الحل اية ؟

الحل اية ؟

كثر مننا يطرح هذا السؤال على نفسه مئات المرات يوميا , يسئل القاصي و الداني و لا يجد له اجابة !!
هذا السؤال ليس له اجابة نموذجيه فاجابة البارحة لا تصلح لليله و ما كان يصلح ايام ال 18 يوم و هتاف سلمية لا يصلح امام وابل الرصاص الحي و بعد انهار الدماء و الارهاب المستشري ..

سأكمل باقي التدوينة بالعامية لسهولة التوضيح و لتفنيد الاطروحة بشكل اسهل و ادق و ساطرح الحل الشخصي من وجهة نظري الذي اراه مناسب لهذة المرحلة الوعرة في تاريخ الثورة ..

عالسريع :

·       الاخوان عمرهم ما كانو نيتهم الثورة من اجل الثورة ولا عمر الثوار كان نيتهم الثورة من اجل الحكم .. الثوار بالنسبالهم الثورة دولة اليوتوبيا الي بيحلمو بيها و الاخوان بالنسبلهم الثورة وسيله هتوصلهم لحلمهم التاريخي في اعادة دولة الخلافة - الي من حقهم انهم يحلموه على فكرة - فاحنا اصلا مش زي بعض ياخونا ولا اهدافنا واحدة ولا عمرنا هيبقى هدفنا واحد , فلو تعاملنا مع بعض من المنطلق دة هنلخص على نفسها استقطاب اهبل و اعمى و هو الي ودانا في داهية .. لا الاخواني هيطالب بالحريات الي بيطالب بيها الثوار ولا الثوار هتطالب بالضوابط الشرعية و المجتمعية الي نفسها فيها الاخوان ..

·       الارهاب بدئت بكدبة خلقها نظام غبي ميعرفش ان الكدبة مع الوقت هتتحول لحقيقة هتبلعه و مش هيعرف يصرف عفريتها , النظام قال لبتوع السياسة ( شكراً روح لامك ) وراح ساحب سلاحة و نزل قتل 2000 متظاهر سلمي في رابعة و النهضة مستغل التفويض الي طلبه من الشارع الي كان كله تقريباً معاه في الوقت دة , بعد مرور سنة و ازيد تقريبا الموقف تحول بان الارهاب بقى واقع بيشق طريقه على استيحاء داخل صفوف الاخوان في حين ان بقى عندك داعش جوه سينا بيلاقو في المحطمين انسانيا من الاخوان بذره حلوة اووووي انهم يستقطبوه و دة بيكون سهل اوي اوي اوي ..

·       الاخوان تخلو عن اصنام مكتب الارشاد و شكلو قيادات ميادنية خلقت نفسها جوة المعركة , العيال دي مش هتلعب سياسة و مش هتمشي ورا حد و هم مغمضين , قلبهم مات و فعلا بدئو يلجأو لعمليات تصعيدية ( لو عايز تسميها ارهابية تجوز برضو ) , و ظهرت حركات زي حركة قصاص شهيد و كرامة الحرائر الي بتنفذ عمليات تخريبه لمؤساسات الدولة و الجيش بس لسه الجرأه مجتلهمش انهم يقتلو او يستهدفو اشخاص عسكرية ( على عكس داعش سيناء ) بس انا شايف دي خطوه هتيجي مع الوقت لو فضل الوضع على ماهو عليه ..

·       في وقت من الاوقات كان الاخوان بيتعلمو من الاشتراكين الثورين و 6 ابريل ازاي يحشدو الناس في الشوارع و يعملو مظاهرة تبدأ ب 5 انفار .. 25 يناير 2015 في مشهد شهدته بعيني , الاخوان طورو اسلوب الحشد السلمي للشارع بشكل مبهر , 2 بالظبط بيخرجو من كل حارة مقابله لحارة يهتفو ضد العسكر و يضمو على الاتنين التانين الي خارجين من الحارة الي قدامهم و يضمو على التانين الي خارجين من الشارع الي متفرع منه الحارات و يمشو في الشوارع الجانبية عددهم بيزيد و بيكترو و بينضملهم الي عايز يتفرج و الي مقتنع و الي بيبص بصه و بيبقو حشد قوي و ضخم لحد اما يطلعو على الشارع الرئيسي الي بيكون فيه كشافه للاخوان بيقولو للي في المسيرة الامن واقف فين و امتى تطلعو و منين عشان تقدرو تسدو !! اسلوب قديم بس بيعملوه بدقة و بحرفية و منغير عشوائية و لازم نعترف ان الاخوان اتعلمو في سنة الي متعلموهوش في 80 سنة ..

·       العسكر مش هيقبل باي حد معاه في السلطة مننا الا لو بقى على شاكلة محمود بدر فارجووووكو متفكروش فيه كحل او كحد ممكن تعمل معاه صفقه .. العسكر عايزك تتفشخ قبل الاخوان لان هو مصدر قوته ( على حسب فهمه العسكري الضئيل ) الاخواااان و فزاعة الارهاب الي فاااكر ان الي نفع في الستينات ايام التلفزيون ابو محطتين هينفع في 2015

·       الاخوان بتكسب ارضية , لو انت مش شايف دة فدي مشكلة , لو انت مش عايز تصدق فانا زيك مش عايز اصدق بس هعمل اية , الثورة اول درس فيها انك لازم تتعاااامل مع الحقيقة الي قدامك علشان لو كدبت على نفسك و صدقت هتتفشخ الفشخة الي احنا بنتفشخها دلوقتى

·       الاخوان مش هتقدر تحطهم كلهم في السجن , او تعدمهم كلهم , و تبقى حمار زي العسكر لو فكرت انك تمنعهم من العمل السياسي , دة كلام من زمن بائد معتقدش ان في عاقل هيفكر فيه

·       الثوار عندهمم مشكلة في التواصل مع الشارع , احنا كان عندنا فرصة تاريخية بعد ال18 يوم و ضاعت لاسباب كتير قلنها مليون مرة , بلاش نعد نولول على الي فات و تعالى نشوف ازاااااااااااي نقدر نضم عالشارع تاني مش علشان اكسبه لا علشان احيده مش اكتر !! و انا شايف ان دة سهل دلوقتى

·       الثوار لو محطوش نفسهم على خريطة الشارع دلوقتى فهم فعلاً انتهو الي الابد و ملهمش رجوع تاني .. لازم تركب الكاميرا ولازم الشارع يشوف ( شباب 25 اصله بيحب الكلمة دي سعات و سعات يلعن ابوها ) الشارع بيعرف يميز كوووويس اوووي بين الاخوان و بتوع 25 .. فياريت نوريهم شوية بتوع 25 على الاقل نقول اننا موجودين و مش هنسيب الصراع يبقى عسكر و اخوان بس .. و الي يقلك سيبهم يخلصو على بعض دة اعزره ماحنا نفسنا نخلص من الاتنين فعلا بس دة شئ مستحيل تحقيقه و الي اقرب للصواب ان الي هيخلص عالتاني هيكون بيجهزلي المشنقة في ميدان عام . ولو قلت يبقى الوضع على ماهو عليه يبقى احنا هنبقى اوسخ من اوسخ بلاعة في دار السلام .. الحرب الاهلية هتبقى حقيقة مش مجرد نظريات و تخيلات

·       اي حد بيشتغل سياسة في الوضع المنيل الي احنا فيه ده , علم عليه و اعرف انه يا نخبوي عايز الشو و خلاص يامعرص

·       فكك بقى من كل الهري دة الي انا شخصيا انصحك انك متقرهوش لانك هتزهق منه و خش على الحل ..

