النمو الاقتصادي و العدالة الاجتماعية ! المعادلة المستحيلة . الجزء الاول

مبدأيا دي رؤية شخصية ممكن يكون فيها صح او غلط ممكن تكون كلها غلط .. بس دة الي انا فهمه او عارفة او حاسه

المقدمة و التمهيد

و كمان اصل فزاعة الاقتصاد . بدئت يبقى شكلها بايخ اوووووي يعني .. و موضوع الميزانية العك الي مطروحة من الحكومة .. الناس كلها انتقدتها .. فتعالو نفهم كدة واحدة واحدة .. مصر عايزين شكلها يبقى عامل ازاي ؟

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اية هوا النمو الاقتصادي .. هقلكو كلام بتوع كلية تجارة - الي انا واحد منهم - الاول : من تعريفات النمو الاقتصادي :

عبارة عن عملية يتم فيها زيادة الدخل الحقيقي زيادة تراكمية ومستمرة عبر فترة ممتدة من الزمن (ربع قرن) بحيث تكون هذة الزيادة أكبر من معدل نمو السكان مع توفير الخدمات الإنتاجية والاجتماعية وحماية الموارد المتجددة من التلوث والحفاظ علي الموارد غير المتجددة من النضوب

هناك تعريفات متعددة للتنمية الاقتصادية.ومن التعريفات الشائعة انها عملية تتضمن تحقيق معدل نمو مرتفع لمتوسط دخل الفرد الحقيقى خلال فترة ممتدة من الزمن (3عقود مثلا)على الا يصاحب ذللك تدهور في توزيع الدخل أو زيادة في مستوى الفقر في المجتمع.

كما يعرف أيضا على أنه الزيادة في كمية السلع والخدمات التي ينتجها اقتصاد معين. وهذه السلع يتم إنتاجها باستخدام عناصر الإنتاج الرئيسية، وهي الأرض والعمل ورأس المال والتنظيم - منقول من ويكيبيديا

اكلمك شعبي بالهجايص : يعني من الاخر كدة بنقيس الفرد الواحد الي مثلا كان بيخد 10 قروش السنة دي هياخد كام قرش السنة الي بعديها .. زاد و لا نقص ؟ حصل نمو و لا حصل هبوط ؟؟؟ او مصر كلها كانت بتنتج 10 وحدات من السلعة الفلانية السنة الي بعديها انتجت 11 . يبقى كدة اية ؟ نمو - عل اعتبار ان مصر بتنتج سلعة واحدة يعني - مثال صغير للتوضيح .. اعتقد كدة العملية بقت واضحة

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

العدالة الاجتماعية : من الاخر دي يعني ان كل الناس سواسية قدام القانون و ان ثروات البلد بتتوزع بطريقة عادلة على كل فئات الشعب و فيه مسواة و الغاء للفوارق الي بنهم

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بالنسبة لمصر و لا فية نمو اقتصادي و لا فية عدالة اجتماعية .. المجتمع في ال 30 سنة الاخيرة كان مجتمع طبقى و الطبقة المتوسطة بدأت تنهار او تتفكك بسسب ان عندهم طريقين يا يرتشو و ينضمو لطبقة الفاسدين - مش كل طبقة المليارديرات طبعا - يا يعيشو بنزاهة وشرف و يعتمدو على مرتبهم الي ميأكلش عيش و بكدة ينزلو لطبقة ادنى

طبعا بلد زي مصر بتمارس اقتصاديات السوق الحر المفتوح .. استولي على السوق كام حوت من حيتان البلد : زي عز القصير المكير . و جرانة الي عنيه مش مليانة . والمغربي و حسين سالم و كتيـــــــــــر غيرهم .. كل واحد قفشلة مجال او سلعة احتكرها و خلاص و ساب الفتات لصغار رجال الاعمال و بكدة الاقتصاد بقى عبارة عن طبقة متحكمة فيه بتكسب المليارات بنسب ربح غير عادلة بتصل لي 500 و 900 و سعات 1000 في % و بيدي عامل غلبان بيشتغل 12 ساعة 300 جنية في الشهر ياكل ويشرب بيهم هوا و امه و عيالة و مراتة تسألني ازاي اقلك !! العجل في بطن امه !! او البطيخة !! او طائر الرخ !! لانه سؤال ملوش حل

الحل في الوبست الجاي - علشان الاثارة و التشويق في المدونة - ههههههههههه - او عقبال مرتب الافكار الي في دماغي في نقط علشان كله متلخبط جوه