كيف ينشأ المواطن المصري و كيف يتكاثر ذاتيا ( تدوينة ساخرة عن حال الشاب المصري ) الكوميديا السوداء

حضرتك اتولدت عشت في طبقة -هنقول عليها متوسطة - العيشة فضلت تغلى و انت تكبر في السن دخلت مدارس و اتصرف عليك فلوس كتير فشخ - وخدت البكالوريا - و دخلت - ما شاء الله الجامحححة - و اتصرف عليك برضو و - لولولولي - اتخرجت و اكتشفت ان عشان تشتغل محتاج كورسات كتير فشخ عشان انت متعلمتش حاجة ليها علاقة بالواقع و العصر الي انت عايشة , فقلت معلش اهو برضو علااااام و روحت مديها كورسات , خلصت الكورسات ؛ قلت خلاص بقى هتشتغل لقيت الشغل بواسطة و انت ياولداااه وسطتك ربنا , قلت معلش انا اشتغل اي حاجة ؛ لقيت نفسك بتشتغل شغلانة ملهاش اي علاقة بالي انت اتعلمته  وصرفت عليه دم قلبك و مجهودك و بتقبض - الي يعيشك ملكككككككك لمدة 10 ايام فقط - دة لو كمل 3 ايام - و تشحت بقية الشهر - و بتتفحت شغل , مفيش اي فرصة عشان تطور من نفسك و بالتبعية مش هتعرف تترقى و الي هيترقي - دة لو حد اترقى - الي بيعرف يطبل في الشغل كويسة - و في المعجم المتساسااسااااوول ( معرص ) - و فضلت على حالك يا ولداه و اكتشفت الحقيقة المؤلمة ؛ 

انك فسيولجياااااا و انسانيا محتاج تتزاااوج تتتكاااااااااااثر زي بقيت المخلوقات الي على نفس المجرة من اول الطفيليات لحد الفيله ( تيجي اية انت جنب الفيله ( جمع فيل و هو الحيوان ابو زلومة طويلة و بتاكله شوية حاجات خضرا كدة بيديهالك الحارس في حديقة الحيوان ) مفيش غير الاميبا وحيده الخلية الي بتتكاثر ذاتياااا و احنا كبنى الانسان مش هينفع نبقى زيها عشان لمؤخذه في الكلمة احنا من الثددييااتتت ؛ انت محتاااااااااج لانثى عشان تتكاثر ؛ او على الاقل تشبع رغباتك المكبوتة من عشرات السنين !! و سن حضرتك كبر و بيكبر و الصحة في الناااااازل ( بسبب او بدون سبب - واضح بيتهيألي - )  ؛ هتعمل اية ؟؟؟! تيجي تغضب ربنا تقول ياعم احنا صبرنااااا الكتير مش فاضل الا ( الكتير برضو ) طب و بعدين مهو حتى لو فكرت في الحل دة مش هيبقى حل عملي ؛ انت محتاج للاستقرار زي منت محتاج للاسمو اية فلا غني عن الجوااااز و اما تعمل العملة دي منغير جواز مش هيبقى فيها استكككرار خالص .. طيب .. 

حضرتك عملت جمعية و اداينت و بيعت امك سيغاتها و بعت فدانين الطين الي حدداااكم في البلد و قدرت تجيب تمن شقة ( مساحة 46 متر بتصفصف على 38 متر مربع الي بتخصص للشباب في احدي المدن الجديدة التى تبعد عن الحضر مسافة عام او بضع عام و قدرت تفرشها من دمياط الي هو اوضة و صالة و عفشة ماية ) و خلاااااص يا بطل مش فااااضل الا العرووووسة - هانت - روحت تتقدم لزميلتك الي ماشي معاها 3 سنين و الي كانت ماشية قبلك برضو مع زميلها و انت كنت ماشي قبلها مع زميلتك و قبلت ابوهاااا و دار الحوار التالي : 

الاب : يابنى احنا بنشتري راجل - الكلمة الي دايما بتتقال في كل جوازة - 

المواطن المطحون : شكرا ياعمي مهو دة العشم برضو و احنا شاريييين 

الاب : نخش بقى في الجد ؛ انت طبعا عارف ان بنتى ريري دي البكرية و دي الي طلعنا بيها من الدنيا و احنا عايزين نطمن عليها 

المواطن المطحون : ياعمي ونا هحطها جوة قلبي

الاب : طب يابنى كلمنى عن نفسك شوية 

المواطن المطحون : حكاله اجزاء من حياته - الجانب الايجابي و المادي الي فيها - الي انا ذكرتها فوق 

الاب : يابنى بس 46 متر دي صغيرة اوي - و هو عنده حق برضك - دة انت لو اتطمعت في اوضت النوم رجلك هتبقى في الصاله , و بعدين دي بنها و بين القاهرة بتاع ساعة و نص بالعربية و انت بتقول انك لسة هتقسط عربية 

المواطن المطحون : ياعمي مهو دي مقدرتي و دة الي قدرت عليه و بعدين انا لسة المستقبل قدامي انا و ريري و مرتبي ان شاء الله هيزيد 47 جنية في العلاوة بتاعت شهر 7 الجاي 

الاب : يابنى انت متتعيبش , بص انا زي ابوك ؛ بص كون نفسك و ان شاء الله لو ليك نصيب في ريري هتيجي تلاقيها اول متبقى مستعد

المواطن المطحون : - وبعد ان بدء صبرة ينفذ - ياعممممممي منا مستعد اهووووو و جايلك من البااااب 

الاب : يابنى انا كلامي خلص و ربنا يقدم الي فية الخير 

المواطن المطحون : ياعمي انا بقالي 3 سنين ماشي مع بنتك بقى و جايلك من البااااب و بنتك دخلة على التلاتين و انا كمان و عايزين نستر نفسناااااااا