الحل :

·       معاهدة هتجمع بين القوة المدنية الثورية و بين الاخوان - مش التيار الاسلامي - , بناء عليها الثوار هيتخلو عن فكرة خيانة الاخوان ( الي انا شخصياً مقتنع بيها بس هنعمل اية السياسة كدة ) و بالمقابل الاخوان هتتنازل عن شرعية مرسي بس هيطلع من السجن , هنحدد دور الدين في العمل السياسي و دور رجال الدين في الحياة المجتمعية بشكل يريح الجميع و اكيد هيحصل عليه توافق ( لان الاخوان مش هتمسك في النقطة دي اوي و الله اشترو مني دول لا بتوع دين ولا بتاع ) ,دستور العسكر على دستور مرسي على تاتشات من عندنا و نعمل دستور احنا الي هنوافق عليه بنسبة 90% على الاقل من لجنة 50% منها قوة مدنية ثورية و قوة اخوانية و الدستور دة هو و الحكومة الي هيتم تشكلها من النحيتين مش هينزل استفتئات .. الحكومة الي هتيجي هتعد سنتين دور ديك ابوها انها تهيكل و تطهر مؤسسات الدولة و ترسخ للدستور الي اتفقنا عليه و تحل مشاكل التداول السلمي للسلطة و ترسخ للعمل الديموقراطي و الي يقلهم عجلة انتاج طلعووو ميتين امه ..
الاخوان هتعترف ان 30 يونيه غضبه شعبيه اسائو التعامل معاها و رفضو يسمعو اصوات المعارضة لحد اما فلول النظام البائد استغلوها و حولوها لثورة مضادة .. و بالتالي احنا لازم نعترف بحق الاخوان في رفع شعار رابعه و نفكنا من هري رابعة كانت
مسلحة دة ..
الغاء تحالف دعم الشرعية و هيبقى الاخوان المسلمين المثلين للتيار الاسلامي الوسطي و احنا التيار المدني و هنشكل جبهة ام احمد و دي الي هتعمل كل حاجة و هتاخد الاجرئات التصعيديه و التنسيقية و المفاوضات و الحكومة و الدستور و كل شئ
نحاول نوصل لوعد من الاخوان يتنص عليه في الاتفاقية بعدم ترشحهم على كرسي الرئاسية في اول انتخابات رئاسية بعد السنتين الانتقاليتين .. 

·       الضمنات : اولاً دي معاهدة لازم تتعمل قبل نجاح الموجة الثورية القادمة بفترة مش طويلة علشان ميظهرش خلافات كتيره و مش قصيره علشان ما تتلصقش و نلحق نضم على بعض .. الضامن الوحيد للمعاهدة انا شخصيا شايفه طرف دولي او اقليمي ( احط تركيا للاخوان و الاتحاد الاوربي للثوار ) و الي يقلك بص الخونة عملو تحالف بره بيرعاه اوربا و تركيا قله معلش انا اصلاً خاين .. الحكومة هتعلن بالاسامي قبل نجاح الثورة و ارشح انه يكون على رئسها البرادعي ( مش علشان انا مؤمن بافكاره رغم اني باخد عليه ان نفسه قصير و مش بتاع شارع ) بس علشان شايف دة واحد بره المنظومة و الاخوان بنسبه كبيرة ممكن يرضو بيه لانه على اقل تقدير كان الوحيد الي بيتفاوض معاهم وقت رابعة و ساب المنصب لما حصلت المجزرة .. و شايف اننا نحط وزير داخلية مدني حقوقي و الوزارة هتبقى حزبية تكنوقراطية نصها ثوار و نصها اخوان هيتقاسمو فيها الوزارات كلها بما فيها السيادية بالتساوي الا وزارة الدفاع ( بس دة ما يمنعش اننا نقيل الجنرالات الي معروفين للجميع بفسادهم و ولائهم للدولة القديمة )

·       المشاكل الي هتواجنا : القضاء - الداخلية - الاعلام - رجال الاعمال - الفساد المستشري فجميع مؤسسات الدولة من اصغر قطاع لاكبر وزاره
القضاء : اكبر مشكلة و انا شخصيا مش لاقيلها حل لان الفساد متشعب جواها و اصلاحها محتاج وقت طويل
الداخلية : محتاجة طبعا تغير في عقيدتها و اعادة هيكله و نظام رقابي شعبي عليها بس برضو لازم نحط في الاعتبار ان الداخلية تعرضت لارهاب في الفترة الاخيرة و ليها شهداء .. لازم نفرق بين منظومة فاسدة و بين افرادها على المستوى الشخصي الي تعرضو لعمليات ارهابية و تصفية طالت المجندين مش القيادات
الاعلام : دة لازمله حملة تطهير فعلي مصاحبه لقوانين مش هنخترعها و ميثاق اعلامي يمشي عليه كل الاعلامين الي هيحطه اعلامي الثورة و هو موجود و مطبق في دول كتير مش هنعيد اختراعه يعني .. هو بس محتااج تطبيق و هنلغي الاعلام الرسمي او هنخليه قناة واحدة بس بتنتطق بقرارات النظام مش اكتر
رجال الاعمال : دول بقى لازم التعامل معاهم يبقى بمنتهى العنف و الي مش عاجبه هيجي غيره , مانخليش الدولة تحت ضرس بدل معاها فلوس و الوطنين منهم لازم نحتفي بيهم بس كله هيلعب تحت مظلة الدولة الي هتساوي بين الجميع
الاخوان : الاخوان اصبحو غير صالحين للتعامل الادمي اصلا بعد الي حصلهم , بقو دموين اكتر مما كانو عليه النقاش معاهم هيكون صعب و طبعا كل من تورط في ادارة مرحلة مرسي لازم الاخوان نفسهم يستبعدوه و لازم دم جديد و تغير في فكر الجماعة و التخلي عن الافكار الجهادية فوراً و الا هنخش معاهم في صدام قبل مانبدأ اي كلام .. و على النقيض لازم نعتبر شهداء رابعة شهداء للوطن و لازم نقر انهم تعرضو للعنف المفرط من قبل جهازي الشرطة و الجيش ..
الجيش : الجيش المصري جيش نظامي التجنيد فيه اجباري بيخدم فيه كل فئات الشعب من كل التيارات , يعني هو مش جيش حد .. يعني مشكلتنا مع الجنرالات , لازم ظهور قيادات جديدة من جوة المؤسسة و لازم اننا نرجع الجيش لدورة و ماندخلوش في اي صراع سياسي ..

