الحل ؟؟ للمعادلة المستحيلة . طبعا كلها اجتهادات شخصية متواضعة جدا
حلول النمو الاقتصادي و العدالة الاجتماعية
ــــــــــــــــــــــــــــــــــــــــــــــــــــــــــــــــــــــــ
- مبدأيا كدة موضوع قناة السويس و اننا نخلي العملة الي بنقبض بيها الرسوم الجنية مش هتفرق خالص .. علشان ساعات ناس تطلعلك تحسسك انها جابت التايه بالفكرة دي
- نخش في الجد . نظام الضرائب .. ظالـــــــــــــــــــــــــم بشكل مبالغ فية اوي في مصر .. الضرائب كتيرة اوي يا عيني على الموظف الغلبان و المستثمرين و رجال الاعمال بيخدو الحاجة بالدعم و قال اية يا خويا علشان نشجع الاستثمار !!!
- يعني اية اي موظف بيقببض اكتر من 14 الف جنية في السنة بيستقطع منه ضريبة شهرية على مرتبة طبعا ده غير بلاوي تانية بيستقطعهوها اشي تأمينات و اشي مستنقعات ولا اية !! هوا 14 1لف جنية دة الي هوا كام في الشهر يعني ؟ حوالي 1166 جنية في الشهر ؟ انتو شايفين ان دة مرتب ضخم لابد من فرض ضريبة عليه و بتبقى ضريبة محترمة يعني مش اي كلام ؟؟ يعني لا تعليق بجد
- نيجي بقى للبية المستثمر .. نديله غاز بسعر التكلفة و نبني لسيادتة كمان مولدات كهرباء يأما نديلة الكهرباء بسعر بخس اوي .. و المواطن الغلبان عمال يكع في غاز و كهرباء ههههههههه
- الضريبة التصاعدية ضرورة ملحة في البلد بشكل كبير .. لازم يبقى فية عدالة في الضارئب يا جدعان .. يعني الشريحة الي بتقبض اقل من 20 الف في السنة ميدفعوش اي ضرائب على مرتباتهم يأما ضريبه صغيرة جدا لان هما اصلا االريدي تحت خط الفقر .. و من بعد كدة تبقى تصاعدية
- الحاجة العدلة الوحيدة الي عملهلنا الهربان بطرس الي مش غالي .. الضريبة العقارية و عايز اتكلم شوية عن الضريبة العقارية
- اولا كدة لية انا متمسك بالضريبة العاقارية .. لسببين مهمين اوي في اعتقادي الشحصي اولهم ؟؟؟؟؟!!!!!!
- علشان البشاوات الي بيسقعولنا شقق و فدادين و منتجعات و بلاوي زرقاه دي .. يعني انت النهاردة عندك شقة = 500,000 تدفع عليها نسبة معينة السنة دي .. السنة الي بعديها بقت بي 1000,000 النسبة هتزيد علشان جنابك متشتريليش عشرتاشر شقة بي 5 جنية الشقة تسيبهالي 50 سنة لحد متبقى الشقة بمليون جنية و تروح بايع .. لا يا توتو .. الكلام دة لازم ينتهي .. مش واحد هيتحكم في مئات الشقق و فية شباب مش لاقي اوضة يتلم فيها هوا و مراته
- الضريبة العقارية هتجيب عائد رهيب لمصر .. و هتستقطع من طبقة معينة في مصر .. لأعادة توزيعها على باقي الشعب في صورة شقق إسكان الشباب و بكدة نكون حققنا العدالة الاجتماعية المرجوة حتى في مجال الاسكان او قدرنا نساعد شوية
7. وضع حد اقصى و ادني للأجور و الادني لازم ميقلش عن 1200 جنية و يكون ملزم للقطاع الخاص على الاقل في الحد الادني .. يا جماعة ميزانية الاجور 80 % منها بتروح لي 20 % من الموظفين - الي هما بشوات القطاع العام و المستشارين المالين و الادارين و التقليب دة - و ال 20 % الفاضلين بيروحو يعيني لي 80 % من الموظفين !! يا عيني على العدالة الاجتماعية
8. الدعم ! 100 مليار حنية سنويا دعم لسلع اساسية .. طيب تعالى نمسك السلع دي بالراحة كدة
- رغيف العيش : بص رغيف العيش دة بالنسبة للشعب المصري خط احمر - زي المجلس العسكري كدة قهقهه- فمش هنلغي دعمة .. بس عايزن حركة تطوير للمخابز و رقابة على الدقيق .. لان 60 % من الدقيق المدعم بيتسرق و بيروح لأصحاب المخابز الخاصة .. فيعني مش يبقى موت وخراب ديار احنا لو لمينا الدقيق المدعم دة من السرقة و الله ممكن نصدر عيش - قهقهه بردو -