الاب : - هيبتدي يزعق بقى و بتاع - ااااااااااااية انت بتقوووول اية ؟!! يعني اية ماشي ممعاهاااااااااا انت جاي بتشتمنا في بيتنااااا 

المواطن المطحون : ياعمي طب خليها جنبك بقى و مفيش سلام عليكو - و يروح واخد دستة الجاتوه الي جايبها من حلواني السعاده القطعة بجنية خمسة وسبعين قرش - و فاتح الباب و نازل و هو بيسب مين مله و دين انه جه البيت دة و يحلف 30 يمين انه مش هيتجوووز و بيلعن اليوم الي اتولد فيه 

وغالبا مش بتكون دي النهاية ... النهاية بتكون انه بيرجع يتجوز واحد شبه ريري كدة بس بعد اما سنه يكون بقى 35 و هي سنها في اواخر العشرينات اوائل التلاينات برضو بعد ميكون سدد فلوس الجمعية الي جاب بيها الشقة و بيكون ابو البنت الي مكان ريري عايز يخلص منها لان مصاريفها تقلت عليه و هيقبل بالشقة ال 46 متر لان عقبال ميكون وصل سن المواطن المصري المطحون لسن ال 35 تكون الدولة - مشكورة - وفرت شقق للشباب مساحة 26 متر و حمام مشترك لكل 3 شقق و عملت الشقق في شرق العوينات ,, فهتبقى الشقة ال 46 متر دي رمز من رموووز الامبريالية و الرفاهية المطلقة 

تمت ...

فيلم الخروف و الفِل و الثوري

ياريت تركززز اوووي في الفيلم الي هتشوفه دلوقتى علشان تفهم الي حصل و الي هيحصل قبل ما الشاشة تسود :
Scene 1
الاخوان اه فيهم الي مسك السلاح و قتل العشرات من الداخلية بس الهدف الوضيع مكنش انه يموت الداخلية مثلااا عشان فاسدين ولا حاجة لا ! ابسولوووتلي : الهدف كان ان يموت من الاخوان الالاف اغلبهم من الابرياء او من الي كانو فعلا سلمين
scene 2
الاخوان عولو على عامل الوقت و ذاكرة الاسماك للشعب المصري بعد ما شال السلاح و بسببه ارتكبت مجزرة راح ضحيتها الاف رجعو تاني يهتفو سلمية !! و يعمل مسيرات سلمية ! و المسيرات تَتضرب !! و مع الوقت هيبتدي يتعاطف معاه الشعب في شهر في سنه في اكتر بس هو حرييييييييف اوي في لعب دور الضحية و المستضعف و مبيملش من لعب الدور دة و دي الحاجة الوحيدة الي هم فعلا شاطرين فيها
scene 3
حالة الاستقطاب الي فيها البلد يا مع النظام الحالي ( ان يطلق يده في البلاد ) او بمعنى اصح تمضيله علي بياض , يا مع النظام السابق و بتطالب بعودة المخلوع .. حالة الاستقطاب ظاهرة جداااااااا في الاعلام ,, اعلام بيعرص لقضية و اعلام بيعرص لقضية اخرى بلا اي حيادية او منطقة محايدة او حقايق ؛ الحالة دي هتثير جهاز انذار عند الثوار او الحقوقين او النشطاء او الثوار الغير منتمين حزبيا و من بعديهم هيبتدي الشعب المصري يكره الميديا بالظبط زي فترة انتخابات البرلمان في 2011 ( هو اه بيحب الي يعرصله ) بس مع مرور الوقت بيكرهه و بيحس ان التعريصة ريحتها فاحت و بالتالي بيلفظه
Scene 4
زي مكان مجلس طنطاوي هو حصان طروادة الي عن طريقة حكمنا مرسي , و زي مكان الثوار و تمرد و حزب الكنبة هو حصان طروادة الي ظهر الفلول على الساحة من تاني , هيكون برضو الثواار هم حصان طروادة الي هيظهر من خلاله الاخوان من تاني ( و دة هيحصل اذا استمر اطلاق النظام الحالي العنان للفلول في الشوارع و اطلاق يد الشؤون المعنوية و الامن الوطني لادارة ملفات الاعلام و المرحلة الانتقالية )
The end
ينتهي جيم لعبة الكراسي الموسيقية الي في آخر ادوارها و اللعب على كرسي واحد بين الفلول و الاخوان ,, بان الكرسي يرجع لحد فيهم , و نعمل ريسترت و نبدأ جيم جديد

ماذا لو لم ينحاز السيسي لمطالب الشعب في 30 يونيه ؟!

بداية لابد ان نبدأ بالحراك الشعبي فيما قبل يوم 30 و الدعوات للاحتشاد و انتشار استمارات تمرد التى لاقت نجاحا ملفت للنظر كان يبشر بحجم الجموع يوم 30 , لاحظ الجيش او بمعنى ادق المؤسسه العسكرية حجم الاحتقان في الشارع المصري بين الناقمين على الاوضاع الحالية و بين مؤيدي النظام الحاكم , و اعطى مهله اسبوع قبل يوم 30 للجميع و اطلق مبادرة تحمل تنازلات من جبهة الانقاذ و الرئيس المعزول محمد مرسي اشتملت على تغير الحكومة و تعديل الدستور و الدعوة لانتخابات مجلس شعب على ان تتخلى المعارضة عن الاحتشاد في الشوارع و الغريب ان الدعوة رُفضت من جانب الرئيس المعزول و تعامل معها بعجرفه - معهوده - , و حتى بعد فرصة ال 48 ساعة بعد احتشادنا يوم 30 خرج علينا مرسي بمقولته المشهوره " الشرعية تمنها رقبتي " رافضا تخليه عن منصبه بعد رؤية كم الجماهير الغاضبه