الخلاصة :

كل منا له ثأر عند الآخر و كل منا تعرض للقمع و البطش و التنكيل من النظام , طريق الدم لا يؤدي الي شئ .. على الاخوان التخلي عن افكارهم في الثأر من المؤسسة العسكرية و الاعتراف باخطائهم في استهداف عناصر عسكرية .. و على المؤسسة العسكرية الاعتراف بدموية التعامل مع المتظاهرين السلمين و انها اسائت التعامل مع الموقف السياسي و انها قتلت العديد من المتظاهرين السلمين من كل الاطراف مما ادى الي تفشي الارهاب.. على الثوار ان يبدئو صفحة جديدة مع الداخلية و على الدخلية ان تحترم و تقدس دور الثوار في النهوض بالبلد ...
الشهداء سيكونون اكثر ارتياح عندما يتحقق ما ماتو لاجله و ليس عندما يزيد شلال الدماء
لابد ان يتخلي كل منا عن فكرة الثأر .. فالطريق اصبح مظلم و الثأر لن يجدي نفعاً , البلد تقع في الهواية و اصبح الاعتراك الاهلي امر واقع نعيشه , المواطن المصري يعاني .. و الوطن يغرق في بركة من الدماء

نقولها و نحن اكثر من عانينا من ويلات القمع . نقولها و نحن الذين لم نحمل السلاح في وجه اشد من آذونا .. نقولها و نحن الوحيدين الذين لم تتلوث ايديهم حتى الان بدم اي انسان آخر .. المصالحة الوطنية هي الحل , انبذو الدم و الثأر , فكل منا له ثأر و كل منا بداخله نار يريد ان يحرق بها الآخر .. اصطفو جميعا من اجل مصر يرحمكم الله

ما حققته ثورة يناير المجيدة ( لماذا لم تفشل الثورة ؟ )

لماذا لم تفشل ثورة يناير المجيدة ؟ و اهم النتائج التى حققتها الثورة على ارض الواقع

ان حالة الجزر الثوري التى تشهدها البلاد بعد الموجة الثورية في 30 يونيه قد تُخيل الي البعض ان هذة هي آخر ايام الثورة .. و ما يزيد هذا الشعور عند البعض هو حالة الارتداد التى تشهدها البلاد لاوضاع كنا قد ثورنا عليها طيلة 3 سنوات ماضية , عودة الوجوه المباركية القبيحة الي الصورة مجدداً , القبضة الامنية الحديدة على كل المعارضين و التنكيل بكل الاصوات المعارضة للنظام , عودة الاعلام المباركي بكل رجالاته ... هي اسباب كفيلة بان تحبط كل رفاقنا الثوار و تعيدهم الي المربع صفر .. و لكن:

• هل كنت ستصدق قولي ان قلت لك في 2010 ان مصر ستشهد انتخابات رئاسية نزيه ( ضمنياً , لا يوجد فيها تزوير خشن ) يتنافس فيها رئيس غير مبارك !! بل يوجد فيها رئيس غير عسكري بالمرة ؟؟ ( كنت ستتهمني بالجنون او انني اكثر المتفائلين على وجه الارض )
• هل كنت ستصدق قولي ان قلت لك في 2010 ان عدد الحركات الثورية و الاحزاب السياسية سيتضاعف بكم غير مسبوق و ان هذة الحركات الوليدة ستشكل برلمان و تكتب دستور جديد للبلاد و تمثل مصدر قلق دائم لكل الحكومات المتتابعة و صوت قوي في الشارع المصري
• هل كنت ستصدق قولي ان قلت لك في 2010 ان الناس ستتهم محمد حسان و محمد حسين يعقوب بانهم منافقين ؟ و انهم يطوعون الدين لاغراضهم الشخصية ؟
• هل كنت ستصدق قولي ان قلت لك في 2010 اننا سنجمع الملاين في الشوارع تحت هتاف " الشعب يريد اسقاط النظام " مرتين في سنتين متتالين ضد رئيسين مختلفين من ضمنهم مبارك  ؟
• هل كنت ستصدق قولي اننا سنحصل على حد ادني للاجور 1200 جنية و ان الشعب اصبح يطالب بحقوقه بكل الطرق  ؟
• هل كنت ستصدق قولي ان قلت لك في 2010 ان داخلية مبارك و شبح امن الدولة الذي طالما رسمه لنا النظام انه الوحش الكاسر الذي يعلم ما تسرون و ما تعلنون سينكسر في 6 ساعات فقط و ستهرب الداخلية المباركية و ستحرق كل الاقسام و يٌقتحم مقرات امن الدولة ؟ ( كنت ستتهمني بالجنون لا محالة )
• هل كنت ستصدق قولي ان كل النقاشات على المقاهي و في المواصلات العامة ستكون في السياسة و ان نسب المشاركين في الانتخابات ستتجاوز ال20 مليون ,
• هل كنت ستصدق قولي ان قلت لك في 2010 ان الاخوان المسلمون سيصلو الي سدة الحكم بالانتخابات النزيه و ان الشعب المصري سيثور ضدهم بعد سنة واحدة من حكمهم ؟
• هل كنت ستصدق قولي في 2010 ان قلت لك ان الشعب المصري سينتخب رئيسين مختلفين في سنتين متتابعين ؟
• هل كنت ستصدق قولي في 2010 ان قلت لك اننا سننص في الدستور ان الرئيس بالانتخاب و لا يجوز انتخابة لاكثر من مدتتين , و ان الشرطة في خدمة الشعب ؟
• هل كنت ستصدق قولي ان قلت لك في 2010 اننا سنودع مبارك خلف القضبان , و ستذاع محاكمته في التلفزيون على الهواء مباشرةً ؟
• هل كنت ستصدقني ان قلت لك في 2010 ان المظاهرات اصبحت تُقاس بالملاين المشاركين فيها ؟ و انها اصبحت شئ اساسي و جوهري في الحياة المصرية و اصبح حق التظاهر حق يطالب به الكثيرو يشارك في المظاهرات جميع الفئات العمرية و الطبقات الاجتماعية

اعلم انك لم تكن تصدق كل هذا و غيره الكثير ان قلته لك و انت تعيش فساد عهد مبارك و ترى اعلامه الكاذب يسيطر على عقول العامة – التى ضجرت منه في يوم وليله – و انت ترى الشرطة تنكل بكل من يقول لا .. 

