هذة شهادتي امام الله على ما حدث اليوم 9-9 في ميدان التحرير - وزارة الداخلية - السفارة الاسرائلية - مديرية امن الجيزة - كبر الجامعة
الرواية :
اولا .. ميدان التحرير و وزارة الداخلية
كان يوم بديع و جميل و رائع كرنفال في ميدان التحرير الناس بتطالب بتصحيح مسار الثورة الي كله شايف انها مش ماشية في المسار الي احنا كنا بنحلم بية .. قعدين سمعنا ان الداخلية بتولع !!! طب اية يا جدعان يلا بينا ؟؟ يلا
نروح ياعم على قلعة الداخلية الحصينة .. ابص الاقي القلعة بخير و في ازهى حال مفيش غير شويت روسومات و جرافيتيس على الحيطان مناهضة للقمع الامنى و استخدام القوة المفروط!! ابص و انا معدي انا و الراجلة جنب الوزارة واحد واقف جوة و طالع من شباك مكتبة الجميل و بيصبعلـــــنااااا !!!! طب اية يا عم ؟؟ لية يعني هو الناس نقصة شحن ؟؟ ما كان من الناس غير انها هتفت ضد الداخلية كالعادة و الله العظيم يمين اتحاسب علية يوم القيامة الي كان بيحدف طوبة كنا بنمنعة و المبنى متلنسش .. و الحريق كان في ملحق بالوزارة و هو ملحق الادلة الجنائية !!! نعم ؟؟؟ و مولع من جوة كمان و فين في البدروم بتاعة الارشيف ؟؟؟ طب الثوار هيوصلولو ازاي ؟؟ المشهد واضح و واضح مين عمل كدة و مين الي مستفيد من حرق الادلة الجنائية ..... ثم عدنا الي الميدان و جبنا كوتشينة و قلنا نلعب بولة ستميشن !! فية سلمية احسن من كدة ؟؟ و بعد كدة سمعنا عن احداث السفارة
ثانيا .. السفارة الاسرائلية و ما يتبعها
وحنا قاعدين بنلعب ستميتشن ببوص على التويتر من موبيلي سمعت عن عربيات امن مركزي بتولع و عن ناس اقتحمت السفارة و حدفت الورق من الشباك و حاجات كدة !!! كلنا في نفس واحد قلنا ايـــــــــة الهبل دة !! مين الغبي الي عمل كدة ؟؟ تطلع السفارة و ترمي الاوراق لية !!
شوية و سمعنا ان الامن المركزي بيتعامل بقوة مفرطة مع الناس !! طب اية يخونا ! يلا على السفارة .. وقفنا تاكسي السفارة ياسطة ! قالك اركب .. ركبنا و حنا ماشين لاقينا زغابة مدرعات جيش ماشية ورانا .. و التاكسي نزلنا على اول الكوبري و قلنا مش هينفع اوصلكو اكتر من كدة كملو انتو لأخر الكبري .. اوك .. نزلنا و اتمشينا
في كوبر الجامعة الي مفهوش و لا لمبة مولعة عبارة عن مدينة اشباح .. و ركزو في الجملة دي كويس - الشباب الي كانت بتفتح الطريق لمدرعات الجيش علشان تخش تحميها من بلطجة الداخلية - و المدرعات دخلت و فية كوتشات متولع فيها في اخر الكوبري قدام السفارة و الجيش بيعدي و زي الفل كلنا قلنا خلاص هتتفض و الامن المركزي هيمشي و الجيش هيأمن الوضع و خلاص .. الكارثة
الجيش امن السفارة و المنشأت و الامن المركزي ازداد بطش و قوة بدل ما كان بحدف قنبلة بقبى بيحدف 20 و بدئت عمليات الكر و الفر بالطوب و الملتوف من نحيتنا و الغاز و الطوب من نحية الامن - وكاننا لم نقم بثورة - .. لحد ما الامن المركزي قدر يطلعنا من ادام السفارة و كوبري الجامعة و كردنا في شارع مراد و كان المهرب الوحيد شارع جانبي فية اكتر من 20 عربية ناقلة جنود جيش على كل عربية جندي واحد .. و بالفع بعد متحصرنا مشيت انا و الي معايا و ربنا سبحانه رزقنا بشب منعرفهوش قعدنا نتكلم شوية و كان معاة عربية وصلنا لحد كورنيش المعادي
ملاحظات شخصية :
- انا مكنتش مؤمن بالي بيحصل قدام السفارة و معارض لية .. بس في نفس الوقت لما رحت وشفت تعامل الامن المركزي معانا القضية تحولت معايا ان دة زي يوم 28 و اوسخ !! ازاي طيب احنا معملناش ثورة
- الجيش كالعادة استقبلناه بالورود و فتحنالة الطريق على امل ان هو الي هيخلص الموقف و يخلي الامن المركزي يبطل ضرب !! و اتفجئنا ان الامن المركزي ازداد بطش و قوة بطريقة غريبة و مدرعات الجيش واقفة وراهم ؟!!!
- قنابل الغاز المرة دي اشد قوة و تؤثر تأثير واسع و مباشر و مبينفعش معاها اي حاجة
- على قد مكنت مضايق من الموتسيكلات الكتير اوووووي بس كان ليها دور ايجابي في نقل المصابين
- مين سبب المشكلة ؟؟ مين الي عمل كدة انا معرفش ؟؟ معترض انا على طلوع السفارة و معترض على الذهاب لمديرية الامن و استخدام العنف !! بس استخدام العنف من الامن المركزي بنفس البشاعة الي عملوها في 28 يناير بردو مرفوض
- موقف الجيش مش مفهوم !! .. بعد حضور مدرعات الجيش و عساكر الشرطة العسكرية .. لو كانو مشو الامن المركزي زي محنا كنا متوقعين و زي ما الجيش بيعمل و امنو هما السفارة و قفلو الشارع .. كان الموضوع خلص وقتـــــي والناس روحت !! انما الي حصل النهاردة !! انا مقدرش اقول علية تعليق
No comments:
Post a Comment