ماذا لو لم ينحاز السيسي لمطالب 30 يونيه ؟

• كانت ستتصاعد حدة الصراع و الاحتقان في الشارع بين الميدانين ؛ مما قد يؤدي الي حالة غضب عارمة بين جموع المتمردين قد تنذر بالعديد من الاضرار على مؤسسات الدولة
• كان الاتجاه العام واضح انه لا تنازل عن مطالب 30 يونيه و ان سقف المطالب سيرتفع 
• كانت الاجرائات التصعيديه قد تؤدي الي مالا يحمد عقباه خصيصا بهذا العدد المهول في الميادين 
• اهم نقطة الا وهي : كان لا مناص عن إعتراك اهلي دموي بين الميدانين خصيصاً مع تناقص شعبية الاخوان في الشارع المصري مما ينذر بمجازر حقيقيه و اهليه في شتى بقاع مصر و ازدياد الغضب الجماهيري تجاههم
  كانت سيتحول الميدان المتمرد الي قوة تدميريه هائله قد لا يمكن السيطرة عليها بسبب الاعتراك الاهلي , و يتحول الميدان الاخواني الي ميدان ارهابي 
• اذا لم تستجيب المؤسسة العسكرية لمطالب الشعب كان الشعب وضعها تلقائيا في صف مرسي فلا مجال وقت الثورات لمن يقفون على الحياد , خصيصا لمن يحمل السلاح دفاعا عن امن وطنه القومي و بسبب نظرة الشارع المصري للمؤسسة العسكرية دائما على انها الملاذ الاخير و المخلص من المستبدين و الظالمين و الحامي للوطن خارجيا و داخليا
• كانت ستدفع المؤسسه العسكرية الثمن غاليا من سمعتها - خصيصا بعد ان تناقصت سمعة المؤسسة جماهريا بعد الفترة الانتقالية في 2011 - و هو ما دائما تحرص عليه المؤسسه ان تقف هي و الشعب في صف واحد 
• مع زيادة الاحتقان و بمرور الايام و مع عدم تلبيه اي مطالب للمعتصمين سيتحول الشارع المصري الي شارع مضرب اضراب عام سواء تلقائيا او بطريقة مخططة نسبيا مما يهدد الامن القومي و ينذر بانهيار شتى مؤسسات الدولة

بإختصار شديد جدا : المؤسسة العسكرية انقذت مصر من بحر دماء و حرب اهلية بمعنى الكلمة بين معسكر الاخوان و معسكر المتمردين - خصوصا بعد إتضاح كم السلاح الذي يملئ البيوت المصرية - , و انقذت مؤسسات الدولة من الانهيار بسبب ما كانت ستؤل اليه الاوضاع في مصر من خراب و دمار و اضراب عام و دماء في كل الشوارع المصرية  , و اختصرت وقت الثورة الي 3 ايام فقط و حقنت دماء المصرين - حتى بعد دماء الاخوان في رابعة - كانت المصيبة ستكون بعشرات الالاف ما بين مؤيد و معارض و الاضعاف المضاعفة من الجرحي

و لكــــــــــــــــــــن كنا سننتصر , حتى و لو تخلى عنا السيسي و لم ينحاز الي مطالب الشعب و يلبي واجبه الوطني , كنا سننتصر ولكن بعد ان تغرق مصر بدمائنا و دماء الاخوان و بالاف المصابين و الجرحي , كنا سننتصر ولكن بعد انهيار الدولة بمؤسستها , كنا سننتصر و لكن بعد وصمه عار في شرف الجندية المصرية لانه ترك الشعب المصري للاقتتال الاهلي ولم يحول دون وقوع ذلك , كنا سننتصر بفضل الثواااار الثابتين على افكارهم منذ فجر 25 يناير , كنا سننتصر بفضل دماء جيكا الذكية و باقي شهداء الوطن , كنا سننتصــــــــــــــــــــر و هذا يقيناً لم اشك به مطلقاً
و مازالت معارك ثورة 25 يناير مستمرة و الانتصارات تأتي تِباعــــــــــاً بأمر الشعب و الثوار و بفضل الله عز وجل , و إنا على العهد لثابتـــــــــــون
*لم اكن يوما من مؤيدي عسكرة الدولة , ولا من مؤيدي تدخل المؤسسة العسكرية في الامور السياسية ولكن هذا رأي في موقف المؤسسة العسكرية فيما يخص ثورة 30 يونيو التي تعد استكمال لما بدئناه في 25 يناير  2011 بكل صدق و حيادية و دون الدخول في النوايا و التطرق للمصالح  , و يعلم الله انه ليس بمقال لتلميع المؤسسة العسكرية و لا لركوب موجة التأليه و التفخيم  و التطبيل لمجرد التطبيل و " تسلم الايادي " الدائرة في الاعلام المصري

الخروج من رابعة - عنق الزجاجة

كثرَ الحديث في الاونة الاخيرة عن إتجاه عام لدي السلطة الحاكمة و المحسوبه بشكل او بأخر على التيار الثوري لفض اعتصام رابعة العدوية المشارك فيه انصار الرئيس المعزول محمد مرسي ولذلك وجب التحذير من الاتي و اعادة طرح المشكلة و محاولة ايجاد حلول منطقية للأزمة 