كنت ستعتبرني مجنون او اكثر اهل الارض تفائل

و لكن هذا قد حدث ولكنك لا تشعر بهذة المكاسب الان و لكن يجب ان تقارن 2014 بسنة 2010 حتى و ان شعرت بالظلمة و بانها اسوء حالات الجزر الثوري التى مرت بها الثورة و لكنها مازلت ثورة , ثورة مستمرة تؤتي ثمارها و لكن انظر لما سبق و تعلّم و ستتيقن انك على الطريق الصحيح و ان الثورة مستمرة في طريقها الصحيح وانها ستحقق جميع اهدافها كاملةً في يوم من الايام ..

الثورة مستمرة . قولاً و حقاً و صدقاً و ليس شعار بل هو إيمان و قناعة و دين لكل الدماء الطاهرة المبذوله التى روت شجرة الثورة .. مهما طالت حالة الجزر الثوري فالثورة مستمرة , الله يرعهاها لانها الحق و تحميها سواعد الثوار و ايمانهم بها

بيان تخيُلي للقوى الثورية للرد على إعلام الفلول و تسريبات امن الدولة

بيان تحالف القوي الثورية : 

يدعو تحالف القوى الثورية : النظام الحاكم الذي يدير هذة المرحلة الدقيقة في تاريخ مصر الي الاخذ في الاعتبار ان هناك بعض الاعلامين المحسوبين على النظام المباركي الساقط  - بفضل همة و شباب مصر و بفضل ثوارها عن طريق ثورة 25 يناير المجيدة-  عادو الي الساحة الاعلامية للنيل من ثورة 25 يناير التى اعادة الحياة الي الرئة المصرية  .. 

وما يثير حفيظة الثوار ان هناك اطراف في المؤساسات الامنية للدولة تمدهم بالمواد الاعلامية و التسريبات المُخابراتيه لبعض النشطاء المحسوبين بطريقة او بأخرى على الثورة لمحاولة النيل من الثورة في اختزالها في بعض النشطاء المعروفين اعلاميا .. نحب ان ننوه 

اولا : الثورة اكبر من الاشخاص و النشطاء و القيادات و حتى الحركات ولا يمكن اختزالها في اشخاص او كوادر او حركات معينة لانها ثورة شعبية خالصة شاركت فيها كل فئات الشعب 

ثانيا : ننوه انه لا يجوز اقتحام الحياة الخاصل للمواطن المصري و التجسس على مكالماته و مراسلاته و مراقبته الا بأذن قضائي , و ان اي انتهاك لهذا الحق في الخصوصية هو مُجرم قانوناً بموجب جميع الدساتير 

ثالثا : التحقيق مع كل من سرب هذة المكالمات و من سجلها إعمالا للدستور و القانون الذي يحمي حقوق المواطن 

رابعا : التحقيق في كل التهم الموجه للنشطاء و لكن عن طريق بلاغات مُستنده على ادلة حقيقية ملموسة 

خامسا : نحذر المحسوبين على النظام المباركي ( اعلامين – سياسين ) من محاولات تصفية الحسابات مع الثوار او اختزال الثورة في بعض النشطاء ( و إن عُدتم عُدنا ) صدق الله العظيم 

سادسا : نحذر و بشدة من محاولات تشويه الثورة عن طريق اطلاق الاكاذيب و الخرافات من امثال ( انها ثورة قام بها الاخوان ) او ( ثورة مخططة من الغرب ) , نحذر و بشدة من محاولات استفذاذ الثوار الحقيقين الذين بذلو الغالي و النفيس من ارواحهم و دمائهم و حرايتهم  في هذة الثورة المجيدة

سابعا : ثورة 25 يناير ثورة دعا اليها الطليعة الثورية بعد ان ساد الظلم و استشري الفساد في البلاد لدرجة بلغت اقصاها , و ايدها الشعب المصري بكافة طبقاته الاجتماعية و العُمالية و الدينية , و اعترف بها الجيش المصري ثورة شعبية 

ثامنا : نرفض قانون منع التظاهر المُكبل للحريات و الذي نعتبره لردة لما قبل 25 يناير و نطالب بإلغائه فورا هو جميع تبعاته و الافراج عن جميع المعتقلين بسبب تنظيم المظاهرات السلمية 

و بناء على هذا نُخذر كل المُتآمرين على الثورة من انه لا ردة لما قبل 25 من يناير , و ننشاد النظام الحالي من تعالي اصوات فلول النظام المباركي السابق و ان في هذا استفذاذ صريح للثوار الذين بذلو حياتهم في ثورة 25 يناير و موجاتها نهايةً بموجة 30 يونيه المجيدة التى اطاحت بنظام الاخوان الفاشي . و ان الثوار لن يقفو صامتين امام المحاولات الصارخة للنيل من الثورة و لن نقف مكتوفي الايدي امام هذة المحاولات المتكررة 

الموقعون على البيان :

ماذا لو لم ينحاز السيسي لمطالب الشعب في 30 يونيه ؟!

بداية لابد ان نبدأ بالحراك الشعبي فيما قبل يوم 30 و الدعوات للاحتشاد و انتشار استمارات تمرد التى لاقت نجاحا ملفت للنظر كان يبشر بحجم الجموع يوم 30 , لاحظ الجيش او بمعنى ادق المؤسسه العسكرية حجم الاحتقان في الشارع المصري بين الناقمين على الاوضاع الحالية و بين مؤيدي النظام الحاكم , و اعطى مهله اسبوع قبل يوم 30 للجميع و اطلق مبادرة تحمل تنازلات من جبهة الانقاذ و الرئيس المعزول محمد مرسي اشتملت على تغير الحكومة و تعديل الدستور و الدعوة لانتخابات مجلس شعب على ان تتخلى المعارضة عن الاحتشاد في الشوارع و الغريب ان الدعوة رُفضت من جانب الرئيس المعزول و تعامل معها بعجرفه - معهوده - , و حتى بعد فرصة ال 48 ساعة بعد احتشادنا يوم 30 خرج علينا مرسي بمقولته المشهوره " الشرعية تمنها رقبتي " رافضا تخليه عن منصبه بعد رؤية كم الجماهير الغاضبه

