الطريقة السحرية لانتاج فيلم سينمائي , مربح

اللازم لانتاج فيلم يجيب ايرادات في السينما المصرية :

1- تحجز لوكيشن و تعمله على شكل عزبة ابو حشيش او القرود او مملكة الزبالين ,
 2- تجيب رقاصة - لا يشترط الدرجة اوي دة على حسب الماديات الي معاك - ,
 3- تجيب محمد رمضان او واحد بيقلد محمد رمضان او جوز اخت محمد رمضان ,
 4 - تجيب اوكا و اورتيجا او اي اتنين مبرشمين زيهم و يعملو للفيلم كام مهرجان على كام رقصة من الي هي بيمروحو فيها دي و يلعبو بالسيوف  
5- جيب نجلاء بدر ( تلاعب حواجبها بس ) جنب الرقاصة او ممكن تستغني عن الرقاصة او تجبها مشهد واحد لو الكاشات قصرت معاك اوي ,
 6 - السيناريو لازم يتكتب من واحد يأما كان شغال قواد يأما كان شغال بودي جارد لقواد ,
 7 - قوله يكتر القباحة في الفيلم و مش لازم يكون سكس - عشان الرقابة بقى - يركز على الايحائات و على الاسقاطات ( و شعبنا في الحاجات دي بيشغل دماغه ) ,

اعمل اعلان الفيلم بتاعك بقى ( هات واد صايع كدة و مدقديق ) تركز على كل ايحاء جنسي عندك , الصدور و الوراك الي بانو و طبعا متنساش حواجب نجلاء بدر !! و طبعا لازم في اخر الاعلان مشهد اكشن او لقطة للبطل بتاعك و هو بيقول ( عشت عصفور دبحوني , عشت اسد احترموني )  .. و يلا غرق باعلانك كل القنوات 

نزله السينما , استنى العيد , لم الفلوووس ,, قسمها نصين ؛ نص تصرفه على المزاج و نص تعمل بيه الجزء التاني للفيلم ( بس المرة دي كتر 

الاباحة شوية و الاكشن حبتين على كام لفظ خارج و هات دينا او رقاصة درجة اولى بقى )