجهاد ضد الدولة الكافرة و جيشها بس دة ايام عنف التسعينات -   و يعيني الشباب بتوع الميدان كان لسة متروق من العسكر مفيش من اسبوع فتتعالى شخراااات الشباب على اطراف الميدان وسط تعالي تكبيرات الشيوخ داخل الميدان للجيش و العسكر !! #مشهد_عبثي

تروح الايام و تيجي الايام و يبدأ محمد محمود الي كلنا عارفين القصة بتاعته فيقوم ابو قُصة او ابو بركة الي هو المتحدث الاعلامي لحزب الحرية و العدالة يطلع بيان في قناة الحياة ان الاخوان المسلمين مستعدة تروح تفض الميدان من البلطجية الي فيه ( الي هم احنا يعني ) , و العيسوي يقلك مضربناش خرطوش و لا عندنا قناصة و المشير يقلك الداخلية حلوة و الداخلية تطلع ديك ابونا و الشباب بتموت و عيونها بتتصفى , فقوم اية !!! المشير يضحى بعصام شرف بتاع الحزب الوطني ( الي حسبه عالثورة معرفش ازاي ) و يقلك اية هجبلكو البرادعي فيقوم الاخوان يعترضو و البرادعي يقولك مش لاعب اصلهم هيدوني وزارة ابقى فيها طرطور , فيجبولنا الجنزوري ( من الانتيكخانه ) فنقول جنزوري ما جنزورشي العسكر لازم يمشي , و نِرحّل الاعتصام عند مجلس الوزراااا .... كل دة بيحصل و الانتخابات بتاعت البرلمان شغالة !! اه و الله زمبؤلك كدة و اقبال تاريخي كمان على اللجان , و الاخوان يكتسحو و الاسلامين بقو 70 من البرلمان ( اكيد بتهرج !!؟ لا و الله بجد الاسلامين يكتسحو البرلمان بنسبة التلتين )  , و عاجبهم الجنزوري كمان ( الجنزوووري ! الي كانو بيقولو عليه ايده مبتفارقش كاس الخمرة !! ) ... هييييه دنيااااااا , اكيد بطل خمرة و بقى بيشرب تمر 

يتبع ................

جدلية الإنتقال من العمل الفردي الي العمل الجماعي - الثورة الي السياسة

اود ان استهل هذة التدوينة بسؤال محوري ؛ كيف تحكم الثورة او كيف تصل الثورة السلمية - مع التحفظ على لفظ السلمية - الي الحكم ؟

من المتعارف عليه ان الثورات المسلحة تصل الي الحكم عن طريق القوة , اما بالنسبة الي الثورات السلمية فلابد ان تصل الي الحكم عن طريق صندوق الانتخابات بعد اجراء فترة انتقالية للتجهيز لعملية الانتقال الديموقراطي 

اذن لابد ان يتحول العمل الثوري الي عمل حزبي في وقت ما بعد انتهاء الموجة الثورية التي اطاحت بالنظام , و في ظل بناء نظام جديد مكتسب من الثورة ؛ يوفر المناخ الديموقراطي لممارسة الحياة الحزبية المؤهِلة لتمثيل حقيقي للشعب في المجالس النيابية

كيف يتحول العمل الثوري الي عمل حزبي ؟ 

بعد انتهاء الحالة الثورية و هي الحالة الشاملة الجامعة , تظهر الاختلافات الايدلوجية و الانشقاقات و هذا ليس بالشئ الذي يدعو الي القلق و لكن لابد ان تكون هذة الاختلافات تحت مظلة الثورة و بناء على ميثاق شرف ؛ بمعني ابسط يجب ان تتحلى الاحزاب بالمنافسة الشريفة و وحدة الهدف حتى و ان اختلفت الوسائل لتحقيقه و ان تلفظ النظام الذي سبق الثورة عليه  و تم الاطاحة به بكل رجالاته و ان تتبنى كل الاحزاب المبادئ التى نادت بها الثورة 

على المستوى الفردي ؛ الكثير ممن يشاركون في الثورة غير مُحزّبين و لا يتبنون اتجاهات سياسية ثابته , لا يمتلكون الكثير من مهارات العمل الحزبي او الجماعي او فنون التنظيم , حديثي العهد بالسياسة , فكيف يتم تحويل هذا الفرد و هو صانع الثورة الي فرد يعمل داخل حزب او تنظيم للوصول بطريقة ديموقراطية الي الحكم  لتنفيذ مبادئ ثورته التى حارب من اجلها ؟!