1- هل سيكون فض الاعتصام بالقوة مفيد ل 30 يونيو ام لا ؟؟  في رأي الشخصي المتواضع اري ان فض الاعتصام بالقوه يتماشى مع ما ينشده الاخوان في استدراج السلطة لمجزرة جديدة يستطيعون المتاجرة بها محليا و دوليا لكسب تعاطف محلي و دولي بعد انهيار اسهمهم المحلية في الشارع المصري و تخلي العديد من الدول الكبري عنهم

2- ماذا بعد فض الاعتصام ؛ سؤال طرحته و بحثت استقصائيا لاجد اجابة مقنعه له !!! و وجدت ان الجميع متفق ان ما بعد فض الاعتصام بالقوه هو اسوء مما قبله و لا يوجد له تصور واضح لدى البعض وانه ربما اضر اكثر مما نفع 30 يونيو , و لكن مازال الكل يتمنى ان تحدث المعجزة الكونية بان يُفض الاعتصام من تلقاء نفسه او يتحلل ذاتياً دون وقوع اي ضحايا او سقوط الضحايا الغير مأسوف عليهم من البعض و المتعاطف معهم من البعض الاخر و ان يهرع الاخوان و من والاهم الي جحورهم و عدم الانجرار لاي تجمع في الشارع المصري و اعتزالهم الحياة السياسية ( و قطعا هذا درب من دروب المستحيل ) و تمنيه

3- ما هو السبب الحقيقي وراء الالحاح لفض الاعتصام ؟! انا لا اقتنع صراحتاً انه بسبب ان السكان متضايقون من اعتصام رابعة ! و لكن هذا الاعتصام يسبب صداع للنظام الحالي , ما هو ؟ و ما هي الضغوط الواقعة على هذا النظام ؟! 

4- ما هي ردة فعل الصعيد و سيناء ( اللذان يعانيان من عدم و جود حقيقي للدولة فيهما ) حجم الغضب ؟ نسبة الحروب الاهلية و الطائفية ؟ هل سيكون هناك تدخل عاجل لتأمين الاقليات في اقليم الصعيد و حماية المنشأت الهامة في سيناء ؟

الحلول 

و لم لا يعزل النظام اعتصام رابعه و يفرغه من محتواه عن طريق تجاهله تماماً مما سيضغط على المعتصمين لتصعيد من الممكن ان يجرهم الي اخطاء جسيمة ستفرغ الميدان من قوته و تماسكه و ربما سلميته المزعومة !

عامل الوقت في صالح النظام و ليس في صالح المعتمصين

فكرة فرض حصار على الاعتصام ليست بالسيئة و يجب دراستها لمنع خروج المسيرات من و الي الاعتصام , مع العلم ان المسيرات هي قبله الحياة بالنسبة لاي اعتصام و هي مصدر قوته الحقيقيه

العمل على انجاز خطوات و نجاحات حقيقية يستشعرها الشارع المصري مثل ( التعجيل بكتابة دستور يُرضي الجميع - الدعوة لانتخابات برلمانية مما سيشغل الشارع السياسي بالتجهيز للانتخابات - و الاهم هي قرارات يشعر بها المواطن المصري الغير معني بالسياسية مثل قانون للاجور , زيادة العلاوة , حل ازمة الكهرباء , الماء , البنزين , وجود امنى حقيقي و قوي يحمي الشارع المصري بما لايتعارض مع القانون و حقوق الانسان و حريته ) كل هذة انجازات ستغطي على الصخب الاعلامي حول الاخوان و اعتصامهم و ستضعف من قوتهم و ستثبت للشارع المصري انه قد اختار الاختيار الامثل و هو عزل الاخوان من الرئاسة و سيعزلهم بالتالي الشارع شعبيا و يلفظهم الي الابد و بلا رجعة

لابد من وجود ضغط دولي على الاخوان و اري انجازات و نجاحات من القائمين على السياسة الخارجية و في مقدمتهم د/البرادعي في هذا الشأن و لكن لابد من استخدام الغرب كاداة ضغط و ليست وسيط للتفاوض فالتفاوض لابد و ان يكون عن طريق وسيط مصري ؛ ارجح ان يكون شخصية من حزب النور او من التيار السلفي

انها الفوبيا هي من تَحكم يا صديقي

 

ما يسيطر على الحالة السياسية في مصر منذ 25 يناير و حتى الان هي الفوبيا فلكل فصيل سياسي فوبيته التى تحركه و تحرك اتجهاته و تصنع التحالفات التي تجدها في كثير من الاوقات غير منطقية ... و لنبدأ باليسار 

اليسارين : تنتابهم فوبيا تاريخية و اصوليه من العسكرو هاجس عسكرة الدولة و القمع الامني من الامن النظامي و ذلك ما يحرك هذا التيار الي تحالف مع تيارات يمينية و احيانا يمينية متطرفة كالاحزاب ذات المرجعية الدينية ؛ اي تحالفات مع النقيض تجدها في كثير من الاحيان غير منطقية و فريدة من نوعها لم و لن تحدث الا في مصر !

