هكتب . عنك هبدأ .. امن الدولة في خدمة الدولة

اما عن امن الدولة !؟

فين الامن و فين الدولة ؟ ببساطة احنا الامن و احنا الدولة ! طب يسقط يسقط امن الدولة ؟؟ طول العمر كان قمع الدولة ؟ كان قمل الدولة !! كان ارهاب و افساد وتضليل الدولة !! طب يسقـــــــــــط يسقــــــــــــــط امن الدولة

الدولة في تعريفها = انا و انت وهو وهي , جيش و شعب , ابيض و احمر , طب انت يا ظابط امن الدولة ؟ انت منيـــــــن ؟ مننا ؟ من الدولة .؟ مش ممكن !! طب محترف ؟ جيبينو من برة زي لعيبة الكورة كدة ؟ اصلك مش ممكن تكون مصري لالالالالا مش عربي لا بردو . مش بنى آدم حتى والله محصلتش - استسني من كلامي كل ظابط شريف لم يشارك في فساد هذا الجهاز النازي -

طب يا امن الدولة يلي مهم اوي للدولة !! قلي عملت اية في الدولة !!!!!

1 - افساد الحياة السياسية بشكل كامل و اضعاف الاحزاب و اجهاض اي حركة سياسية من مهدها

2 - القضاء على آدمية الشعب المصري اما بالارهاب المعنوي و دة لما كان بس بيداعب الشعب المصري .. او الفعلي و استخدام ابشع صور التعذيب الي والله مهما وصفناها مش هتعبر عن حقيقتها

3 - التحكم في الاقتصاد و ما صاحبة من فساد و سرقة و نهب لمال و ثروات الشعب لصالح جهات و مؤسسات و افراد بعينها

4 - مازال حتى امس يتبع سياسة القمع و التعذيب و الضرب بكل ما اوتي من قوة من رصاص مطاطي و غاز مسيل للدموع الي الرصاص الحي الي كرات اللهب و الملوتوف !

5 - فرم و حرق اطنان من الاوراق و الملفات ؟؟؟؟؟؟؟ طب لية !! سؤال وجية ملوش الا اجابة واحدة !! انا مش هقلها علشان اعمل شوية تشويق في مقالي الي انا شخصيا بدأت امل منو لأني حسيت اني بقول كلام الناس كلها عارفاة والي مش عارفة جاهل او منافق بصراحة

6 - سجون تحت الارض اشبه بمعتقل جوانتنمو و الله اقبح و اكثر نازية من كمبات الهلوكست في عهد هتلر

7 - امن الدولة بقول لمين يتجوز مين - خطبة - يقول ان الدكتور يشتغل ترزي احيانا - سمسار شغل - يقول ان س احسن من ص علشان س دة الراجل بتاعنا حتى لو هيخربها - زو وجهة نظر مبعدية و قوية و اوية - !! طيب يا امن الدولة يا امن الدولة يا امن ! انت نسيت حاجة مهمة ! نسيت تقولي انا بنى آدم و لا قررت اني خلاص بقيت ... مسخ !!

لا

لا ! انا بنى آدم انا مصري انا فرعوني انا عربي انا بناني من بنى ! هرم الدهر الذي افني الفنـــى .. و علشان انا مصري عربي ! يعني انســــــــــان بقلك خلاص بعد ازنك يلي قتلتني .. يلي عذبتني و موت ابويا بحصرتة عليا ! و يتمت عيالي لما خطفتني . و بعدتني .. عنهم سنيـــن حرمتني ! من حتى نسمة حرية ! و لا شعاع نور تشوفة عنيا .. انا مش هقلك اقتلك ولا اقتص منك .. حسابك عند ربــــــي .. وان كان عليا انا سمحتك علشان بس مصري . علشان بس عربي .. كرامتي و شهمتي حاجة كدة من اصلي .. قلولي زمان العفو عند المقدرة ! ومفيش اقوي من ارادة شعــــــــــب .. يا امن الدولة ! انا مش عبـــــــــد

دة مختصر قصيــــــــــــــــر جدا عن فساد امن الدولة و انا لو قعدت اتكلم في فساد و ما افسدة امن الدولة مش هخلص لبكرة و لا يكفيني فية شهور .. امن الدولة مكنش فاسد يا جماعة ارجوكـــــــــو متظلمهوش وتزعلوني و تقطعوني .. امن الدولة كان المفسد الفاسد !

الحل ؟؟؟؟ ان ان ان ااااان - موسيقي تصويرية في فلم اكشن ابيض و اسود -

ناس بتقول اعادة الهيكلة .. ماشي دة اكيد بس مش دلوقتي دلوقتي لازم تجميد نشاطة دلوقتي هوا سلطة غير سلطة الشعب و الجيش في الشارع . هوا جهاز بيديرة ناس لمصلحة ناس كانت و مازالت بتفسد في مصر

يا سيدي نجمدة بس لحد الانتخبات التشريعية و الرئاسية و تعديل الدستور و بعد كدة نرجعة تحت اي مسمة تاني الامن العام و لا حتى نسمية عصام على اسم واحد صاحبي كان نفسة يطلع ظابط بس الكوسة مخدمتوش مهو اصل دة الوضع في بلدنا قبل 25 يناير ! اية دة انا بتكلم في موضع غير الي انا قصدة !؟؟ معلش انا اسف اصل الكلام خدني وسرحت في الي فات و الي كان و حلفت !! ان عمري مهشوف الي كان في مصر زمان تاني من فساد ولا كوسة و لا خوف ولا قمع و قهر و ظلم

قلنا اية !! ااااة افتكرت ! قلنا هنجمدة ولما نرجعة ! نرجعة بس بشروط

توصيـــــــــــــف دورة بشكل محدد و الرقابة المتعددة علية و خضعوة الكامل للقضاء و احكامة وعدم التلاعب في الدستور او القانون لمصلحة !! مع الغاء قانون الطوارئ او الارهاب

كلمتين كبار شوية ! معلش بس ضرورين اوي

M.Hokshaz بقلمي الشخصي و اول تدويناتي