تجربتى لمدة يوم داخل مقر الاخوان

دعاني صديقي الاخواني الي التحدث مع مسؤل التربية بجماعة الاخوان فرع المعادي .. و ذهبت !

ترحيب شديد من استاذ عبد المنعم - بضم ال م - و ادخلنى قاعت الاجتماعات الاخوانية فوجدت نفسي امام سبورة !!!! مكتوب عليها تقسيمة البرلمان و ما لفت نظري فيها " نسبة ترشح المرأة على قوائم الحزب " - فحمدت ربنا انهم عملين حساب المرأة هع هع - ’ و سرعان ما مسمح السبورة بسرعة كأني رأيت سر عسكري !!! او عورة احد ما 

جلست معه على المكتب في الكرسي امامي و تعرفنا على بعضنا البعض .. و اول سؤال طرحة على

س :  اية رأيك يا اخي في الاخوان - طبعا مع ابتسامة بشوشه جدا - ؟؟ 

 ج : فأجبت فصيل مصري ليه كل الاحترام و التقدير بسبب تاريخة فقط !!

فرد !! بسبب تاريخة فقط ؟؟

فأجبت  ,, ايوة حضرتك انا مشفتهمش غير في كتاب التاريخ بس ! و مش بتاع المدرسة كمان , لكن مشفتكوش في الشارع و لاسمعت عنكم الا في الانتخبات و البرلمان فقط .. لكن كقوى ثورية انا مكنتش واخد بالي منكو خالص و يأست من الثورة الاسلامية الي قعدتو تعشمونا بيها و كلنا كنا في انتظارها

اية يا اخي انت داخل حامي كدة لية ؟ انت عضو في اي حزب او تيار

اجبت - بأبتسامه عريضة و ضحك  -لا و الله مش حامي و لا حاجة انا جاوبت على قد السؤال و انا مش منضم لأي حزب .. بس ممكن حضرتك تكلمنى عن برنامج الاخوان او الزراع السياسي للاخوان حزب الحرية و العدالة ؟؟

ااجبنى , طبعا بالنسبة للبرنامج الاقتصادي احنا هننهــــــــــــــ       ض 

قاطعته في نصف كلامة , ممكن الجانب السياسي و الاجتماعي الاول يا استاذ عبد المنعم

ااة بص احنا بنتبنى سياسة التدرج .. طبعا انت عارف ان الاسلام دين شامل و منهج حياة متكامل , يصلح المجتمع .. بس احنا عايزين نطبق شرع الله بالتدرج .. وضربلي المثل بتاع ابن سيدنا عمر ابن عبد العزيز و مقولة سيدنا عمر ابن عبد العزيز " اخاق ان اجبر الناس على دين الله جملة فيتروكة جملة " فيما اتذكر يعني  .. و ضربلي امثلة بالخمر و ان اول ايات القرأن ماكنتش حدود 

قلتلو جميـــــــــــــــــــــــل انا متفق معاك 100% .. انا اقصد التعامل مع الاحزاب الاخري في الحياة السياسية ذات التوجهات الي ممكن حضرتك تسميها غير اسلامية مع اني مبسميهاش كدة

فابتسم و قالي ولا انا بسميها غير اسلامية ! و قالي يا اخي احنا عايزنها مشاركة ولا مغالبة .. الناس فاكره ان احنا هنستفرد بالدستور علشان نعملة لوحدنا و دة مش صحيح و كأنهم عارفين الغيب

قلتلو بص يا استاذ عبد المنعم , الناس متخوفة من الاداااة الي عايزة تطبق الشريعة و تطبق الدين الناس مش متخوفة من الاسلام .. و سبب التخوف من الدستور ان حضرتكو ملتزمتوش بوعدكو للثورة !!

فأتبعت ,, ايوة حضرتكو كنتو بتطمحو قبل الثورة بنسبة لا تتجاوز ال 12% في المجلس و اول ما قامت الثورة بقت 25 و بعد نهياتها بقت 35 و بعد شوية بقت 50 و بعد كدة 65 و حضرتكو دلوقتى مترشحين على 75 % من المقاعد 

فرد لا يا استاذي احنا اول كلامنا كان 35 , و بعدين احنا مترشحين على 75 علشان نحصد ال35 دول فقط , طبعا انت عارف انا الاحزاب بقت كتيرة اوي و الاصواط تفرقت بالذات اصواتنا 

فقاطعته !! اصواتكو تقصد ذو التوجه الاسلامي يعني

قالي مش بالظبط  بس الحمد لله احنا بقى عندنا كذا رؤية للأسلام و كذا حزب و دة طبعا بيقسم الاصوات ما بنا .. لان زو التوجه الليبرالي مش هيديني صوته الا نسبة قليلة جدا 

دي كانت اهم نقاط الحوار

المهم الساعة جت 8 ,, فقالي بعد اذنك يا استاذ محمود احنا عندنا اجتماع للاخوة دلوقتى - و فعلا الاخوة بقى عددهم 30 جوة الغرفة الي انا و استاذ عبد المنعم بنتكلم وكل اما اعارضه او اقاطعه اسمع طقطقه او واحد بينفخ كاني مينفعش اعارض او اناقش او اجادل عبد المنعم دة -  و انا اتمنى انك تعد معانا تستمع بس دة اجتماع لتنظيم الجهود في الاخوان .. فانت ممكن تنضملنا و تعد بقي و قعد يضحك كتير اوي بقى - قال يعني بيطرقنى بالذوق

بس فقلتلة مناقشة مفيدة جدا و اتمنى تتكرر ان شاء الله و سلام سلام و ابتسامات رحت ماشي , بس اداني اصدار غير مصرح ببيعة من اول اصدار لجريدة الحرية و العدالة هع هع هع 

المهم كان يوم مفيد و في النفس الوقت ضحك اووي :D