الليبرالين : تنتابهم فوبيا كل ما هو اسلامي او اصولي و فجأة يستحضرون في اذهانهم صور الفاشية الدينية و صكوك الغفران في القرون الوسطى و الارهاب في تسعينات القرن الماضي و هو احيانا ما يضطرهم الي تحالفات مع القوى النظامية في الدولة ( عسكر او داخلية ) او مع رجالات النظام القمعي السابق لانهم بكل بساطة لا يرون الا الحل الامني للتعامل مع كل ما هو اصولي لاحساسهم المرضي بالهلع منهم 

الاخوان و التيار الديني : هم يعانون من الزانوفوبيا و هي رهاب الاخر او الخوف المرضي من الاخر ؛ هم دائما ما يتبنون نظرية المؤامرة فانهم يشعرون ان كل اطراف اللعبة السياسية  - واحيانا الكونية - تتحالف ضدهم و ضد افكارهم , بل و يغارون منهم و انهم هم جند الله في الارض و من دونهم اما اعداء او مُضللون , علاوة على مشكلة تاريخية مع القوات النظامية للدولة ( سواء داخلية او جيش ) و هذا للتاريخ الدموي بين المعسكرين المعسكر الاسلامي و المعسكر النظامي

العسكر  : و هو من اهم عناصر المعادلة السياسية في مصر - للاسف - العسكر لا يوجد عنده رهاب او خوف مرضي مثل التيارات المدنية على اختلاف اتجهاتها و لكنه عنده حرص شديد و حذِر جداا على مصالحة الخاصة و مكانته المتميزة سياسيا و اقتصاديا و شعبيا و دوليا في مصر ؛ و بناء على هذا فهو ينتهج مسلك عدائي ضد كل من يحاول سلبه احدى هذة المميزات التى يراها حق تاريخي اصيل له , فتاره تجد تحالفات يمينة اسلامية عسكرية ضد التيارات الثورية , تارة تجد تحالفات مدنية عسكرية ضد التيارات الدينية , و لكن دائما ما تجد تحالفات ليبرالية عسكرية خاصتا في اوقات رواج التيار الديني شعبيا 

ارجو ان تنكسر كل الفزاعات و ان يتحرر العقل المصري و الساسه المصريون من كل الهواجس المسيطرة علىهم - حتى و ان صح بعضها - و لكن علينا ان نتعامل مع الواقع بناء على التحاليل المنطقية و المقدمات و النتائج و ليس بناء على مخاوف سابقة و مرضية عن بعض التيارات و المعسكرات الاخرى فلا يوجد ثوابت في السياسة و فزاعة الامس من الممكن ان يكون مُخلص اليوم و من الممكن ان تصح النيات او تطرء التغيرات على بعض الاتجاهات

  

الردود العطرة على اسئلة الجفري العشرة

طرح الحبيب على الجفري 10 اسئلة للمثقفين العرب الذين يتناحرون بين ثنائيات الايدلوجيات و الافكار و المعتقدات و سأحاول ان اعرض وجهة نظري عن كل سؤال

١- الاشتراكية الشيوعية تضاد الفطرة، والرأسمالية الإمبريالية تُفسدها.

أما آن الأوان لصياغة مفهوم جديد للعدالة الاجتماعية ؟

الرد : يندرج تحت كلمة الشيوعية العديد من المناهج و الايدلوجيات و الافكار المتفرعة التى احيانا ما تجد انها لاتمت للشيوعية في راديكليتها و اصوليتها بصلة و ينطبق نفس الحكم على الرأسمالية , و مع تطور الزمان طرئ العديد من التغيرات على منهج الشيوعية والرأسمالية و زادت تفرعات اليسار و اليمين فهل اليسار السوفيتي لينيني كان ام تروتسكي ام ستالني يستطيع ان  يتصور ان دولة الصين رمز الشيوعية الان في العالم لديها هذا الكم الهائل من الانفتاح الاقتصادي و الثقافي ؟!! هل الولايات المتحدة الامريكية رمز اليمينية و الامبريالة في العالم استطاعت ان تتجاوز الانهيار الاقتصادي دون تدخل الدولة في رأوس الاموال الخاصة ؟ هل تنفي امريكا تجسسها على النشطاء السياسين و ممارسة القمع الامنى للمتظاهرين في وال ستريت ؟؟

في رأي المتواضع انه لا يوجد ما يسمى بشيوعية خالصة ولا أمبريالية خالصة في هذا الزمان - الا لاصحاب العقول المتحجرة و الافكار الرجعية - و لكن يوجد ما يسمى اصولية الفكر او الاتجاه العام او الهوى السياسي؛ فهناك على سبيل المثال - مع الاعتذار لضعف المثال - من تتمحور اتجهاته السياسية حول العدالة الاجتماعية و المساوة و حرية الرأي - مع تفاوت النسب - تستطيع ان ترجع انه يساري الهوى سواء عن قصد او بدون قصد و بناء على تأصل هذة الافكار و اليات تنفيذها هي و اذا ما صاحبتها افكار يسارية اخرى على  انتمائة لاي فرع يساري داخل الهرم الشيوعي
و هناك من تجد انه اكثر ما يشغل اهتمامه سياسيا الحرية الاقتصادية و رؤس الاموال و الحرية بشكل عام و مجمل فتستطيع ان تقول انه يميني الهوى سواء بقصد او بدون قصد و ينطبق علية نفس المثال السابق

س2

٢- الديكتاتورية ظُلم مُعلَن، والديمقراطية تُعطيه غطاء المشروعية.

أما آن الأوان لصياغة مفهوم جديد لإدارة الحُكم؟

الديموقراطية لم تثبت فشلها حتى الان حتى و ان اتت بتجارب فاشلة  فهذا لايعني بالضرورة فشل الفكرة و المقارنه هنا كالمقارنة بين الخير و الشر !! و لكن للديموقراطية ضوابط و مراحل و دعامات كثيرة تُرسي قواعدها و انياب تحمي اصولها و قواعدها ؛ - فالديموقراطية ليست مجرد صندوق يتناحر فية المتناحرون بدون ضوابط و حماية لكل المشاركين في العملية الديموقراطية  - لا نستطيع ان نطبق منها ما يحلو لنا و نتنزل عن ما يتعارض مع اطماعنا ! دائما تكون المشكلة فيمن يستغلون الديموقراطية لفرض وجهات نظرهم المغلوطة عنها و تشويها بطريقة ديماجوجيوة مطلقة و فجة

س3

٣- التسلّط الدينى يجعل الإنسان عبداً لإنسان آخر، والليبرالية المُطلقة تجعله عبداً لرغباته.