ماذا لو لم ينحاز السيسي لمطالب 30 يونيه ؟

• كانت ستتصاعد حدة الصراع و الاحتقان في الشارع بين الميدانين ؛ مما قد يؤدي الي حالة غضب عارمة بين جموع المتمردين قد تنذر بالعديد من الاضرار على مؤسسات الدولة
• كان الاتجاه العام واضح انه لا تنازل عن مطالب 30 يونيه و ان سقف المطالب سيرتفع 
• كانت الاجرائات التصعيديه قد تؤدي الي مالا يحمد عقباه خصيصا بهذا العدد المهول في الميادين 
• اهم نقطة الا وهي : كان لا مناص عن إعتراك اهلي دموي بين الميدانين خصيصاً مع تناقص شعبية الاخوان في الشارع المصري مما ينذر بمجازر حقيقيه و اهليه في شتى بقاع مصر و ازدياد الغضب الجماهيري تجاههم
  كانت سيتحول الميدان المتمرد الي قوة تدميريه هائله قد لا يمكن السيطرة عليها بسبب الاعتراك الاهلي , و يتحول الميدان الاخواني الي ميدان ارهابي 
• اذا لم تستجيب المؤسسة العسكرية لمطالب الشعب كان الشعب وضعها تلقائيا في صف مرسي فلا مجال وقت الثورات لمن يقفون على الحياد , خصيصا لمن يحمل السلاح دفاعا عن امن وطنه القومي و بسبب نظرة الشارع المصري للمؤسسة العسكرية دائما على انها الملاذ الاخير و المخلص من المستبدين و الظالمين و الحامي للوطن خارجيا و داخليا
• كانت ستدفع المؤسسه العسكرية الثمن غاليا من سمعتها - خصيصا بعد ان تناقصت سمعة المؤسسة جماهريا بعد الفترة الانتقالية في 2011 - و هو ما دائما تحرص عليه المؤسسه ان تقف هي و الشعب في صف واحد 
• مع زيادة الاحتقان و بمرور الايام و مع عدم تلبيه اي مطالب للمعتصمين سيتحول الشارع المصري الي شارع مضرب اضراب عام سواء تلقائيا او بطريقة مخططة نسبيا مما يهدد الامن القومي و ينذر بانهيار شتى مؤسسات الدولة

بإختصار شديد جدا : المؤسسة العسكرية انقذت مصر من بحر دماء و حرب اهلية بمعنى الكلمة بين معسكر الاخوان و معسكر المتمردين - خصوصا بعد إتضاح كم السلاح الذي يملئ البيوت المصرية - , و انقذت مؤسسات الدولة من الانهيار بسبب ما كانت ستؤل اليه الاوضاع في مصر من خراب و دمار و اضراب عام و دماء في كل الشوارع المصرية  , و اختصرت وقت الثورة الي 3 ايام فقط و حقنت دماء المصرين - حتى بعد دماء الاخوان في رابعة - كانت المصيبة ستكون بعشرات الالاف ما بين مؤيد و معارض و الاضعاف المضاعفة من الجرحي

و لكــــــــــــــــــــن كنا سننتصر , حتى و لو تخلى عنا السيسي و لم ينحاز الي مطالب الشعب و يلبي واجبه الوطني , كنا سننتصر ولكن بعد ان تغرق مصر بدمائنا و دماء الاخوان و بالاف المصابين و الجرحي , كنا سننتصر ولكن بعد انهيار الدولة بمؤسستها , كنا سننتصر و لكن بعد وصمه عار في شرف الجندية المصرية لانه ترك الشعب المصري للاقتتال الاهلي ولم يحول دون وقوع ذلك , كنا سننتصر بفضل الثواااار الثابتين على افكارهم منذ فجر 25 يناير , كنا سننتصر بفضل دماء جيكا الذكية و باقي شهداء الوطن , كنا سننتصــــــــــــــــــــر و هذا يقيناً لم اشك به مطلقاً
و مازالت معارك ثورة 25 يناير مستمرة و الانتصارات تأتي تِباعــــــــــاً بأمر الشعب و الثوار و بفضل الله عز وجل , و إنا على العهد لثابتـــــــــــون
*لم اكن يوما من مؤيدي عسكرة الدولة , ولا من مؤيدي تدخل المؤسسة العسكرية في الامور السياسية ولكن هذا رأي في موقف المؤسسة العسكرية فيما يخص ثورة 30 يونيو التي تعد استكمال لما بدئناه في 25 يناير  2011 بكل صدق و حيادية و دون الدخول في النوايا و التطرق للمصالح  , و يعلم الله انه ليس بمقال لتلميع المؤسسة العسكرية و لا لركوب موجة التأليه و التفخيم  و التطبيل لمجرد التطبيل و " تسلم الايادي " الدائرة في الاعلام المصري

الخروج من رابعة - عنق الزجاجة

كثرَ الحديث في الاونة الاخيرة عن إتجاه عام لدي السلطة الحاكمة و المحسوبه بشكل او بأخر على التيار الثوري لفض اعتصام رابعة العدوية المشارك فيه انصار الرئيس المعزول محمد مرسي ولذلك وجب التحذير من الاتي و اعادة طرح المشكلة و محاولة ايجاد حلول منطقية للأزمة 

1- هل سيكون فض الاعتصام بالقوة مفيد ل 30 يونيو ام لا ؟؟  في رأي الشخصي المتواضع اري ان فض الاعتصام بالقوه يتماشى مع ما ينشده الاخوان في استدراج السلطة لمجزرة جديدة يستطيعون المتاجرة بها محليا و دوليا لكسب تعاطف محلي و دولي بعد انهيار اسهمهم المحلية في الشارع المصري و تخلي العديد من الدول الكبري عنهم

2- ماذا بعد فض الاعتصام ؛ سؤال طرحته و بحثت استقصائيا لاجد اجابة مقنعه له !!! و وجدت ان الجميع متفق ان ما بعد فض الاعتصام بالقوه هو اسوء مما قبله و لا يوجد له تصور واضح لدى البعض وانه ربما اضر اكثر مما نفع 30 يونيو , و لكن مازال الكل يتمنى ان تحدث المعجزة الكونية بان يُفض الاعتصام من تلقاء نفسه او يتحلل ذاتياً دون وقوع اي ضحايا او سقوط الضحايا الغير مأسوف عليهم من البعض و المتعاطف معهم من البعض الاخر و ان يهرع الاخوان و من والاهم الي جحورهم و عدم الانجرار لاي تجمع في الشارع المصري و اعتزالهم الحياة السياسية ( و قطعا هذا درب من دروب المستحيل ) و تمنيه

3- ما هو السبب الحقيقي وراء الالحاح لفض الاعتصام ؟! انا لا اقتنع صراحتاً انه بسبب ان السكان متضايقون من اعتصام رابعة ! و لكن هذا الاعتصام يسبب صداع للنظام الحالي , ما هو ؟ و ما هي الضغوط الواقعة على هذا النظام ؟! 

4- ما هي ردة فعل الصعيد و سيناء ( اللذان يعانيان من عدم و جود حقيقي للدولة فيهما ) حجم الغضب ؟ نسبة الحروب الاهلية و الطائفية ؟ هل سيكون هناك تدخل عاجل لتأمين الاقليات في اقليم الصعيد و حماية المنشأت الهامة في سيناء ؟

الحلول 

و لم لا يعزل النظام اعتصام رابعه و يفرغه من محتواه عن طريق تجاهله تماماً مما سيضغط على المعتصمين لتصعيد من الممكن ان يجرهم الي اخطاء جسيمة ستفرغ الميدان من قوته و تماسكه و ربما سلميته المزعومة !