- السولار : السولار بيدعم ! كلام جميل .. طبعا لازم دعم السولار بس لميـــــــــن ؟؟؟ لسواق المكروباص و التوكتوك و التاكسي اةةةة ... لكن للمصانع الاستثمارية الي هامش ربحها بيعدي 500 % لية !! هوا جنان و لا اية ... و الكهرباء و اسعارها نفس السيناريو بردة بالنسبة للمصانع
- مشتقات البنزين : و بالذات بنزين 92 و 95 علشان مضيقني اوي .. يعني اية واحد جيبلي عربية موديل السنة دي عايز دعم للبنزين 92 و 95 علشان عربيتة اصلها مش هينفع يتحطلها 80 و 90 !! اروح انا عملو دعم .. ههههههه و الله حاجة تضحك
- وبعدين مجاش بقى الوقت الي يبقى عندنا محطات تكرير بترول ؟ بدل محنا بنصدرة خام و نرجع بعد كدة نمد ادينا و نشحتة بالسعر العالمي ؟؟؟
- الغاز الي احنا بنتبرع بية لله و للوطن علشان خاطر اعدائنا دة اية ؟ دة مجبش روبع ثمنه العالمي يا جدعان يعني واقف علينا بخسارة الخسارة .. دحنا نشمه احنا و منبعوش البيعة الغبية دي
10. لو معملناش اكتفاء زاتي من القمح يبقى احنا كدة عمرنا مهنعمل نهضة اقتصادية علشان من الاخر الجعان و الي مش عارف يأكل نفسة متستنوش منه قفزة حضارية .. نستصلح اراضي نعمل ممر التنمية - انا مقتنع بيه جدا - بتاع فاروق الباذ .. المهم نتصرف
11. في حاجة اسمها القطاع الخاص غير الرسمي و دة بيعمل فية 30 % من العاملون في مصر :: زي مين زي محل ملوش سجل ضريبي .. تاكس حلو ظريف , مصنع احزية و جلود بس في الدرا - بس بيلعب في ملاين - , تررلة بتنقل كل نقلة و نقلة بكذا الف جنية .. سوبر ماركت او محل موبيلات في شارع مش رئيسي اوي !! الناس دي يا جماعة انا عارف و الله انهم غلابه هما كمان بس لازم يدفعو ضاريب ان شا الله لو هيدفعو 1 % من دخلهم السنوي .. بس يدفعو .. و الله هتفرق معانا .. مش هندبحهم و الله بس اي حاجة يعني .. نواية تسند الزير
12. سرعة احصاء فلوس مصر المنهوبة و سرعة احضارها و وضعها في مشاريع التنمية
- ده طلب .. من رجال الاعمال و المليونرات و المضاربين ^ مفيهاش حاجة لو كسبنا السنة دي و الي بعديها 50 % بس بدل ال 100 و ال 500 % الي انتو كنتو بتكسبوها .. ضحو علشان مصر شوية اثبتو انكو فعلا بتحبو البلد دي بجد .. يا حكومتناا انتى لية بتطلبي الغلابة و الموظفين و العمال انهم يربطو الحزام علشان خاطر مصر و سايبة دول يبرطعو ؟ و لا هيا مصر بتعتنا غلبانة و بتعتهم غنية ؟؟
- متجوش تقولو اللحقو العمال بيعطلو عجلة الانتاج و عملين مظاهرة و اعتصام ! و السبب ! اصلهم بيخدو 60 جنية في الشهر و عايزين يتثبتو و الميزانية لا تسمح ؟؟ 60 جنيــــــــــــــــــــه ؟؟؟ اةة 60 جنية و الله .. و الحكومة زعلانة منهم علشان بيتظاهر !! و هوا دة بقى الي بيعطل عجلة الانتاج .. اتقو الله في الطبقات المتوسطة و الفقيرة و الي في قاع المثلث الاجتماعي الي في مصر .. هتتسإلو عنهم يوم القيامة دول ..
- اعتقد دي حاجات كل الناس بتطرحها طب لية متتنفذش ؟؟ لو عايزين نزق البلد دي لقدام ! و لو غلط حد يقلنا غلط لية و يدينا بديل و احنا هنصدقه و الله و هنبقى وراة و ننفذ اي حاجة في مصلحة البلد دي .. علشان نفسنا نعيش بقى عيشة كريمة اقتصاديا و اجتمعايا و ثقافيا و علميا و كلو كلوووو
- عارفين عدالة روبن هوود اخد من الي فوق و ادي الي تحت !! اهو دة الي انا عايزة بس بالتراضي و منغير سرقة و الله سعاتها بس هنحس بالعدالة الاجتماعية
No comments:
Post a Comment