لماذا لا يموت ولاد الوسخة !؟؟
الصراحة يسلم فم الي سأل السؤال دة ,,, لماذا هما فاشخنااا و مطلعين ميتينا .. في الميدان بيموتونا و في الشوارع بيخطفونا ,, خرطوش و خرطشونا في عنينا ضربونا وعمونا , غاز و خنقونااا .. قناصة و قتلونا .. مدرعاااات و دهسونااا .. حتى الحلم منه صحونا .. على كابوس اسمه عسكري ببيادة , بيتحكم في احلام الغلابة
و لسة سلمية بنقول .. عمرنا ما هنتخلى عن سلمية مظاهرتنا - و هنا يرد عليا واحد كنباوي يقلي الملتوف الي احنا بنشوفه في التحرير دة اية يااااا بتوع الميدان ؟؟ - ارد علية انا و اديله على بق الي خلفوه و اقله لما تكون بتضرب بخرطوش بيعميك و قناصة من فوقك بتاخد روحك و مدرعات بتيجي تدهسلها بالعشرة و العشرين و ا نت ترد بطوبة و ملتوف لما بيجي في العسكري بيروح مسحة كدة بدرعه و مكمل ضرب فينا ... تبقى دي قمة السلمية
مجلس عسكر - نظام سابق - لحاسين البيادة - و الفلول - الكنابويه - كهنوت السلطان
دول بقى ياخونا كوكتيل كدة من الي قتلنا :
بأيدة ( مجلس عسكر و نظام سابق ) ...... و الي حرض على قتلنا ( نظام سابق ) ....... والي شافنا مقتلوين و غرقانين في دمنا وشاف بعينه الي قتلنا و قال علينا بلطجية و مخربين و بيب بيب عسكر ( لحّاسين البيادة ) ........ و فية منهم برضو الي يوز عليك بلطجي يروقك و انت ماشي او يدس في وسطينا عصفورة تنقل اخبارنا او يطلع يشوه صورة الثوار في كل حتة و كل قناة و يفترى عليهم ( الفلول ) ........ و أخر نوع بقى و دة اجمل نوع في الفخفينا دي الناس الي بتعد تتفرج على التلفزيون و تسمع كذبه و تصدقة و يضحك عليها بوهم الاستقرار و تسب فينا او منهم يبقى متعاطف شوية معانا و يقلك ما العسكر دول زي الي قبليهم بس معلش كلها كام شهر نصبرهم و دول كنا بنقلهم زمان - سكوتك يقتلونا - لكن دلوقتى احب اقلهم -سكوتك خيانه لبلدك ولشهدائها - و دول الي هما ( حزب الكنبة ) ........... و طبعا متنسوش ( كهنوت السلطان ) الي حلل دم الناس عن حرق كتاب وصف مصر الي بيوصف الحضارة العفنة على حد قولهم فالمجمع العلمي اهم من الدم و اهم من اي حاجة و معظم المظاهرات و الاعتصامات من جماعات مشبوهه عايزة خراب البلد و بتشتغل على الموضوع دة زي ماكانو بيشتغلو ايام زمان بردو ان المظاهرات مفسدة و هتجلب الخراب علشان يدعمو النظام الي عملهم
لماذا دول سايبنهم يعيشو و بيموت فيكم اطهر و انقى شباب ؟ لماذا دول سايبنهم يقتلو مستقبلكو ؟ دول الي ودوكو في داهية 30 سنه و لسة عايزين يودوكو في 60 داهية كمان 30 سنة , سايبنهم لية ؟ لو مش عارفينهم تبقو بتكذبو على روحكو و لو عارفينهم وساكتين تبقى كنابوية و أديكو متلطخة بدمنا بسكتكو دة ,,,, اطهر شباب مات علشان ولاد الوسخة دول عايشين و لسة عايشين دول مش بس قتلو اطهر شباب ,, لا دول قتلو الحلم الي بنحلمه ... اجمل و انبل من فينا مات و اندفن في بطن الارض و اوسخ و احقر من فينا عايش في قصر فوق الارض بيشتري و يبيع في الغلابة .. بجرة قلم بيقرر يقتل مين النهاردة و يحبس مين بكرة ...و احنا كثوار قاعدين اهو مستنين دورنا في اللستة مين هيتصفى و مين هيتحبس ,, اتمنى تكون مستمتعين يا كنابوية بالمسرحية الي بتشوفوها بين عسكر و ثوار و اتمنى انكو تدورو من دلوقتى على اجابة تجوبها لما ربنا يسألكو عن دم الناس دي الي في رقبتنا كلنا
No comments:
Post a Comment