عامل الوقت في صالح النظام و ليس في صالح المعتمصين

فكرة فرض حصار على الاعتصام ليست بالسيئة و يجب دراستها لمنع خروج المسيرات من و الي الاعتصام , مع العلم ان المسيرات هي قبله الحياة بالنسبة لاي اعتصام و هي مصدر قوته الحقيقيه

العمل على انجاز خطوات و نجاحات حقيقية يستشعرها الشارع المصري مثل ( التعجيل بكتابة دستور يُرضي الجميع - الدعوة لانتخابات برلمانية مما سيشغل الشارع السياسي بالتجهيز للانتخابات - و الاهم هي قرارات يشعر بها المواطن المصري الغير معني بالسياسية مثل قانون للاجور , زيادة العلاوة , حل ازمة الكهرباء , الماء , البنزين , وجود امنى حقيقي و قوي يحمي الشارع المصري بما لايتعارض مع القانون و حقوق الانسان و حريته ) كل هذة انجازات ستغطي على الصخب الاعلامي حول الاخوان و اعتصامهم و ستضعف من قوتهم و ستثبت للشارع المصري انه قد اختار الاختيار الامثل و هو عزل الاخوان من الرئاسة و سيعزلهم بالتالي الشارع شعبيا و يلفظهم الي الابد و بلا رجعة

لابد من وجود ضغط دولي على الاخوان و اري انجازات و نجاحات من القائمين على السياسة الخارجية و في مقدمتهم د/البرادعي في هذا الشأن و لكن لابد من استخدام الغرب كاداة ضغط و ليست وسيط للتفاوض فالتفاوض لابد و ان يكون عن طريق وسيط مصري ؛ ارجح ان يكون شخصية من حزب النور او من التيار السلفي

اراء مجمعة لما بعد 30 يونيه و حتى الان - محدث باستمرار

احداث الحرس الجمهوري

عارف انت ربنا وقعنا في اتنين ( مجلس عسكر قعد يقتل فينا سنة و نص و يبرر قتله ) و اخوان ( قدعو يكذبو و يبررو قتل العسكر لينا و لما هم وصلو الحكم قتلونا باديهم ) .. فلما تيجي بعد كل دة تلاقي الاتين بيتخانقو مع بعض - حتى و لو اختلفت الوشوش - متعرفش مين فيهم الي بيكدب و مين بيقول الحق علشان الاتنين عهدانهم كذاااابين !!!

_______________________

معركة رمسيس

يا حبيبي صدقني دول مش اذناب النظام و بلطجيته ؛ دول اهالي المنطقة ؛ يا متخلفين يا اغبيا يا ولاد الكلب انتو بقو ليكو دم مع كل منطقة في مصر !!! دول مش بلطجية النظام ولا دول من المعارضين !! كنا ياماااا بنقول ايام العسكر ان اهالي بولاق ضربونا عند ماسبيرو ؛ اهالي العباسية ضربونا عند مسجد النور ؛ كنتو بتضحكو علينا .. يا اغبياااااا الي بيجي على اكل عيش الناس الغلابة بياكلوه بسنانهم ؛ و انتو الشعب لفظكو علاوة على ان الشعب بيعشق الجيش اصلاااااااااا ... فمتشتغلوش نفسكو و تعدو ترردو كلام البغبغنات و تقولو الي بيقتل الاخوان اذناب النظام و بلطجيته انت عملت تار ليك في ( بين السريات - المنيل - سيدي جابر - المنصورة - الشرقية - دسوق - الفيوم - اسيوط - ماسبيرو وبولاق - العباسية ) عايزين تعملو دم مع انهي منطقة تاني !!!

*احنا قطعاااا مش مختلفين على حرمانية الدم و ان الي بيحصل دة كل حرام و غلط في غلط

2

الصراحة ( النشتااااء ) كل يوم بيثبتولي انهم اوسخ من اوسخ وسط ممكن تحتك بيه ؛ في ناس حاجزة مكانها في المعارضة حتى لو ابوها الي بيحكم لا ومش اي معارضة المعارضة بتاعت اسقاط النظام ؛ نقلهم يمين يقولو شمال نقول شمااااال يقولو يمين ,, و دين امي الورقة بتاعت تمرد الي انت ماضيت عليها و كنت بتوزعها مكتوب فيها كل الي حصل , رئيس المحكمة الدستورية و لجنة لتعديل الدستور و حكومة انقاذ وطني !!! طب انت عايز ايةةةةةة تااني !!!! مش فاهم و الله الناس المعترضة من اجل الاعتراض دي اية الصراحة حالكو يقرف و كل واحد يقلك مبادئ و تاريخي ؛ كلها بقت سعد زغلول

_____________________

دعوة السيسي للاحتشاد في الميادين 

في كذا سبب يخليني مش مطمئن للدعوة بتاعتت بكرة :

1-الاعلام و تحفيزة للناس و دعوته للنزول و الاغاني الوطنية و الهري الاعلامي بصراحة شكله مستفز اووووي و بيدل اننا ماشين غلط

2-مفيش وزير دفااااع بيطلب تفويض للمباشرة مهامه الي بينص عليها الدستور !! و لو انت جاي بتطلب تفويض بحاجة ضد القانون فاكيد مش هديهالك و اه السيسي بالنسبالي مش اكتر من وزير دفاع !! لا هو الاب الروحي للثورة ولا عبد الناصر الجديد ولا اي حاجة من دول , ما هو الا وزير دفاع ادي دوره ولبى نداء شعبه !

3-انا مبنزلش ارفع صور حد ! ولا بنزل بناء على دعوة شخص !

4- انتو اصلاااا مش محتاجني انزل و مش هتفرق معاكو اوووي معارضتي للنزول ؛ الكنبة هتنزل و هتملى الميادين متقلقوش عالحشد ؛ بس بعد كدة محدش يعيط لو الدم غرق الشوارع ولا لو قمع الدولة للحريات رجع من جديد و ينادي بالثوار

5-انا مبمضيش لحد على بياض " تطلع توصفلي كلمة مكافحة الارهاب بدل مهي كلمة مطاطية كدة ياماااااا اُستخدمت لحبس اصوات و قمع حريات و تقولي انت هتطبقها على مين و فين و امتى و مدتها اية " و ساعتها ممكن امشي معاك

6-نقول تااااانيي " انا ضد استخدام الحل الامنى لفض اعتصام رابعة - و محدش يقولي اعتصام مسلح و النبي - لسببين 1- ان فض الاعتصام بالقوة بيضعف موقفنا و بيقوى موقفهم و دي النقطة الي لسة مش واصلة للعسكر ان القوة عمرها ماكانت حل , 2- استخدام الحل الامنى بيبقى اخر الحلول بعد فشل كل المحاولات السياسية و للاسف محدش فكر في مرحلة ما بعد فض الاعتصام !! ردة الفعل العالمية و المحلية و ردة فعل التيار الاسلامي نفسه و نسبة التعاطف معاه الي هتزيد عالميا و محليا

انا مبختارش بين اخوان و عسكر ! انا رفضت الاتنين من زمان وخلصنا ,, السيسي وزير دفاع مال الي الثورة و مطالبها - رغم عدم اقتناعي بالبوء دة بس هو مش اكتر من كدة لو بنتكلم بالواقع بعيد عن الاراء الشخصية - ؛ الاخوان و انتهو خلاص .. و المدنية - الحرية - العدالة الاجتماعية .. مطالب رفعناها من قبل 25 و لحد دلوقتى و مش هنتنازل عنهااا .. مدنية لا دينية ولا عسكرية !!