أما آن الأوان لصياغة مفهوم أعمق للحرية؟

الحل هو التعليم الديني و الاجتماعي الصحيح و بذل كل جهد مستطاع في تعليم الناس الدين الصحيح الحنيف الذي يحض على السلام و المساواه و مكارم الخلق و البعد عن اي افكار متشدّة او تحض على الكراهية و البغضاء فيما بين الناس , مع الاخذ في الاعتبار عدم اجبار الفرد على اعتناق افكار او معتقدات معينه ؛ اعتقد ان هذا سيكون اول خطوة لان يستطيع الانسان ان يميز بين الحرية و الفوضى و يميز بين عالم الدين و تاجر الدين ؛ و يستطيع ان يأخد قرارات صائبة الي درجة كبيرة بناء على ما سبق ان تعلمه و تلاقاه في نشأته و سيحترم الحرية التى بين يديه مع عدم المساس بحرية الاخر ؛ و لابد ان يكون هناك جهاز نظامي ينظم الحريات بين الافراد و يحميها و يحمي المتعدين عليها ؛ في شكل مجمل ارى ان نعطي الفرد حريته بناء مع عدم المساس بحرية الاخر و يكون هناك قانون ينظم هذة الحريات و يحميها و جهاز امنى ينفذ هذا القانون ؛ و دور الدين و دعاته في الدولة هو ان يؤثر على الاشخااص لان يحسنو استغلال هذة الحرية بالدعوة و الحكمة و الموعظة الحسنة

س4

٤- الإباحية الجنسية تُطلق العِنان لحيوانية الإنسان، والكبت الجنسى يعمّقها فى داخله.

أما آن الأوان لصياغة مفهوم أوفق للرغبة والعفّة؟

الجواب اصعب من السؤال , الفقر و الجهل هو السبب الرئيسي في الكبت الجنسي و الاباحية معا ؛ فاذا ما قضيت عليهم قضيت على تبعاتهم , المجتمع الذي يتاجر في اجساد المرأة هو مجتمع فقير ماديا و فكريا حتى و ان ظهر بعكس ذلك ؛ الرغبة شعور فطري لا نستطيع اغفاله و الا نزلنا الي مرتبة اقل من مرتبات الحيوان و لكن العفة هي صفة انسانية بحتة و هي ما تميزنا عن الحيوانات الضالة التى تملئ جنبات الحارات و الازقة ؛ المعادلة بينهم مطلوبة و ضرورية كي يتوازن المجتمع بشكل عام و كي تستوي النفس البشرية بشكل خاص و هذة ليست مهمة الدولة على قدر انها مهمة الاسرة او المسؤلين عن تربية النشأ الصغير و العوامل المؤثرة عليه من تعليم الى بيئة الى اعلام ؛ دور الدولة في هذة القضية الصعبة يتلخص في : 1- القضاء على الاسباب التى تنمي هذا الكبت او الاباحية من فقر و جهل .. 2- سن القوانين التى تحمي الحرية الجنسية مع عدم المساس بمكارم الاخلاق و عدم تقنين الدعارة
علي سبيل المثال الهزلي ؛ اذا ارتضى الطرفان فعل( ال ... ) هااا ؛ مع عدم المجاهرة بال هاااا او بمعنى اصح مع عدم المساس بحرية الاخرين او حقوقهم  - يعني ما يعملوش كدة في الازهر بارك مثلا او في حديقة الحيوانات و يخدشو حياء الحيوانات - او بمعني شمال شوية ( في الدرااا و بالتراضي ) فمحدش له عندهم حاجة - فيما عدا حالات الدعارة او الخيانة الزوجية  - و اعتقد ان القانون المصري بيقول كدة برضو

س5

٥- التركيز على واجبات الإنسان يغتال فيه قابلية العطاء، والتركيز على حقوق الإنسان يُنمّى لديه أنانية الأخذ.

أما آن الأوان لصياغة مفهوم أدقّ لاحتياجات النفس ومتطلباتها؟

المعيار نسبي بين الاحتياجات و تلبيتها فليس كل انسان مثل الاخر و لكن هناك الحد الادني من الحقوق الذي تتفق فيه كل الجنسيات البشرية مثل حرية الاعتقاد حرية ابداء الرأي حرية التنقل الخ الخ . اما الواجبات فهناك ايضا مجموعة من الواجبات التى تتشارك فيها كل الجنسيات مثل واجب الدفاع عن تراب الوطن و تنميته و احترام القانون و عدم الاخلال به  .. المقصد هو ان المعيار بين الحاجة و الطلب عليها هو معيار نسبي ولكن هناك ثوابت به هي التى ترسم الوجه العام لهذة العلاقة واما الزيادة فيه فهو شئن داخلي لكل مجتمع بشري و لكن لايقبل اي مجتمع بشري سويّ في الانتقاص اي منها

اراء مجمعة لما بعد 30 يونيه و حتى الان - محدث باستمرار

احداث الحرس الجمهوري

عارف انت ربنا وقعنا في اتنين ( مجلس عسكر قعد يقتل فينا سنة و نص و يبرر قتله ) و اخوان ( قدعو يكذبو و يبررو قتل العسكر لينا و لما هم وصلو الحكم قتلونا باديهم ) .. فلما تيجي بعد كل دة تلاقي الاتين بيتخانقو مع بعض - حتى و لو اختلفت الوشوش - متعرفش مين فيهم الي بيكدب و مين بيقول الحق علشان الاتنين عهدانهم كذاااابين !!!