 الاستقطاب : 

في بداية تكوين اي كيان حزبي قوي يولد من رحم الثورة لابد من التركيز على استقطاب افراد من فئة عمرية تتراوح ما بين ال ( 20 الي 45 ) لانها الفئة المعنية بالعمل الجماهيري و الميداني , و هي اكبر شريحة متواجدة و مؤثرة في الشارع المصري و تستطيع بذل الكثير من المجهود لانها تملك الكثير من التطلعات للنهوض بمستقبل البلد .. 

تحتاج الاحزاب حديثة النشأة الي نوعين هامين من الاعضاء الواجب استقطابهم الا وهما :

1- العضو العامل : و هو العضو النشط داخل الحزب , المنوط بالعمل من اجل تحقيق اهدافه و يؤمن بمابدئ الحزب و هو من اشد المنادين بيها , هو العضو المحزوب تنظيميا على الحزب ؛ يحضر اجتماعتهم و يشارك في اللجان و الامانات و يشارك في الانتخابات الداخلية للحزب و يرسم السياسات العامة للحزب , و لابد ان يكون مؤمن بقضية و مبادئه و ايدلوجية الحزب

2- العضو المؤيد للحزب : و هو عضو غير نشط حزبيا مثل العضو العامل , يمكن ان تسمية بصديق الحزب و هو الشخص المؤمن بافكار الحزب ولكن لا يرغب في الانضمام او المشاركة في الحياة السياسية , لا يقل اهمية عن العضو العامل ولابد من التواصل معه بصفة دورية مع الاخذ في الاعتبار عدم الإلحاح علية لتفعيل عضويته الي عضو عامل , تكمن اهمية العضو المحب للحزب انه الشريحة الاكبر في المجتمع الممثلة للحزب و التى تدعو الي مبادئ الحزب بطريقة غير مباشرة و التى تدافع عن سياسات الحزب داخل الشارع و البيت المصري , يمكن التواصل مع هذا العضو :

 بطريقة شخصية بين الاعضاء العاملة و الاعضاء المحبة , عن طريق تخصيص يوم اسبوعي لاصدقاء الحزب , عن طريق البريد الالكتروني او حسابات مواقع التواصل الاجتماعي , عن طريق جريدة شهرية يتم اصدارها تصل الي العضو عن طريق البريد تتضمن انجازات و سياسات الحزب في المرحلة السابقة و تطلعات الحزب للمرحلة المقبلة , و عن طريق قناة تلفزيونية ( ان توفر الدعم المادي ) ..

كيف يتم الاستقطاب :

1- تحديد الشريحة المستهدف استقطابها 

2- تحديد الاساليب التى توفر الوصول لهذة الشريحة 

3- تحديد خطاب جماهيري يتميز بالسهولة و الوضوح و الشمول للتفاعل مع هذة الشريحة

4-التدريب الجيد على هذا الخطاب و مهارات التواصل الاجتماعي 

5-توفير الدعم المادي و المعنوي لتنفيذ الاستقطاب قدر المستطاع 

6-  لابد ان يوجد فريق ( ما بعد الاستقطاب ) و المسؤل عن تحويل الفرد المستقطب للحزب الي عضو عامل او صديق و متابعته 

تجهيز العضو المستجد للحياة الحزبية : 

يحتاج تدريب العضو الوافد من الحالة الثورية الي الحياة الحزبية الي جهد ليس بالقليل ولابد من متابعة دائمة و اهتمام بالغ لانه العضو الذي يمثل القاعدة الجماهرية للحزب و هو مستقبل الحزب ,التدريب على مهارات التواصل الاجتماعي , فنون العمل التنظيمي , التعريف بلائحة الحزب , تنمية المهارات الشخصية للفرد لاستغلالها لصالح الحزب , تسكين الاعضاء في المناصب الادارية و التنظيمية داخل الحزب بناء على رغباتهم و تخصصتهم و مهارتهم الشخصية ,  التواصل الدائم معه , اخذ رأيه بمنتهى الجدية و الاهتمام و المناقشة الحقيقية لكل مطالبه و إيصال صوته

ملاحظات اخيرة عن التدوينة : 

* التدوينة مُخصصة للاحزاب وليدة النشأة 

* الاراء الموجودة في التدوينة مكتسبة من العمل الجماهيري في (اولتراس وايت نايتس2007 - حزب التحالف الشعبي2011 - تحالف الثورة مستمرة 2011- حملة امسك فلول2012 - حملة تمرد 2013)

* الاراء مكتسبة من التعامل مع  تنظيمات يسارية ( التحالف الشعبي ) و يمينية اسلامية ( الاخوان المسلمين ) 

* في النهاية هي مجرد اراء شخصية بناء على تجارب مع تيارات مختلفة تحتمل الصواب و الخطأ ولا يوجد لها مرجع علمي