2

يا جدعان و الله العظيم مش معنى اني مش نازل انا او غيري يبقى ضد الي هينزل او بنخونه او بنسفهه زي مبتعملو !!! يااااعم انزل انت شايف انك ماشي صح و انا و الله مش ضدك لان هدفنا واحد و احنا الي شلنا الاخوان سوا فبلاش بقى جو المزايدات دة ؛ الي يعرفنا يعرف احنا مين و سورري بقى هقول كلمتين مبحبش اقلهم مش الكنبة الي نزلو الميدان اول امبارح هيقولو عليا خاين !!! دي تبقى شخت اوووي ولمؤخذه

انزل ياعم و فوض و اعمل الي انت عايزة و انا مع حكومة الثورة الموجودة و مع جيش بلدي ضد الارهاب بس مش على كيفي الدعوة دي لاعتبارات شخصية و مبادئ كدة قديمة مش هتفهمها انت .. فكك مني منا كدة كدة مليش ثقل ياعم في الشارع و كمان انا مش ضدك بالعكس انا معاك .. # فكك_مننا

3

لا يوجد بطل في مصر الا شعبها و في مقدمتهم الثوار و لا يوجد من نمجد اسمه الا الشهداء فقط !!

4

نحن لا نحمل الا علم مصرر و صور الشهداء , لا نحمل صور معارضين ولا مؤيدين ! اهدافنا معلنة منذ فجر الحضارة عدالة اجتماعية - حرية - عدل - مساواة

5

عد الجمايل يا سيسي ؛

لما احتاجت الشعب لقيته في الشارع و بيض و شك اهو !! سليييم .. زي محنا احتجناك نزلت و لبيت ندائك الوطني ؛ نبقى خالصين

خلي بالك بقى ؛ في النهاردة مات لحد الوقتى 10 مابين مؤيد و معارض ولازالت الضحايا تتساقط .. لازم تخلصنا بقى من العنف دة زي موعدت ! و الشعب فوضك و قالك " قد فوضُتك نفسي  "

مع العلم ان زي محضرتك قلت مفيش في نيتك فض الاعتصام باستخدام الحل الامنى

6

و الله ما تنظّير بس هو عشان نلخص و نقفل بقى حنفية الدم دي :

الاخوان : عايزين خروج امن او بمعنى اصح عايزين عدم الملاحقة و عايزين فلوسهم و كوادرهم الي في السجون و على رأسهم مرسي و وعد انهم هيمارسو الحياة السياسية عادي و ضمنات بكدة

السيسي : عايز فض الميادين المؤيدة من جانب الاخوان ؛ وقف المسيرات ، الرضا بالامر الواقع , وقف نغمت بقى الشرعية و الرئيس الشرعي و لهجة الحض على العنف , وقف العنف في سينا و في كل حتة

احنا ( الثوار بتوع زمان ) : عايزين القانون ياخد مجراه لاننا للاسف رضينا بيه من زمان و الي علية حاجة يتحاسب عليها و مش عايزين اجرائات استثنائية ز

بس في نفس الوقت عايزين الاخوان تخلي الشارع و ترضي بالامر الواقع علشان نقدر نشوف احنا بقى شغلنا و نراقب السلطة الحالية و نحضر لانتخابات و معركة الدستور و الدولة الي بنحلم بيها ,

مش عايزين دم لا من هنا ولا من هنا و نوقف بركة الدم دي خاااالص ,

مش عايزين ارهاب و عايزين الدولة تشوف شغلها و الاجهزة المنوطة بمقاومة الارهاب تشوف شغلها

اعملوووو بقى ديك ام الصفقة مع بعض و خلصونا خلونا نشوف حلمنااااا - عن الاخوان و السيسي اتحدث -

7

مهو الحل الامنى و الدم لو كان بيجيب نتيجة كانت العلقة نفعت نفسها عن مبارك و مجلس طنطاوي اتحدث

يا جدعان بلاش غبااااااااااااوة الحل الامنى بيزود المشكلة و بيدي تعاطف للطرف الاخر دول و محلي و مبيحلش حاااااااااااااااجة بالعكس دة بيزود المشكلة و بيكبرها و بيزود حدة الاستقطاب و بيخلق سلسلة من نخااااااسي الدم

يا خرفااااااااان : العنف مبيحلش حااااااااااجة و مش هتستفيديو منه حاااااااجة ؛ محنا بقالنا سنيتن و نص في الشارع لو شايفين الارهاب كان هيوصلنا حاجة ما كنا عملناااااااه

يارب نخلص بقى عشان نعرف نشوف بقى شغلنااااا بقى و نعمل ديك ام البلد الي بقالنا سنيتن و نص بنحلم بيها

8

في حديث مع صديق اخواني

بعد اقراااار ان النظام السابق سقط بكل تبعاته  ؛ دستور هيرضى الجميع و انتخابات برلمانية يشارك فيها الجميع و اكيد هينتج عنها توازن حقيقي و بجد ؛ انت عايزني انزل اطالب بالثورة ! انهي ثورة !! الي اول ناس خانوها الاخوان !! افتكروها دلوقتى ؟! ؛ ارحمو نفسكو و صونو دمكووو و خلونا نشوف الي جاي ؛ استمرار العنف هيخسركو مش هيكسبكو ؛ مفيش اي تعااااااااااااطف شعبي معاكو ؛ لك ان تتخيل ان الي زي الي كان ضدكو على طول الخط هو دلوقتى الي بيتهاجم من الشعب المصري عشان بيقول انه ضد اراقه دمك 

خلاص الشعب ركبنا احنا الاتنين  يبقى مش من مصلحة حد يقف قدامه .. و اكيد انت من جواك متأكد قد اية الشعب خلاص لفظكو لدرجة انه بيتمنالكو الموت الجهري .. لا انتو هتقدرو علية ولا حتى لو كل ثوااااااار مصر انضمو لكو ؛ خلاص الكنبة قالت رأيها ؛ زي ما قالته قبل كدة لما اختارتكو في البرلمان و زي مختارناكو في الرياسة و هم قررو يسقطو نظام الاخوان ؛ يبقى صدقني مش هتقدر تقف قدامهم حتى لو انا معا