_______________________

معركة رمسيس

يا حبيبي صدقني دول مش اذناب النظام و بلطجيته ؛ دول اهالي المنطقة ؛ يا متخلفين يا اغبيا يا ولاد الكلب انتو بقو ليكو دم مع كل منطقة في مصر !!! دول مش بلطجية النظام ولا دول من المعارضين !! كنا ياماااا بنقول ايام العسكر ان اهالي بولاق ضربونا عند ماسبيرو ؛ اهالي العباسية ضربونا عند مسجد النور ؛ كنتو بتضحكو علينا .. يا اغبياااااا الي بيجي على اكل عيش الناس الغلابة بياكلوه بسنانهم ؛ و انتو الشعب لفظكو علاوة على ان الشعب بيعشق الجيش اصلاااااااااا ... فمتشتغلوش نفسكو و تعدو ترردو كلام البغبغنات و تقولو الي بيقتل الاخوان اذناب النظام و بلطجيته انت عملت تار ليك في ( بين السريات - المنيل - سيدي جابر - المنصورة - الشرقية - دسوق - الفيوم - اسيوط - ماسبيرو وبولاق - العباسية ) عايزين تعملو دم مع انهي منطقة تاني !!!

*احنا قطعاااا مش مختلفين على حرمانية الدم و ان الي بيحصل دة كل حرام و غلط في غلط

2

الصراحة ( النشتااااء ) كل يوم بيثبتولي انهم اوسخ من اوسخ وسط ممكن تحتك بيه ؛ في ناس حاجزة مكانها في المعارضة حتى لو ابوها الي بيحكم لا ومش اي معارضة المعارضة بتاعت اسقاط النظام ؛ نقلهم يمين يقولو شمال نقول شمااااال يقولو يمين ,, و دين امي الورقة بتاعت تمرد الي انت ماضيت عليها و كنت بتوزعها مكتوب فيها كل الي حصل , رئيس المحكمة الدستورية و لجنة لتعديل الدستور و حكومة انقاذ وطني !!! طب انت عايز ايةةةةةة تااني !!!! مش فاهم و الله الناس المعترضة من اجل الاعتراض دي اية الصراحة حالكو يقرف و كل واحد يقلك مبادئ و تاريخي ؛ كلها بقت سعد زغلول

_____________________

دعوة السيسي للاحتشاد في الميادين 

في كذا سبب يخليني مش مطمئن للدعوة بتاعتت بكرة :

1-الاعلام و تحفيزة للناس و دعوته للنزول و الاغاني الوطنية و الهري الاعلامي بصراحة شكله مستفز اووووي و بيدل اننا ماشين غلط

2-مفيش وزير دفااااع بيطلب تفويض للمباشرة مهامه الي بينص عليها الدستور !! و لو انت جاي بتطلب تفويض بحاجة ضد القانون فاكيد مش هديهالك و اه السيسي بالنسبالي مش اكتر من وزير دفاع !! لا هو الاب الروحي للثورة ولا عبد الناصر الجديد ولا اي حاجة من دول , ما هو الا وزير دفاع ادي دوره ولبى نداء شعبه !

3-انا مبنزلش ارفع صور حد ! ولا بنزل بناء على دعوة شخص !

4- انتو اصلاااا مش محتاجني انزل و مش هتفرق معاكو اوووي معارضتي للنزول ؛ الكنبة هتنزل و هتملى الميادين متقلقوش عالحشد ؛ بس بعد كدة محدش يعيط لو الدم غرق الشوارع ولا لو قمع الدولة للحريات رجع من جديد و ينادي بالثوار

5-انا مبمضيش لحد على بياض " تطلع توصفلي كلمة مكافحة الارهاب بدل مهي كلمة مطاطية كدة ياماااااا اُستخدمت لحبس اصوات و قمع حريات و تقولي انت هتطبقها على مين و فين و امتى و مدتها اية " و ساعتها ممكن امشي معاك

6-نقول تااااانيي " انا ضد استخدام الحل الامنى لفض اعتصام رابعة - و محدش يقولي اعتصام مسلح و النبي - لسببين 1- ان فض الاعتصام بالقوة بيضعف موقفنا و بيقوى موقفهم و دي النقطة الي لسة مش واصلة للعسكر ان القوة عمرها ماكانت حل , 2- استخدام الحل الامنى بيبقى اخر الحلول بعد فشل كل المحاولات السياسية و للاسف محدش فكر في مرحلة ما بعد فض الاعتصام !! ردة الفعل العالمية و المحلية و ردة فعل التيار الاسلامي نفسه و نسبة التعاطف معاه الي هتزيد عالميا و محليا

انا مبختارش بين اخوان و عسكر ! انا رفضت الاتنين من زمان وخلصنا ,, السيسي وزير دفاع مال الي الثورة و مطالبها - رغم عدم اقتناعي بالبوء دة بس هو مش اكتر من كدة لو بنتكلم بالواقع بعيد عن الاراء الشخصية - ؛ الاخوان و انتهو خلاص .. و المدنية - الحرية - العدالة الاجتماعية .. مطالب رفعناها من قبل 25 و لحد دلوقتى و مش هنتنازل عنهااا .. مدنية لا دينية ولا عسكرية !!

