خبر > حكومة ظل شباب الثورة : مش كفاية
لما المخلوع قال مش حاترشح .. ناس قالت كفاية كده ...و ناس فضلت في التحرير و قالت (لأ) مش كفاية
و لما فوض عمر سليمان .. في ناس قالت كفاية كده .. و في ناس قالت (لأ) مش كفاية
و لما المخلوع مشي .. في ناس قالت كفاية كده ... و في ناس قالت (لأ) مش كفاية
ولما الوزارة اتغيرت (تغيير صوري) في ناس قالت كفاية كده .. و في ناس قالت (لأ) مش كفاية
ولما اقيل احمد شفيق فى ناس قالت كفاية .. وفى ناس قالت (لأ) مش كفاية
ولما اتعمل الاستفتاء في ناس قالت كفاية .. وفى ناس قالت (لأ) مش كفاية
ولما اتلغت وثيقة على السلمى فى ناس قالت كفاية .. وفى ناس قالت (لأ) مش كفاية
ولما اتحددت انتخابات مجلس الشعب فى ناس قالت كفاية .. وفى ناس قالت (لأ) مش كفاية
ولما اتقدمت انتخابات الرئاسة سنة فى ناس قالت كفاية .. وفى ناس قالت (لأ) مش كفاية
اللي بيقولوا كده كفاية ماتزعلوش مننا لما نقول ( لأ ) لان كل مرة قلنا ( لأ ) كنا على حق
وحنفضل نقول لأ لغاية ما تتحقق كل مطالبنا
انتخابات رئاسية عاجلة يتفتح باب الترشيح ليها فى 25 يناير
نقل السلطة كاملة لمجلس الشعب والرئيس المنتخب دون اى سلطات للمجلس العسكرى على الدستور
القصاص العادل من قتلة الشهداء
No comments:
Post a Comment