المصالحة الوطنية هي الحل

نظرة فلسفية بعيدا عن الثورية ؛ 

كل واحد حكم او اشتغل في سياسية البلد دي كان فاكر انه بيعمل الي في مصلحة البلد 

الفلول ( النظام السابق ) : كان فاكر انه بيحمي المصرين من نفسهم و انهم غير مؤهلين للديموقراطية و اختيارتهم هتبقى غلط , و قلهم الاسلامين دول كلهم ارهابين و لازم يتحطو في السجون و يتعذبو , قال للشعب ان لازم قبضة بوليسية من حديد علشان البلطجية كتير و لازم يتحط العصاية في طيزهم عشان دول مبيجوش الا كدة 

الداخلية : كانت شايفه انهم علشان يجيبو الحرامي يبقى ممكن يجيبو مراته و عيالة يضربوههم علقة موت عشان يقرو على مكان المتهم .. كانو شايفين ان احسن طريقة للتعامل مع المعارضين هي بالتجسس عليهم و انتهاك حرمات حياتهم و ارهابهم و اعتقالهم و تعذيبهم ان لزم الامر عشان ميعكروش صفو الشارع المصري .. كانو شايفين ان الثوار او السياسين الي بينزلو مسيرات و اعتصامات دول شوية عيال ملهاش شغلانة و بينطو على بعض و هيخربو البلد و بيتاجر بيهم او خونة و عملا للخارج 

العسكر : كان شايف ان الثوار متهورين و كل شوية قصاص قصااااص و انهم تطاولو عليهم شخصيا و هم متعودين ان كل الناس بتعظملهم فاستخدم معاهم العنف المفرط و كانه بيربيهم من اول و جديد , و راح اتفاوض مع الاخوان و قال هم دول الي  ليهم قاعدة في الشارع و هم دول الي ممكن نتكلم معاهم في السياسة عشان ممكن يشيلو البلد  لان التانين شوية عيال ملهمش كبير

الاخوان : هم شايفين ان لولاهم مكنتش الثورة هتنجح . و انهم اكتر ناس عانو من نظام مبارك و يستحقو حكم مصر . و شايفين ان انفرادهم بالسلطة دة ضروري لان مفيش حد فاهم غيرهم ولا حد نزيهه غيرهم . و ان هم الي حاملين المشروع الاسلامي الي ممكن يحكم العالم في خلافة زي الخلافة العثمانية  وانهم ممكن يستخدمو الميكافليه شوية في سبيل الهدف السامي دة

السلفين : شايفين ان كل الي على الساحة دول ينقصهم الدين او الدين مش في دماغهم و هم شايفين ان الشريعة هي المفتاح لكل الحلول و الشريعة هي من وجهة نظرهم هم فقط مش من وجهة نظر الازهر الي شايفين انه فاسد منهجيا و اداريا و لا من وجهة نظر حد تاني, و ان كل احتكاكهم بالسياسة علشان نقطة واحدة و هي الشريعة الي عايزين يطبقوها لان بالتبعية هيعم الرخاء بمجرد تطبيقها 

الثوار: هم بطبيعة الحال اصحاب الثورة الحقيقين و شايفين ان الثورة كانت لازم تحصل و انهم غلطو انهم سابو الميدان يوم 11 فبراير و شايفين العسكر ميصلحش لمصر و ان مدنية الدولة امر حتمي ضحو بارواحهم علشان تحقيقه و انهم لازم يتحطو على الخريطة السياسية بكوادر حزبية جديدة بعيدا عن الاحزاب الكرتونية القديمة . بعضهم رافض لقيادات التيار المدني و بعضهم معاه و مندمج في الاحزاب حديثة الولادة . شايفين ان الحل الثوري هو الحل الامثل لمصر و ان لا مكان للسياسة الا بعد القصاص و التطهير و استرداد الاموال المنهوبة دون الاكتراث بعامل التوقيت . عندهم مشكلة حقيقة مع الاستبداد و مرفوض  تماما بالنسبلهم  حتى و ان صحت النوايا 

كله شايف انه بيخدم مصر !! و علشان كدة لازم تتم مصالحة وطنية بتنظيم الثوار لانهم :

1- اكتر ناس عانو من كل الانظمة الفاسدة ( مبارك - عسكر - اخوان )

2- اكتر ناس بذلو شهداء و ضحو من اجل القضية 

3- حلم كل شهيد هي ان الوطن يبقى واحد بدون اي تقسيمات و ان الثوار يحكمو و يطبقو العدالة الاجتماعية - حقهم هيوصل لما دة يتحقق - مع استمرار المحاكمات المدنية طبعا - الي مش هتعمل حاجة للاسف - 

4- المصالحة الوطنية لما تيجي مننا احنا الثوار هي قوة لينا مش ضعف احنا هنبقى الطرف الاقوى في المعادلة ان شاء الله هنكون مسكنا مقاليد الامور على الساحة و اننا اكتر ناس لينا حقوق عند كل طرف من اطراف المعادلة بس هنفتح معاه صفحة جديدة علشان احنا اكتر ناس حرصا على مصلحة البلد

* المصالحة الوطنية هتم طبعا بعد ان يعترف كل طرف بخطأه و انه مش هيكرره تاني و انه استوعب الدرس  و ان الثوار هيبقو عين الشعب على التزام كل الاطراف بعدم تكرار اخطاء الماضي

* المصالحة الوطنية تتم بعد اسقاط النظام الحالي بكل تبعاته الدستورية و التشريعية و تمكين الثوار او التيار المدني من ادارة شؤون البلاد ( سياسيا او على اقل تقدير عن طريق حكومة انقاذ وطني ) 

* المصالحة الوطنية تتم بعد ان يرعاها دستور : يوفر المناخ الديموقراطي للبلاد و يحمي حقوق الاقليات و يحرص على التداول السلمي للسلطة عن طريق صندوق الانتخابات مع مراعاة حيادية الاجهزة المنوطة باجراء الانتخابات مع توافر اشراف قضائي كامل ( قاضي على كل صندوق ) و مراقبة دولية و محلية من المنظمات الحقوقية و منظمات المجتمع المدني . و تحديد اختصاصات وزارة الداخلية و فرض رقابة قضائية و حقوقية على عملها بموجب الدستور و القانون و الزمها بعقيدة حماية الشعب و المواطن و احترامه مع الحفاظ على هيبة ظابط الشرطة مالم يسئ استغلال وظيفته ... الزام الجيش بعدم المشاركة في الحياة السياسة و انهم مؤسسة منوطه بحماية الامن الخارجي و الحدود المصرية و الشعب المصري من الخطر الخارجي اولا , و الداخلي ان لزم الامر الي تدخله لحماية الامن القومي