2

يا جدعان و الله العظيم مش معنى اني مش نازل انا او غيري يبقى ضد الي هينزل او بنخونه او بنسفهه زي مبتعملو !!! يااااعم انزل انت شايف انك ماشي صح و انا و الله مش ضدك لان هدفنا واحد و احنا الي شلنا الاخوان سوا فبلاش بقى جو المزايدات دة ؛ الي يعرفنا يعرف احنا مين و سورري بقى هقول كلمتين مبحبش اقلهم مش الكنبة الي نزلو الميدان اول امبارح هيقولو عليا خاين !!! دي تبقى شخت اوووي ولمؤخذه

انزل ياعم و فوض و اعمل الي انت عايزة و انا مع حكومة الثورة الموجودة و مع جيش بلدي ضد الارهاب بس مش على كيفي الدعوة دي لاعتبارات شخصية و مبادئ كدة قديمة مش هتفهمها انت .. فكك مني منا كدة كدة مليش ثقل ياعم في الشارع و كمان انا مش ضدك بالعكس انا معاك .. # فكك_مننا

3

لا يوجد بطل في مصر الا شعبها و في مقدمتهم الثوار و لا يوجد من نمجد اسمه الا الشهداء فقط !!

4

نحن لا نحمل الا علم مصرر و صور الشهداء , لا نحمل صور معارضين ولا مؤيدين ! اهدافنا معلنة منذ فجر الحضارة عدالة اجتماعية - حرية - عدل - مساواة

5

عد الجمايل يا سيسي ؛

لما احتاجت الشعب لقيته في الشارع و بيض و شك اهو !! سليييم .. زي محنا احتجناك نزلت و لبيت ندائك الوطني ؛ نبقى خالصين

خلي بالك بقى ؛ في النهاردة مات لحد الوقتى 10 مابين مؤيد و معارض ولازالت الضحايا تتساقط .. لازم تخلصنا بقى من العنف دة زي موعدت ! و الشعب فوضك و قالك " قد فوضُتك نفسي  "

مع العلم ان زي محضرتك قلت مفيش في نيتك فض الاعتصام باستخدام الحل الامنى

6

و الله ما تنظّير بس هو عشان نلخص و نقفل بقى حنفية الدم دي :

الاخوان : عايزين خروج امن او بمعنى اصح عايزين عدم الملاحقة و عايزين فلوسهم و كوادرهم الي في السجون و على رأسهم مرسي و وعد انهم هيمارسو الحياة السياسية عادي و ضمنات بكدة

السيسي : عايز فض الميادين المؤيدة من جانب الاخوان ؛ وقف المسيرات ، الرضا بالامر الواقع , وقف نغمت بقى الشرعية و الرئيس الشرعي و لهجة الحض على العنف , وقف العنف في سينا و في كل حتة

احنا ( الثوار بتوع زمان ) : عايزين القانون ياخد مجراه لاننا للاسف رضينا بيه من زمان و الي علية حاجة يتحاسب عليها و مش عايزين اجرائات استثنائية ز

بس في نفس الوقت عايزين الاخوان تخلي الشارع و ترضي بالامر الواقع علشان نقدر نشوف احنا بقى شغلنا و نراقب السلطة الحالية و نحضر لانتخابات و معركة الدستور و الدولة الي بنحلم بيها ,

مش عايزين دم لا من هنا ولا من هنا و نوقف بركة الدم دي خاااالص ,

مش عايزين ارهاب و عايزين الدولة تشوف شغلها و الاجهزة المنوطة بمقاومة الارهاب تشوف شغلها

اعملوووو بقى ديك ام الصفقة مع بعض و خلصونا خلونا نشوف حلمنااااا - عن الاخوان و السيسي اتحدث -

7

مهو الحل الامنى و الدم لو كان بيجيب نتيجة كانت العلقة نفعت نفسها عن مبارك و مجلس طنطاوي اتحدث

يا جدعان بلاش غبااااااااااااوة الحل الامنى بيزود المشكلة و بيدي تعاطف للطرف الاخر دول و محلي و مبيحلش حاااااااااااااااجة بالعكس دة بيزود المشكلة و بيكبرها و بيزود حدة الاستقطاب و بيخلق سلسلة من نخااااااسي الدم

يا خرفااااااااان : العنف مبيحلش حااااااااااجة و مش هتستفيديو منه حاااااااجة ؛ محنا بقالنا سنيتن و نص في الشارع لو شايفين الارهاب كان هيوصلنا حاجة ما كنا عملناااااااه

يارب نخلص بقى عشان نعرف نشوف بقى شغلنااااا بقى و نعمل ديك ام البلد الي بقالنا سنيتن و نص بنحلم بيها

8

في حديث مع صديق اخواني

بعد اقراااار ان النظام السابق سقط بكل تبعاته  ؛ دستور هيرضى الجميع و انتخابات برلمانية يشارك فيها الجميع و اكيد هينتج عنها توازن حقيقي و بجد ؛ انت عايزني انزل اطالب بالثورة ! انهي ثورة !! الي اول ناس خانوها الاخوان !! افتكروها دلوقتى ؟! ؛ ارحمو نفسكو و صونو دمكووو و خلونا نشوف الي جاي ؛ استمرار العنف هيخسركو مش هيكسبكو ؛ مفيش اي تعااااااااااااطف شعبي معاكو ؛ لك ان تتخيل ان الي زي الي كان ضدكو على طول الخط هو دلوقتى الي بيتهاجم من الشعب المصري عشان بيقول انه ضد اراقه دمك 

خلاص الشعب ركبنا احنا الاتنين  يبقى مش من مصلحة حد يقف قدامه .. و اكيد انت من جواك متأكد قد اية الشعب خلاص لفظكو لدرجة انه بيتمنالكو الموت الجهري .. لا انتو هتقدرو علية ولا حتى لو كل ثوااااااار مصر انضمو لكو ؛ خلاص الكنبة قالت رأيها ؛ زي ما قالته قبل كدة لما اختارتكو في البرلمان و زي مختارناكو في الرياسة و هم قررو يسقطو نظام الاخوان ؛ يبقى صدقني مش هتقدر تقف قدامهم حتى لو انا معا